COVID-19
កីឡាអន្តរជាតិ
អន្តរជាតិ
La Liga៖ Real ឈ្នះ Eibar ៣-១ ក្នុងជំនួបដំបូង ក្រោយផ្អាកដោយសារ COVID-19
× Real Madrid បានបន្តយុទ្ធនាការ La Liga របស់ពួកគេក្នុងការប្រកួតទី ២០០ ក្រោមការដឹកនាំរបស់អ្នកចាត់ការទូទៅលោក Zinedine Zidane ជាមួយនឹងជ័យជម្នះលើក្រុម Eibar ក្នុងលទ្ធផល ៣-១។
ជំនួសឲ្យកីឡដ្ឋាន Bernabeu ដែលកំពុងកែលម្អ ម្ចាស់ផ្ទះ Real Madrid បានយកទីលានហ្វឹកហាត់របស់ខ្លួន Estadio Alfredo di Stefano ដើម្បីទទួលភ្ញៀវ Eibar នៅយប់ថ្ងៃទី១៤ ខែមិថុនា។
ក្នុងជំនួបសប្តាហ៍ទី២៨ នៃក្របខណ្ឌលីគកំពូលអេស្ប៉ាញដែលជាការវិញត្រឡប់ទៅកាន់ការប្រកួតវិញក្រោយផ្អាក៣ខែដោយសារ COVID-19 ខ្សែបម្រើ Toni Kroos ជាអ្នករកគ្រាប់នាំមុខឲ្យក្រុមស្តេចសនៅ ៤នាទីដំបូងនៃវគ្គទី១។ ខ្សែការពារ Sergio Ramos និង Marcelo រកបានម្នាក់មួយគ្រាប់ជាបន្ទាប់ក្នុងនាទី ៣០ និង៣៧ មុនពេល Pedro Bigas វាយបកបាន១គ្រាប់វិញឲ្យ Eibar នៅនាទី៦០។ ចប់ការប្រកួត Real ឈ្នះ Eibar ៣-១។
ក្នុងការប្រកួតដែលមិនមានអ្នកគាំទ្រនេះ គឺជាការប្រកួតលើកទី២០០របស់ Real នៅក្រោមការដឹកនាំរបស់អ្នកចាត់ការសញ្ជាតិបារាំងលោក Zidane។ Zidane ជាអ្នកចាត់ការទី៣ ដឹកនាំក្រុមយក្សអេស្ប៉ាញមួយនេះលើសពី២០០ប្រកួតផងដែរ។
ជ័យជម្នះនេះ នាំឲ្យម្ចាស់ជើងឯក La Liga ច្រើនជាងគេចំនួន៣៣ជំនាន់ ស្ថិតនៅចំណាត់ថ្នាក់ទី២ មាន៥៩ពិន្ទុ ដោយតាមពីក្រោយក្រុមកំពូលតាងរាង Barcelona ចំនួន២ពិន្ទុ។ Sevilla ឈរលេខ៣ មាន៥៩ពិន្ទុ ខណៈ Real Sociedad នៅតំបន់ Top 4 មាន៤៧ពិន្ទុ។ Mallorca, Leganes និង Espanyol ស្ថិតនៅតំបន់ត្រូវកាត់ចោល៕
<iframe width="560" height="315" src="https://www.youtube.com/embed/Mcz3xMeeClw" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
Tag:
La Liga
COVID-19
Real Madrid
© រក្សាសិទ្ធិដោយ thmeythmey.com