«​សំភារៈ​»​ឬ​«​សម្ភារៈ​»​មិនមាន​ក្នុង​វចនានុក្រម​ឡើយ​!
ពីនេះ ពីនោះ / មិនយល់...!
«​សំភារៈ​»​ឬ​«​សម្ភារៈ​»​មិនមាន​ក្នុង​វចនានុក្រម​ឡើយ​!
04, Jun 2020 , 7:29 am        
រូបភាព
ដោយ: ថ្មីៗ
​គួរ​កុំ​ប្រើពាក្យ​«​សំភារៈ​» និង​«​សម្ភារៈ​»​នេះ​ឲ្យ​សោះ គួរតែ​ប្រើ​ជា «​សម្ភារ​» វិញ​ទើប​ត្រឹមត្រូវ​។ ពាក្យ​«​សម្ភារ​»​មានន័យថា គ្រឿងផ្សំ ឬ​គ្រឿង​ប្រើប្រាស់​។ ឧទាហរណ៍​៖ បន្ទប់​នេះ​ស្អាត ដោយសារ​គេ​លម្អ​ដោយ​សម្ភារ​គ្រឿងសង្ហារិម​ដ៏​ប្រណិត​។ 

 
«​សម្ភារ​»​មិន​គ្រាន់តែ​សំដៅលើ គ្រឿងផ្សំ ឬ​គ្រឿង​ប្រើប្រាស់​នោះទេ​។ ពាក្យ​នេះ​ក៏​អាច​ប្រើ​ក្នុងន័យ ការ​សន្សំ ការ​សាង​សន្សំ​កុសល ការ​សាង​សន្សំ​បន្ទុំបារមី​(​របស់​ពោធិសត្វ​) ឬ​តេជះ អំណាច សេចក្តី​ទំនុកបម្រុង ការ​ស្រោចស្រង់ សេចក្តី​សង្គ្រោះ ការរួបរួម របស់​ផ្សំ​ជាមួយគ្នា​។ ឧទាហរណ៍​៖ យើងខ្ញុំ​បាន​សេចក្តីសុខ ដោយសារ​សម្ភារ​ព្រះតេជព្រះគុណ​។​
 
​ពាក្យ​«​សម្ភារ​»​មានន័យ​ខុសពី​ពាក្យ​«​បរិក្ខារ​»​ដែល​មានន័យថា គ្រឿង​ប្រដាប់​, គ្រឿង​ប្រដាប់​សម្រាប់​ប្រើប្រាស់​។ ឧទាហរណ៍​៖ គប្បី​ថែទាំ​សម្អាត​គ្រឿង​បរិក្ខារ​ផ្សេងៗ មាន​សំពត់​ខោអាវ​ជាដើម​ឲ្យ​ស្អាត​ជានិច្ច​៕ 
 

Tag:
 ពន្យល់​ពាក្យ​
© រក្សាសិទ្ធិដោយ thmeythmey.com