COVID-19
អន្តរជាតិ
លោក ពូទីន ថា រុស្ស៊ី ដោះស្រាយវិបត្តិ COVID-19 បានជោគជ័យជាងអាមេរិក ប្រធានាធិបតីរុស្ស៊ី វ្ល៉ាឌីមៀ ពូទីន ។ រូបភាព AFP
× ប្រធានធិបតីរុស្ស៊ី វ្ល៉ាឌីមៀ ពូទីន តាមរយៈកិច្ចសម្ភាសជាមួយទូរទស្សន៍ក្នុងស្រុកមួយ បានប្រកាសដោយឱឡារិកថា រុស្ស៊ីជោគជ័យជាងអាមេរិកក្នុងដោះស្រាយវិបត្តិ COVID-19 ដែលចម្លងមនុស្សជិត៨លាននាក់នៅទូទាំងពិភពលោក។ ដោយប្រៀបធៀបករណី COVID-19 ក្នុងប្រទេសទាំងពីរ មេដឹកនាំរុស្ស៊ីរូបនេះ ដោយនិយាយថា រុស្ស៊ីខូចខាតតិចតួច ។
«យើងកំពុងចាកចេញពីស្ថានភាព COVID-19 បណ្ដើរៗ ជាមួយការខាតបង់តិចតួចបំផុត ហើយក្នុងសហរដ្ឋអាមេរិកវិញ វាមិនកំពុងកើតឡើងបែបនេះឡើយ»។ ប្រធានាធិបតីរុស្ស៊ី វ្ល៉ាឌីមៀ ពូទីន និយាយដូច្នេះនៅថ្ងៃទី១៤ ខែមិថុនា ។
លោក ពូទីន ប្រាប់ទូរទស្សន៍រដ្ឋក្នុងកិច្ចសម្ភាសមួយថា ជំងឺរាតត្បាតសកល COVID-19 បានលាតត្រដាងវិបត្តិផ្ទៃក្នុងចាក់ស្រែះក្នុងសហរដ្ឋអាមេរិក ដែលមានករណីឆ្លងសរុបជាង២លានករណីហើយ។ ត្រង់ចំណុចនេះ លោកបានរិះគន់កង្វះការដឹកនាំក្នុងការទប់ទល់ស្ថានការណ៍ COVID-19 ដោយអះអាងថា ប្រធានាធិបតី ដូណាល់ ត្រាំ ប្រាប់រុស្ស៊ីឲ្យធ្វើបែបនេះបែបនោះ ក៏ប៉ុន្តែជាក់ស្តែង អភិបាលរដ្ឋអាមេរិកទៅវិញទេដែលជាអ្នកបញ្ជាលោក។
«ខ្ញុំគិតថា បញ្ហាគឺថា ផលប្រយោជន៍ក្រុម និងផលប្រយោជន៍គណបក្ស គឺត្រូវផ្ដល់អាទិភាពខ្ពស់ជាង ផលប្រយោជន៍សង្គមទាំងមូល និងផលប្រយោជន៍ប្រជាជន»។ លោក ពូទីន សង្កត់ធ្ងន់បែបនេះ ដែលដកស្រង់ចុះផ្សាយដោយទីភ្នាក់ងារព័ត៌មាន AFP ។
ម្ភៃបួនម៉ោងចុងក្រោយ ប្រទេស រុស្ស៊ី បានរាយការណ៍ករណី COVID-19 ថ្មី ៨៨៣៥ករណី ដែលធ្វើឲ្យករណីសរុបឡើងដល់ ៥២៨ ៩៦៤ករណី។ នេះគឺជាតួលេខខ្ពស់បំផុតលំដាប់ទី៣ ក្នុងពិភពលោក បន្ទាប់ពីប្រេស៊ីល និងសហរដ្ឋអាមេរិក។ បណ្ដាតំបន់ក្នុងប្រទេសនេះ ផ្ដើមបន្ធូរបន្ថយការបញ្ជាបិទប្រទស ហើយរដ្ឋធានីមូស្គូ បានបើកអាជីវកម្មដែលមិនចាំបាច់ឡើងវិញ ដូចជា ហាងកាត់សក់ ជាដើម។
គិតត្រឹមថ្ងៃទី១៥ ខែមិថុនា រុស្សីមានករណីស្លាប់ដោយCOVID-19សរុប ៦៩៤៨នាក់ ដែលទាបខ្លាំងបើធៀបនឹងសហរដ្ឋអាមេរិក ដែលមានសរុប១១៥ ៤៣៦នាក់។ អត្រាស្លាប់នៅរុស្ស៊ីមាននៅ ២,៦ភាគរយក្នុងចំណោមអ្នកជំងឺ COVID-19 ៕
Tag:
សហរដ្ឋអាមេរិក
រុស្ស៊ី
COVID-19
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com