កីឡាជាតិ
ជាតិ
AFC U19៖ កម្ពុជា អាចជួបជើងខ្លាំងកូរ៉េខាងត្បូង កាតា អារ៉ាប៊ីសាអូឌីត ឬអ៊ូសបេគីស្ថាន លោក Koji Gyotoku គ្រូបង្វឹកឈុត U19 កម្ពុជា(កណ្តាល)។ រូបថត FFC
× ក្រុមបាល់ទាត់ជម្រើសជាតិអាយុក្រោម១៩ឆ្នាំកម្ពុជា អាចជួបក្រុមខ្លាំងកាតា កូរ៉េខាងត្បូង អារ៉ាបីសាអូឌីត ឬអូសបេគីស្ថានក្នុងវគ្គជម្រុះពានរង្វាន់ AFC U19 Championship 2020 នៅប្រទេសអ៊ូសបេគីស្ថាន។ ការចាប់ឆ្នោតនឹងប្រព្រឹត្តទៅនៅថ្ងៃទី១៨ ខែមិថុនា ឆ្នាំ២០២០។
ក្រុមជម្រើសជាតិអាយុក្រោម១៩ឆ្នាំកម្ពុជាស្ថិតក្នុងបាឡុងទី៣(Pot 3)ជាមួយម៉ាឡេស៊ី វៀតណាម និងអ៊ីរ៉ាក់ នាការប្រកួតវគ្គជម្រុះ AFC U19 Championship 2020។ ក្រុមស្ថិតក្នុង Pot ជាមួយគ្នាមិនជួបគ្នានោះទេ។ ក្នុងន័យនេះ កម្ពុជា ត្រូវជួបជាមួយក្រុមមួយក្នុង Pot នីមួយៗចំនួន៣ផ្សេងទៀត។
ក្នុងនោះ Pot 1 មានកូរ៉េខាងខាងត្បូង កាតា អ៊ូសបេគីស្ថាន និងអារ៉ាប៊ីសាអូឌីត, Pot 2 មានអូស្ត្រាលី, ជប៉ុន, តាហ្ស៊ីគីស្ថាន និងឥណ្ឌូណេស៊ី និង Pot 4 មានអ៊ីរ៉ង់ បារ៉ែន យេម៉ែន និងឡាវ។
គួររំលឹកថា ក្រុម U19 កម្ពុជាទទួលបានកៅអីឡើងទៅវគ្គជម្រុះជុំផ្តាច់ព្រ័ត្រពានរង្វាន់ AFC U19 Championship 2020 ជាប្រវត្តិសាស្ត្រ ក្នុងនាមជាក្រុមលេខ២ល្អប្រចាំពូល G ជាមួយក្រុមលេខ២ល្អយេម៉ែន, អ៊ូសបេគីស្ថាន, វៀតណាម និងឡាវ។
នាការប្រកួតវគ្គជម្រុះជុំដំបូងនៅពហុកីឡដ្ឋានជាតិក្រុម U19 កម្ពុជាក្រោមការដឹកនាំរបស់គ្រូបង្វឹកជនជាតិជប៉ុន Koji Gyotoku បានយកឈ្នះកោះម៉ារីណាខាងជើង ៩-០, ឈ្នះថៃ ២-១ និងឈ្នះព្រុយណេ ៣-០ តែចាញ់ម៉ាឡេស៊ី ៥-៤៕
Tag:
បាល់ទាត់
U19 កម្ពុជា
AFC U19 Championship
© រក្សាសិទ្ធិដោយ thmeythmey.com