អត្ថបទពាណិជ្ជកម្ម
សែលកាត រកឃើញអ្នកឈ្នះទឹកប្រាក់ ១០០ ០០០ ដុល្លារម្នាក់ទៀតហើយ ពីកម្មវិធីឈ្នះ១ម៉ឺនដុល្លាររៀងរាល់ថ្ងៃ
×![]()
ដោយ: សារព័ត៌មានថ្មីៗ
ភ្នំពេញ៖ថ្ងៃទី៩ ខែមិថុនា ឆ្នាំ២០២០៖ កម្មវិធីឈ្នះ១ម៉ឺនដុល្លាររៀងរាល់ថ្ងៃ របស់ក្រុមហ៊ុនសែលកាត បានផ្តល់ជូនអតិថិជនមហាសំណាងម្នាក់ទៀតហើយ ជាមួយនឹងរង្វាន់ដែលមានទឹកប្រាក់ ដ៏ច្រើនសន្ធឹកសន្ធាប់ រហូតដល់ ១០ម៉ឺនដុល្លារ។ ប្រាក់រង្វាន់នេះ ត្រូវបានយកទៅប្រគល់ជូនលោក ខឹម សារ៉ន នៅឯគេហដ្ឋានរបស់គាត់នាថ្ងៃនេះ ក្នុងទឹកដីខេត្តព្រះសីហនុ។
លោក ខឹម សារ៉ន គឺជាអ្នកឈ្នះទឹកប្រាក់១០ម៉ឺនដុល្លារ ទី ២៣ ប្រចាំឆ្នាំ ២០២០ របស់កម្មវិធីឈ្នះ១ម៉ឺនដុល្លារ រៀងរាល់ថ្ងៃ ដ៏ពេញនិយមបំផុតរបស់ក្រុមហ៊ុន សែលកាត។ ក្នុងពេលបច្ចុប្បន្ន លោក ខឹម សារ៉ន មានអាយុ៧០ឆ្នាំ ហើយកាលពីពេលកន្លងទៅ គាត់ក៏ធ្លាប់បម្រើការងារជាប្រធានមន្ទីរសុខាភិបាល ប្រចាំខេត្តព្រះសីហនុផងដែរ។
កម្មវិធីឈ្នះ១ម៉ឺនដុល្លាររៀងរាល់ថ្ងៃ របស់សែលកាត គឺជាប្រម៉ូសិនពិសេសមួយ ដែល ឱ្យអតិថិជនសែលកាតទាំងអស់ មានឱកាសឈ្នះប្រាក់រង្វាន់ដ៏ច្រើនសន្ធឹកសន្ធាប់ រហូតដល់ទៅ ១ម៉ឺនដុល្លារ ជារៀងរាល់ថ្ងៃ។ ក្នុងករណីដែលមិនមានអ្នកឈ្នះប្រចាំថ្ងៃ នោះប្រាក់រង្វាន់ដែលនៅសល់ នឹងត្រូវយកទៅបូកបញ្ចូលនៅថ្ងៃបន្ទាប់ ដែលនឹងបង្កើតបានជាប្រាក់រង្វាន់សរុប ដ៏សម្បើមអស្ចារ្យ។
លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បានមានប្រសាសន៍ថា លោកពិតជាមានអារម្មណ៍ត្រេកអរខ្លាំងណាស់ ហើយក៏សូមចូលរួមអបអរសាទរជាមួយអ្នកឈ្នះរង្វាន់ផងដែរ។ ក្រុមហ៊ុនសែលកាតមានក្តីសោមនស្សបំផុត ដែលអាចចូលរួមចំណែក ជួយដល់គ្រួសារបងប្អូនខ្មែរ ក្នុងគ្រាដ៏លំបាកនេះ។ លោក អៀន វ៉ាតសុន បន្ថែមថា៖«យើងសប្បាយចិត្តខ្លាំងណាស់ ចំពោះការឈ្នះរង្វាន់របស់ លោក ខឹម សារ៉ន ហើយយើងក៏សង្ឃឹមថា គាត់ និងក្រុមគ្រួសារទាំងមូល ពិតជាសប្បាយរីករាយ ជាមួយនឹងការឈ្នះប្រាក់រង្វាន់ដ៏ច្រើនសន្ធឹកសន្ធាប់ នេះដូចគ្នា។ ក្រុមហ៊ុនសែលកាត សូមយកឱកាសនេះ ដើម្បីថ្លែងអំណរគុណយ៉ាងជ្រាលជ្រៅ ចំពោះអតិថិជនដ៏ស្មោះស្ម័គ្រទាំងអស់ ហើយទន្ទឹមនឹងនោះ ក្រុមហ៊ុន ក៏មានមោទកភាពបំផុតផងដែរ ដែលបានក្លាយជាក្រុមហ៊ុន ទូរគមនាគមន៍តែមួយគត់នៅក្នុងប្រទេសកម្ពុជា ដែលគ្រប់គ្រងដោយជនជាតិខ្មែរទាំងស្រុង»។
លោក ខឹម សារ៉ន បានឱ្យដឹងថា៖ <<ខ្ញុំពិតជាមានអារម្មណ៍រំភើបឥតឧបមា ដែលមានសំណាងបានឈ្នះរង្វាន់ដ៏អស្ចារ្យបំផុតនេះ។ ការឈ្នះប្រាក់រង្វាន់ពីកម្មវិធីប្រូម៉ូសិននេះ នឹងជួយសម្រួលដល់ជីវភាពរបស់គ្រួសារខ្ញុំ ឱ្យមានភាពប្រសើរឡើងក្នុងពេលបច្ចុប្បន្ននេះ។ ខ្ញុំ និងក្រុមគ្រួសារទាំងមូល សូមថ្លែងអំណរគុណជាអនេក ដល់ក្រុមហ៊ុនសែលកាត ចំពោះឱកាសដ៏មហាសំណាងនេះ។ កម្មវិធីប្រូមូសិនរបស់សែលកាតនេះ គឺជាកម្មវិធីដ៏អស្ចារ្យមែនទែន ព្រោះវាបានផ្តល់នូវសំណាងមិននឹកស្មានដល់ ហើយវាថែមទាំងអាចជួយកែប្រែជីវិតរបស់យើងបានទៀតផង>>។
ការចាប់រង្វាន់ផ្លូវការនេះ បានប្រព្រឹត្តិទៅនៅថ្ងៃទី ៦ ខែមិថុនា វេលាម៉ោង ៦ ល្ងាច នៅលើទំព័រ YouTube របស់ក្រុមហ៊ុនសែលកាត។
ប្រសិនបើចាប់អារម្មណ៍ ចង់ចូលរួមលេងជាមួយកម្មវិធីផ្សងសំណាងប្រចាំថ្ងៃនេះ អ្នកអាចតេទៅលេខ 8888 ឬផ្ញើសារ “10K” ទៅកាន់ 8888 ហើយបន្ទាប់មក អ្នកនឹងទទួលបានលេខផ្សងសំណាងទាំង ៦ ខ្ទង់។ អ្នកឈ្នះ នឹងត្រូវប្រកាសជារៀងរាល់ថ្ងៃនៅម៉ោង ៦ ល្ងាច នៅលើទំព័រ YouTube របស់ក្រុមហ៊ុនសែលកាត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
