ភ្នំពេញ៖ រយៈពេល៥ខែ ឆ្នាំ២០២០នេះ កម្ពុជាបាននាំចេញម្ទេសស្រស់ទៅប្រទេសថៃចំនួន ជាង៣ម៉ឺនតោន។ នេះបើតាមហ្វេសប៊ុកផ្លូវផ្ទាល់របស់លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។
លោក វេង សាខុន រដ្ឋមន្ត្រីក្រសួងកសិកម្ម បានបញ្ជាក់ថា លទ្ធផលនៃការនាំចេញម្ទេសស្រស់ទៅប្រទេសថៃរយៈពេល៦ឆ្នាំចុងក្រោយនេះមានការកើនឡើងជាលំដាប់។ ដោយឡែក នៅឆ្នាំ២០១៥ នាំចេញបានចំនួន ១,០០២ តោន, ឆ្នាំ២០១៦ ចំនួន ១,៤៩០ តោន, ឆ្នាំ២០១៧ ចំនួន ១,៧៥០ តោន, ឆ្នាំ២០១៨ ចំនួន ១៥,៤៩៤ តោន,ឆ្នាំ២០១៩ ចំនួន ៥៥,៥១៣ តោន, និងរយៈពេល៥ខែ ឆ្នាំ២០២០ ចំនួន ៣០,៨៥២ តោន ។
គួរបញ្ជាក់ថា នៅឆ្នាំ២០១៩ កម្ពុជា បាននាំចេញកសិផលសំខាន់ៗ ទៅទីផ្សារអន្តរជាតិ ចំនួន៦,៩៣៩,៩៦៨តោន ក្នុងនោះរួមមាន អង្ករ , ចំណិតដំឡូងមីក្រៀម ដំឡូងមីស្រស់ និងម្សៅដំឡូង , គ្រាប់ស្វាយចន្ទី , គ្រាប់ពោត , ចេក , ស្វាយ , សណ្តែងសៀង, ម្រេច, ម្ទេសស្រស់,និងដំណាំផ្សេងៗជាច្រើនទៀត៕