ជាតិ
ត្រីប្រាធំៗជាង១០ក្បាលងាប់បន្តបន្ទាប់គ្នា នៅកសិន្ធុប្រាសាទបាគងដែលរីងទឹកជិតអស់
× សៀមរាប៖ ត្រីប្រាធំៗដែលមានទម្ងន់ចាប់ពី២០ ទៅ៣០គីឡូក្រាម ជាង១០ក្បាល នៅក្នុងទឹកកសិន្ធុប្រាសាទបាគង បានងាប់បន្តបន្ទាប់គ្នា ដោយសារកសិន្ធុរីងទឹកស្ទើរគ្មានសល់។ ព្រះអង្គ អ៊ូ សូត្រ ចៅអធិការវត្តប្រាសាទបាគង មានសង្ឃដីការប្រាប់អ្នកសារព័ត៌មានថា នេះជាលើកដំបូងហើយ ដែលទឹកកសិន្ធុប្រាសាទបាគងរីងទឹក ដោយសារអាកាសក្តៅហួតហែង។
ព្រះសង្ឃនៅវត្តប្រាសាទបាគង បានណែនាំឱ្យពលរដ្ឋយក ត្រីដែលគេជឿថា ជាត្រីមានបារមីឬត្រីអ្នកតា ទៅកប់ចោល។ មិនមែនមានតែត្រីប្រាជាង១០ក្បាលនេះទេ ដែលបានងាប់ កន្លងមកមានក៏មានប្រភេទត្រីក្រហម ត្រីទីឡាបយ៉ា និងត្រីគល់រាំងដែលពលរដ្ឋយកមកលែងក្នុងកសិន្ធុនេះ បានងាប់ដែរ ដោយសារអាកាសហួតហែងនេះ។
ព្រះអង្គបន្ថែមថា ប្រសិនបើស្ថានភាពនៅតែបែបនេះទៀត (គ្មានទឹកភ្លៀង ឬបូមទឹកបន្ថែម) ត្រីទាំងអស់នឹងងាប់។ បច្ចុប្បន្ន គណៈកម្មការវត្តកំពុងរកជំនួយបច្ចេកទេស ដើម្បីសង្គ្រោះប្រភេទត្រីប្រាធំៗដែលនៅសេសសល់ក្នុងកសិន្ធុប្រាសាទបាគងនេះ ប្រមាណពី៣០ទៅ៤០ក្បាលទៀត៕
Tag:
ប្រាសាទបាគង
កសិន្ធុទឹក
© រក្សាសិទ្ធិដោយ thmeythmey.com