ពីនេះ ពីនោះ
រូបគំនូរបង្ហាញពីកូនត្រីដែលពុំមានទីសុវត្ថិភាពដើម្បីរកចំណី និងធំធាត់ត្រូវបានត្រីធំៗ ចាប់ជាចំណី និងត្រូវបានចាប់ដោយអ្នកនេសាទផងដែរ។ គូរដោយ៖ ឈុត ឈាណា។
×![]()
នៅក្នុងបឹងទន្លេសាប បើពុំមានព្រៃលិចទឹកទេ កូនត្រីដែលទើបនឹងញាស់ពុំមានសុវត្ថិភាពឡើយ។ ដោយពុំមានទីសុវត្ថិភាពដើម្បីរកចំណី និងធំធាត់ កូនត្រីភាគច្រើន ត្រូវបានចាប់ជាដំណីដោយពពួកត្រីធំៗ និងអ្នកនេសាទ ដែលបណ្តាលឲ្យភាគរយនៃការរួចរស់សម្រាប់វដ្តជីវិតរបស់ពួកវាថយចុះ។ 
ដូច្នេះ ព្រៃលិចទឹកក្នុងបឹងទន្លេសាប មានសារៈសំខាន់ណាស់ សម្រាប់ជីវៈចម្រុះ។ នៅពេលដែលព្រៃលិចទឹកទាំងនោះ ត្រូវបានគេកាប់រំលំ ឬដុតបំផ្លាញដើម្បីរុករានយកធ្វើដីកសិកម្មក្នុងរដូវប្រាំង ខណៈពេលរដូវវស្សាចូលមកដល់ ជម្រកលាក់ខ្លួនសម្រាប់កូនត្រីតូចៗទាំងនោះ ត្រូវបានបំផ្លាញ។ ក្នុងនោះផងដែរ សារធាតុចិញ្ចឹមផ្សេងៗ ត្រូវកាត់បន្ថយ ឯជីវចម្រុះក៏ត្រូវបាត់បង់ដែរ។ ក្រៅពីនេះ ពេលត្រីមិនទាន់ពេញវ័យកំពុងធំលូតលាស់ ពួកវាបានប្រទះនូវការគំរាមកំហែងជាច្រើន ពីការនេសាទ ការបំពុលបរិស្ថាន ទឹករីងរាក់ដែលបណ្តាលមកពីផ្លាស់ប្តូររបរទឹកហូរនៃទំបន់វារិអគ្គិសនី ព្រមទាំងបញ្ហាផ្សេងៗទៀតផងដែរ។ (សូមរង់ចាំតាមដានវគ្គបន្ត)…
© រក្សាសិទ្ធិដោយ thmeythmey.com
