ជាតិ
អាជ្ញាធរ បានរឹបអូសមីន៣០គ្រាប់ ពីគ្រួសារមួយនៅបន្ទាយមានជ័យ ដែលយកព្យួរលើដើមឈើ គ្រាប់មីនដែលពលរដ្ឋយកទៅព្យួរលើដើមឈើ (រូបពីទំព័រហ្វេសប៊ុករបស់ លោក ហេង រតនា អគ្គនាយកមជ្ឈមណ្ដលកម្ចាត់មីនកម្ពុជា (CMAC))
× ភ្នំពេញ៖ អាជ្ញាធរ បានរឹបអូសមីន៣០គ្រាប់ ពីគ្រួសារមួយនៅភូមិទំនប់ដាច់ ឃុំអូរ៣ជាន់ ស្រុកអូរជ្រៅ ខេត្តបន្ទាយមានជ័យ ។ គ្រួសារមួយនេះ បានប្រមូលគ្រាប់មីនប្រឆាំងមនុស្សនិងសំណល់ជាតិផ្ទុះ ពីសង្គ្រាមជិត៣០គ្រាប់រក្សាទុក ដោយព្យួរលើដើមឈើក្បែរផ្ទះ ដើម្បីកម្សាន្ត។
បើតាមលោក ហេង រតនា នាយកមជ្ឈមណ្ឌលសកម្មភាពកំចាត់មីនកម្ពុជាសរសេរលើទំព័រហ្វេសប៊ុកថា គ្រាប់មីនដែលព្យួរលើដើមឈើនេះ គឺភាគច្រើននៅមានប្រសិទ្ធភាពផ្ទុះ។ លោក សង្កត់ធ្ងន់ថា «ករណីនេះសំណាងណាស់ ដែលគ្មានក្មេងៗលេងគ្រាប់មីន ព្រោះគ្រាប់ទាំងនេះងាយផ្ទុះបំផុត»។
សារព័ត៌មានថ្មីៗ មិនទាន់អាចទាក់ទងលោក ហេង រតនា ដើម្បីសុំការអត្ថាធិប្បាយបន្ថែមលើករណីនេះឡើយ។
តែយ៉ាងណាលោក ហេង រតនា បានបញ្ជាក់លើហ្វេសប៊ុកថា ពលរដ្ឋដែលរក្សាទុកគ្រាប់មីន នឹងប្រឈមមុខច្បាប់ហាមឃាត់ការប្រើប្រាស់ រក្សាទុកគ្រាប់មីន និងប្រឈមមុខច្បាប់អាវុធជាតិផ្ទុះផងដែរ។
នាយកមជ្ឈមណ្ឌលសកម្មភាពកំចាត់មីនកម្ពុជារូបនេះ បានអំពាវនាវឲ្យប្រជាពលរដ្ឋទាំងអស់រួមគ្នាការពារសុវត្ថិភាពពីគ្រាប់ម។ ទន្ទឹមនឹងនេះ លោកស្នើឲ្យពលរដ្ឋរាយការណ៍ទៅអាជ្ញាធរមូលដ្ឋានឬកម្លាំងស៊ីម៉ាក់ជាបន្ទាន់ ប្រសិនបើប្រទេះឃើញនរណាម្នាក់ប្រើប្រាស់ឬរក្សាទុកគ្រាប់មីន។
© រក្សាសិទ្ធិដោយ thmeythmey.com