COVID-19
អន្តរជាតិ
ថៃ ពិចារណាឈប់សម្រាករយៈពេលវែងក្នុងខែកក្កដាដើម្បីសងការលុបចោលពិធីសង្ក្រាន្ត
×![]()
រដ្ឋាភិបាលថៃ បានគូសបញ្ជាក់ថា ការឈប់សម្រាកច្រើនថ្ងៃក្នុងខែកក្កដា កំពុងត្រូវយកមកពិចារណាដើម្បីសងការលុបចោលពិធីបុណ្យចូលឆ្នាំថ្ងៃកាលពីខែមេសា។ មូលហេតុផ្អាកប្រារព្ធកាលនោះ គឺដើម្បីបង្ការការរាលដាលជំងឺរាតត្បាតសកល COVID-19 ។ យ៉ាងណាមិញ ឈប់ឬមិនឈប់គឺអាស្រ័យលើស្ថានភាព COVID-19 អំណោយផល។ 
មជ្ឍមណ្ឌលគ្រប់គ្រងស្ថានការណ៍COVID-19ថៃ (CCSA) នៅថ្ងៃទី ១ ខែមិថុនា បញ្ជាក់ថា ថ្ងៃឈប់សម្រាកសម្រាប់សងថ្ងៃបុណ្យសង្ក្រាន្ត គឺអាចទៅរួចនាខែខាងក្រោយ តែត្រូវមានលក្ខខណ្ឌមួយគឺតួលេខអ្នកឆ្លង COVID-19 បន្តធ្លាក់ចុះទាប។
តាមកាសែត បាងកកប៉ុស្តិ៍ អ្នកនាំពាក្យ CCSA លោក Taweesilp Visanuyothin អះអាងដូច្នេះថា៖«ខែកក្កដា អាចជាពេលវេលាសម្រាប់សងការប្រារព្ធថ្ងៃបុណ្យសង្ក្រាន្ត (ដែលត្រូវផ្អាក) ប្រសិនអ្វីគ្រប់យ៉ាងមានសភាពល្អប្រសើរ»។
រដ្ឋាភិបាលថៃ បានសម្រេចពន្យារពេលថ្ងៃឈប់សម្រាកសង្ក្រាន្តដែលត្រូវប្រារព្ធចាប់ពីថ្ងៃទី១៣ ដល់ថ្ងៃទី១៥ ខែមេសា រហូតដល់ជូនដំណឹងជាថ្មី។ ការផ្អាកនេះគឺធ្វើឡើងដោយបារម្ភថា ការប្រមូលផ្ដុំគ្នាមនុស្សច្រើន និងការធ្វើដំណើរទៅស្រុកកំណើតរបស់ពលរដ្ឋថៃ អាចធ្វើឲ្យការផ្ទុះរាលដាល COVID-19 កាន់តែអាក្រក់ថែមទៀត។
គិតត្រឹមថ្ងៃទី ២ ខែមិថុនា ប្រទេស ថៃ មានករណីឆ្លង COVID-19 សរុប ៣០៨៣ករណី និងអ្នកស្លាប់ ៥៨នាក់។ បើតាមវេបសាយ worldometers អ្នកជាសះស្បើយមាន ២៩៦៦ នាក់ ខណៈសល់សម្រាកនៅពេទ្យព្យាបាលចំនួន ៥៩នាក់៕
Tag:
ថៃ
ពិធីសង្ក្រាន្ត
COVID-19
ទេសចរណ៍
© រក្សាសិទ្ធិដោយ thmeythmey.com
