ពីនេះ ពីនោះ
សុខភាព
×![]()
ដោយ: សារព័ត៌មានថ្មីៗ
ភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានខ្ទឹមស ប៉ុន្តែប្រហែលជាមិនធ្លាប់ដឹងទេថាគ្រឿងទេសនេះមានប្រសិទ្ធភាពជួយឱ្យឆាប់គេងលក់បានស្រួល។ គួរយកមកធ្វើបែបណាទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីគន្លឹះក្នុងការប្រើប្រាស់ខ្ទឹមសជួយឱ្យគេងលក់ស្រួល ៖
១. រួមបញ្ចូលក្នុងរបបអាហារ
អ្វីដែលអ្នកត្រូវធ្វើ គឺគ្រាន់តែព្យាយាមទទួលទានអាហារដែលមានផ្ទុកខ្ទឹមស ឬរួមបញ្ចូលគ្រឿងទេសនេះក្នុងរបបអាហារ។ ពិសេសប្រសិនបើអ្នកកំពុងជួបប្រទះបញ្ហាឆ្លងមេរោគនៃបំពង់ផ្លូវដង្ហើមខាងលើ! នេះក៏ព្រោះតែខ្ទឹមសមានសមត្ថភាពខ្លាំងក្នុងការកាត់បន្ថយការរលាក។ ក្រៅពីរួមបញ្ចូលក្នុងអាហារ អ្នកក៏អាចទទួលទានខ្ទឹមសឆៅពី ២ ទៅ ៣ កំពឹសតែម្ដងក៏បានដែរ។ ប៉ុន្តែកុំធ្វើបែបនេះប្រសិនបើអ្នកមានបញ្ហាច្រាលទឹកអាស៊ីតក្រពះ ពិសេសមុនពេលចូលគេង។
២. លាយខ្ទឹមសជាមួយទឹកដោះគោ
អ្នកអាចលាយខ្ទឹមសម៉ដ្ឋមួយកំពឹសក្នុងទឹកដោះគោក្ដៅឧណ្ហៗមួយកែវ។ កូរឱ្យសព្វ សឹមត្រងកាកចេញ រួចទទួលទានមុនពេលចូលគេង។ ភេសជ្ជៈនេះនឹងជួយឱ្យឆាប់គេងលក់បានស្រួល ហើយស្កប់!
៣. ដាក់ខ្ទឹមសស្រស់ក្រោមខ្នើយ
ការដាក់ខ្ទឹមសដែលបកសំបករួចក្រោមខ្នើយក៏មានប្រសិទ្ធភាពជួយឱ្យអ្នកឆាប់គេងលក់ផងដែរ។ ខ្ទឹមសមានផ្ទុកសមាសធាតុ sulfuric និងក្លិនម្យា់ងដែលមានឥទ្ធិពលផ្ដល់ភាពស្ងប់ដល់រាងកាយ ព្រមទាំងចិត្ត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
