អគ្គស្នងការរងនគរបាលជាតិ ៖ អ្នកក្លែងបន្លំស្លាកលេខ «នគរបាល

ជាតិ

សង្គមជាតិ

អគ្គស្នងការរងនគរបាលជាតិ ៖ អ្នកក្លែងបន្លំស្លាកលេខ «នគរបាល » នឹងជាប់ពន្ធនាគារ

04, Jun 2020 , 4:07 pm

រូបភាព

ដោយ: ឡាយ សុភាវតី

ភ្នំពេញ៖ សមត្ថកិច្ច កំពុងតាមស្វែងរកម្ចាស់រថយន្តទំនើប ម៉ាក Rolls-Royce និង Mercedes ដែលបំពាក់ស្លាក់លេខ «នគរបាល2-7715» ដើម្បីអនុវត្តវិធានការច្បាប់។ ប្រតិបត្តិការស្វែងរកនេះ ធ្វើឡើងបន្ទាប់ពីអ្នកប្រើប្រាស់លើបណ្ដាញសង្គមហ្វេសប៊ុករិះគន់លើស្លាកលេខនគរបាល បំពាក់លើរថយន្តទំនើបនេះ។

លោក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការនគរបាលជាតិ បានបញ្ជាក់ថា រូបភាពរថយន្តបំពាក់ស្លាកលេខនគរបាល ដែលចែកចាយក្នុងបណ្ដាញសង្គមនោះ គឺស្លាកលេខក្លែងក្លាយ។ លោក គឹមខឿន បានអះអាងថា សមត្ថកិចកំពុងស្វែងរករថយន្តនោះ ដើម្បីចាត់វិធានការផ្លូវច្បាប់។ បើតាមលោក គឹមខឿន អ្នកដែលក្លែងបន្លំស្លាកលេខនេះ នឹងប្រឈមមុខជាប់ពន្ធនាគារ។

ឡានប្រើស្លាកលេខក្លែងក្លាយ (រូបភាពពីទំព័រហ្វេសប៊ុករបស់ ការពិត GCNP)

ថ្លែងប្រាប់សារព័ត៌មានថ្មី នៅរសៀលថ្ងៃទី៤ មិថុនានេះ អ្នកនាំពាក្យអគ្គស្នងការនគរបាលជាតិ បានបញ្ជាក់ថា៖ «ឥឡូវក្រុមការងារកំពុងតាមរករថយន្តនេះ ដើម្បីចាត់វិធានការឃាត់រថយន្ត។ និយាយឲ្យខ្លី ប្រើស្លាកលេខក្លែងក្លាយគឺ ជាប់គុកហើយ»។

កន្លងមកអង្គភាពនៃអគ្គស្នងការ មិនធ្លាប់បំពាក់ស្លាកលេខឲ្យរថយន្តប្រភេទទំនើបបែបនេះឡើយ។ បើពលរដ្ឋប្រទេះ ឃើញត្រូវជួយរាយការណ៍ទៅសមត្ថកិច្ចភ្លាម(ទូរសព្ទទៅលេខ 117 ) ដើម្បីកម្លាំងនគរបាលចុះអន្តរាគមន៍។ នេះបើតាមការអះអាងរបស់ លោក ឆាយ គឹមខឿន៕