ភ្នំពេញថ្ងៃទី១២ ខែ មិថុនា ឆ្នាំ ២០២០ - ក្រុមហ៊ុន RMA (Cambodia) PLC បាននាំចូល ផ្តាច់មុខនូវរថយន្តស៊េរីថ្មីម៉ាក XUV500 ដែលជាប្រភេទរថយន្ត SUV និងរថយន្តដឹកទំនិញមានពីរប្រភេទម៉ាក Bolero Pik-Up និង Supro Maxitruck ដើម្បីចែកចាយនៅលើទីផ្សារប្រទេសកម្ពុជា ដោយចាប់ដៃគូជាមួយក្រុមហ៊ុន Mahindra & Mahindra Ltd ដែលជាផ្នែកមួយនៃក្រុមហ៊ុន Mahindra Group និងមានទឹកប្រាក់វិនិយោគរហូតទៅដល់ ២០.៧ ពាន់លានដុល្លារអាមេរិក។
លោក ងន សាំង អគ្គនាយកក្រុមហ៊ុន RMA (Cambodia) PLC បានមានប្រសាសន៍ថា៖ «យើងមានមោទនភាពក្នុងការនាំយកផលិតផលថ្មីម៉ាក Mahindra ដើម្បីធ្វើការផ្សព្វផ្សាយ និងជាតំណាងនាំចូល និងចែកចាយផ្តាច់មុខនៅក្នុងប្រទេស»។
លោកបានបន្ថែមថា៖ «យើងប្តេជ្ញានឹងបង្កើតឲ្យមានទីផ្សារសម្រាប់ម៉ាកសញ្ញាមួយនេះនៅលើទីផ្សារប្រទេសកម្ពុជា។ យើងផ្តល់ជូនអតិថិជននូវផលិតផលដែលមានតម្លៃប្រកួតប្រជែង ដែលមានរថយន្តប្រភេទគ្រួសារស៊េរីថ្មីម៉ាកXUV500 រថយន្តដឹកទំនិញខ្នាតតូចម៉ាក Supro Maxitruck និង Bolero Pik-Up ជាមួយនឹងការផ្តល់ជូនតម្លៃដ៏ពិសេសដែរ។ យើងបានរៀបចំ យ៉ាងយកចិត្តទុកដាក់ដើម្បីផ្តល់ជូននូវបទពិសោធន៍លំដាប់ពិភពលោកជូនដល់អតិថិជនរបស់យើងនូវផលិតផលនិងសេវាកម្មដ៏ល្អបំផុត»។
អំពីរថយន្តសេរីថ្មីម៉ាក Mahindra XUV500:
រថយន្តស៊េរីថ្មីម៉ាក XUV500 ជាប្រភេទរថយន្ត SUV ដែលរចនាឡើងរវាងស្ទីលបែបដំណើរផ្សងព្រេង ប្រណីតភាព ការបង្ហាញចេញនូវភាពរឹងមាំ និងសន្សំសំចៃប្រេង។ រថយន្តនេះ ផ្តល់នូវផាសុកភាពក្នុងការធ្វើដំណើរនៅតាមដងផ្លូវក្នុងទីក្រុងក៏ដូចជាក្នុងស្ថានភាពផ្លូវ ពិបាកៗផងដែរ។ រថយន្តនេះបានរចនាផ្នែកខាងក្នុងថ្មីធំទូលាយ មានផាសុកភាព ជាប្រភេទរថយន្ត SUV មានកៅអីចំនួន៧ ដែលមាននៅលើទីផ្សារពិភពលោកផ្សេងៗគ្នា។ XUV500 នេះផ្តល់នៅកំលាំងសេះរហូតដល់ទៅ ១៤០ សេះ និងកំលាំងរមួលរហូតដល់ ៣២០ ញ៉ូតុនប្រអប់លេខអូតូ ៦ លេខ ដែលមានប្រភពមកពីក្រុមហ៊ុនAISIN ប្រទេសជប៉ុន។
រថយន្ត XUV500 មានលក្ខណៈពិសេសគ្របដណ្តប់គ្រប់ចំណុចសំខាន់ៗទាំងសុវត្ថិភាព ការរចនា និងភាពងាយស្រួលក្នុងការបើកបរដែលមានដូចជា៖
- ប្រព័ន្ធហ្វ្រាំង ABS និង Electronic Brake-force distributors (EBD)
- ប្រពន្ធ័គ្រប់គ្រងស្ថេរភាពពេលចុះចំណោត, ឡើងចំណោទ, និងរអិល Electronic Stability Control (ESC) + Hill descent control + Hill Hold with Rollover Migration
- ពោងការពារសុវត្ថិភាព
- ឧបករណ៍ភ្ជាប់កៅអីសុវត្ថិភាពសំរាប់កូនក្មេងមាននៅជួរទី ២ និងទី ៣ ផងដែរ ដៃចង្កូតមានពហុមុខងារជាមួយនឹងការគ្រប់គ្រងពេលបើកបរ ឧបករណ៍បញ្ជាសំឡេង
- ការត្រួតពិនិត្យសីតុណ្ហភាពដោយស្វ័យប្រវត្តិ (FATC)
- ចង្កៀងមុខប្រភេទ Projector ភ្លឺច្បាស់ល្អ (Auto headlamps and wipers)
- ទំហំកង់ ១៧ អ៊ីញ
- មានកាមេរ៉ាមើលក្រោយ និងសិនសឺចំនួន ៤គ្រាប់ជំនួយពេលចូលចត
- ដំបូលបើកបញ្ជាដោយប្រពន្ធ័ភ្លើង
- ស្បែកពូកពណ៌ខ្មៅប្រណិត
- អេក្រង់ទំហំ៧អ៊ីញ ប្រភេទថាចស្គ្រីន, ភ្ជាប់ USB, Bluetooth និង Aux input
រថយន្តសេរីថ្មី XUV500 ផ្តល់ការធនារយះពេល ៣ ឆ្នាំ ឫ ១០០,០០០ គីឡូម៉ែត្រ មួយណាដល់មុន។ តំម្លៃត្រឹមតែ ៤១,៣០០ ដុល្លាសហរដ្ឋអាមេរិក
អំពីរថយន្តម៉ាក Mahindra Bolero Pik-Up:
រថយន្តម៉ាក Mahindra Bolero Pik-Up ជារថយន្តភីកអាប់ដែលមានសមត្ថភាពខ្ពស់ក្នុងការបើកបរដែលមានកំលាំងម៉ាស៊ីន ២.៥លីត្រ, ប្រភេទម៉ាស៊ីនម៉ាស៊ូត ផ្តល់នៅកំលាំងសេះរហូតដល់ ១០០សេះ, និងកំលាំងរមួលរហូតដល់ ២៤០ ញ៉ូតុន, Bolero Pik-Up ផ្តល់នូវផាសុកភាពជាមួយនឹងប្រពន្ធ័ម៉ាស៊ីនត្រជាក់(AC), ដៃចង្កួតប្រើដោយប្រពន្ធ័ភ្លើង, Central Locking និង Power Windows ។
រថយន្តនេះអាចដឹកទំនិញបានរហូតដល់ ១០២៥ គីឡូក្រាម, សំរាប់ប្រភេទរថយន្តទ្វាពីរ, រីឯរថយន្តភីកអាប់ប្រភេទទ្វាបួនអាចដឹកទំនិញបានរហូតដល់ ៩២៥ គីឡូក្រាម។
រថយន្តប្រភេទ Bolero Pik-Up 2WD (SC/DC) ផ្តល់ការធនារយះពេល ២ ឆ្នាំ ឫ ៥០,០០០ គីឡូម៉ែត្រ មួយណាដល់មុន។
រថយន្តប្រភេទ Bolero Pik-Up 2WD single cab លក់ក្នុងតម្លៃត្រឹមតែ ១៨,៥០០ ដុល្លារសហរដ្ឋអាមេរិកតែប៉ុណ្ណោះ និង ប្រភេទរថយន្ត Bolero Pik-Up 2WD double cab លក់ក្នុងតម្លៃត្រឹមតែ ១៩,៥០០ ដុល្លារសហរដ្ឋអាមេរិកតែប៉ុណ្ណោះ ។
អំពីរថយន្តម៉ាក Mahindra Supro Maxitruck
រថយន្តម៉ាក Supro Maxitruck ជាប្រភេទរថយន្តអាជីវកម្មខ្នាតតូចសម្រាប់ដឹកទំនិញចែកចាយផ្សេងៗគ្រប់ទីកន្លែង។ វាមានលក្ខណៈពិសេសទាំងការបើកបរ សុវត្ថិភាព និងភាពងាយស្រួល។
Supro Maxitruck មានកំលាំងម៉ាស៊ីន ១.០លីត្រ ម៉ាស៊ីនម៉ាស៊ូត Direct Injection turbocharge ដែលផ្តល់នៅកំលាំងសេះរហូតដល់ ៤៥ សេះ និងកំលាំងរមួលរហូតដល់ ៩៨ ញ៉ូតុន សន្សំសំចៃប្រេង អាចផ្ទុកទំនិញបានរហូតដល់ ១,០០០គីឡូក្រាម ដែលមាន បណ្តោយទ្រុងប្រវែង ២.៥ម៉ែត្រ អាចផ្ទុកទំនិញទៅតាមតម្រូវការរបស់អ្នក។ ធ្វើអោយការបើកបរកាន់តែប្រសើរ ជាមួយសាក់ស៊ីដ៏រឹងមាំ មានទំហំកង់ ១៣ អ៊ីញ ការបត់បែនរហ័សទាន់ចិត្តនៅតាមផ្លូវចង្អៀតតូចនៅក្នុងក្រុង ដែលមានកំរិតដល់ ៤.៧ ម៉ែត្រសំរាប់ការបត់ មានម៉ាស៊ីនត្រជាក់ ចង្កួតប្រើដោយប្រពន្ធ័ភ្លើង មានឧបករណ៏សាកទូរសព្ទ័បានយ៉ាងងាយស្រួល។
រថយន្តប្រភេទ Supro Maxitruck ផ្តល់ការធនារយះពេល ២ ឆ្នាំ ឫ ៥០,០០០ គីឡូម៉ែត្រ មួយណាដល់មុន និងមានតម្លៃត្រឹមតែ ១៣,៥០០ដុល្លារសហរដ្ឋអាមេរិកតែប៉ុណ្ណោះ។
អំពីក្រុមហ៊ុន RMA (Cambodia) PLC.
ក្រុមហ៊ុន អ អិម អេ ខេមបូឌា បានឈានជើងចូលក្នុងទីផ្សារកម្ពុជាតាំងពីឆ្នាំ១៩៩២ ក្នុងនាមជាអ្នកផ្គត់ផ្គង់ផ្តាច់មុខនូវផលិតផល ដែលជាដំណោះស្រាយសម្រាប់រាល់ក្រុមហ៊ុនពាណិជ្ជកម្ម និងមិនមែនពាណិជ្ជកម្ម នៅក្នុងវិស័យយានយន្ត ឃ្លាំង ហេដ្ឋារចនាសម្ព័ន្ធ ថាមពល ភស្ថុភារ កសិកម្ម ហិរញ្ញវត្ថុ ការជួលឡាន និង ការគ្រប់គ្រងសិទ្ធិអាជីវកម្មម្ហូបអាហារជាដើម។ ក្រុមហ៊ុនអ អិម អេ មានក្រុមហ៊ុនបុត្រសម្ព័ន្ធជាច្រើន ហើយបាននាំចូលនិងចែកចាយផលិតផលដែលមានម៉ាកល្បីៗដូចជា៖ រថយន្តម៉ាកFord រថយន្តម៉ាកJaguarនិងLand Rover រថយន្តម៉ាកMahindra ផលិតផលកសិកម្មម៉ាកJohn Deere គ្រឿងចក្រម៉ាកJCB កង់បីម៉ាកPiaggio ឧបករណ៏សម្រាប់ប្រើក្នុងឃ្លាំងម៉ាកJLG, Hako, TCM, និងPowerboss ឧបករណ៏តេស្តអគ្គិសនីម៉ាកMinuteman, Megger, និង Minuteman ក្រុមហ៊ុនជួលឡានA.V.R និងផ្នែកចំណីអាហារដែលមានដូចជាហាង the Pizza Company ហាងការ៉េម Swensen’s និង Dairy Queen,ហាងដូណាត់ Krispy Kreme, ហាងសាច់អាំង Bar B Q Plaza និង The Coffee Club។
អំពីក្រុមហ៊ុន Mahindra
ក្រុមហ៊ុន ម៉ាហ៊ីនដ្រា ជាសហព័ន្ធក្រុមហ៊ុនដែលមានទំហំទឹកប្រាក់ជាង ២០,៧ ពាន់លានដុល្លារអាមេរិក ដែលអាចជួយប្រជាជន តាមរយៈដំណោះស្រាយប្រកបដោយភាពច្នៃប្រឌិត ដែលជួយជីវភាពប្រជាជននៅទីជនបទ លើសពីនេះទៅទៀតក្រុមហ៊ុនក៏បានជួយលើកកម្ពស់ជីវភាពរស់នៅក្នុងទីក្រុង តាមរយៈការជម្រុញ និងផ្គត់ផ្គង់អាជីវកម្មថ្មីៗ។ ក្រុមហ៊ុន ម៉ាហ៊ីនដ្រា ជា ក្រុមហ៊ុនរថយន្តដែលមានបច្ចេកវិទ្យាទំនើប និងនាំមុខគេនៅប្រទេសឥណ្ឌា។ សព្វថ្ងៃក្រុមហ៊ុនមានទីស្នាក់ការកណ្តាលនៅប្រទេសឥណ្ឌា និង មានបុគ្គលិកជាង ២,៤ ម៉ឺននាក់នៅទូទាំង ១០០ ប្រទេស៕
(អត្ថបទពាណិជ្ជម្ម)