ជាតិ
ពីនេះ ពីនោះ
រូបគំនូរបង្ហាញត្រីគល់រាំង បានមកដល់ទីជម្រកដើមក្នុងទន្លេមេគង្គតាមអន្លង់ទឹកជ្រៅ នាខេត្តក្រចេះ និងស្ទឹងត្រែងវិញ ។ គូរដោយ៖ ឈុត ឈាណា។
×![]()
ត្រីពេញវ័យដែលអាចរស់រានមានជីវិតរហូតដល់ធំ ដែលហែលចេញពីបឹងទន្លេសាប ឡើងទៅទន្លេមេគង្គ ដល់ខេត្តក្រចេះ និងស្ទឹងត្រែង ដើម្បីលាក់ខ្លួន ហើយចាប់ផ្តើមវដ្តជីវិតម្តងទៀត នៅរដូវវស្សាឆ្នាំក្រោយ។
ទន្លេមេគង្គ គឺជាទន្លេដែលវែងជាងគេ ក្នុងតំបន់អាស៊ីអាគ្នេយ៍ និងជាទន្លេដែលវែងជាងគេលើពិភពលោកទី១២។ ទន្លេនេះ មានប្រវែងប្រមាណ ៤,៣៥០ គីឡូម៉ែត្រ មានប្រភពពីតំបន់ទីបេ ហូរឆ្លងកាត់ប្រទេសចិន ភូមា ឡាវ ថៃ កម្ពុជា និងវៀតណាម ជាទន្លេដែលវែងជាងគេទី៧ នៅទ្វីបអាស៊ី ហើយក៏ជាជម្រករបស់មច្ឆជាតិជាច្រើនប្រភេទ និងជាប្រភពត្រីទឹកសាបដ៏សំខាន់នៅមួយនៅក្នុងតំបន់អាស៊ីអាគ្នេយ៍ផងដែរ។
ក្រោយពីឆ្លងកាត់ឧបសគ្គយ៉ាងច្រើនរាប់មិនអស់ ទីបំផុត ត្រីគល់រាំង ក៏បានមកដល់ទីជម្រកដើម ក្នុងខេត្តក្រចេះ និងស្ទឹងត្រែង ទីដែលពួកវាបានចាកចេញកាលពីដើមរដូវវស្សាកន្លងទៅនោះវិញ។ ពួកវា សំងំលាក់ខ្លួនតាមអន្លង់ទឹកជ្រៅក្នុងទន្លេមេគង្គ នារដូវប្រាំង។ ទាំងនេះ គឺជាវដ្តជីវិតរបស់វា ដែលពង-កូន និងចាកចេញក្នុងរដូវវស្សា ហើយត្រឡប់ចូលមកកន្លែងដើមវិញក្នុងរដូវប្រាំង។ សូមបញ្ជាក់ថា ត្រីគល់រាំង គឺជាប្រភេទត្រីជិតផុតពូជ ហើយត្រូវបានប្រកាសកំណត់ជាមច្ឆានិម្មិត្តរូប នៃព្រះរាជាណាចក្រកម្ពុជា តាមព្រះរាជក្រឹត្យលេខ នសរកត/០៣០៥/១៤៩ ចុះថ្ងៃទី២១ ខែមីនា ឆ្នាំ២០០៥៕
© រក្សាសិទ្ធិដោយ thmeythmey.com
