កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Troy Deeney ខ្សែប្រយុទ្ធក្រុម Watford ជឿជាក់ថាមាន កីឡាករបាល់ទាត់ស្រលាញ់ភេទដូចគ្នា (Gay) ម្នាក់នៅគ្រប់ក្នុងក្រុមកីឡាបាល់ទាត់នាពេលបច្ចុប្បន្ន។ Deeney សង្ស័យថាកីឡាករភេទទី៣ មានការស្ទាក់ស្ទើរក្នុងការក្លាយជាមនុស្សដំបូងគេដែលប្រកាសពីការស្រឡាញ់ភេទដូចគ្នា។
ខ្សែប្រយុទ្ធសញ្ជាតិអង់គ្លេស និងជាប្រធានក្រុម Watford ក្លិបនៃក្របខណ្ឌ Premier League រូបនេះ បានប្រកាសថារាល់ក្រុមបាល់ទាត់ទំនងជាមានកីឡាករស្រឡាញ់ភេទដូចគ្នា ខណៈ Deeney លើកទឹកចិត្តឲ្យអត្តពលិកទាំងនោះបើកចំហអំពីភេទរបស់ពួកគេដោយភាពក្លាហាន។
គិតមកទល់សព្វថ្ងៃនេះ មានតែអតីតខ្សែប្រយុទ្ធ Norwich City លោក Justin Fashanu តែម្នាក់គត់ជាកីឡាករបាល់ទាត់ភេទទី៣ ដែលបើកចំហជាប្រវត្តិសាស្ត្រនៅក្នុងចក្រភពអង់គ្លេស ហើយ Deeney បានអះអាងថាមានកីឡាករស្រឡាញ់ភេទដូចគ្នាជាច្រើនទៀតកំពុងប្រកបអាជីពក្នុងក្រុមបាល់ទាត់បច្ចុប្បន្ននេះ។ Fashanu ជនជាតិអង់គ្លេស បានស្លាប់ហើយតាំងពីឆ្នាំ១៩៩៨ ក្នុងអាយុ ៣៧ឆ្នាំ។
ខ្សែប្រយុទ្ធវ័យ ៣១ ឆ្នាំដែលបានលែងលះប្រពន្ធ ហើយមានកូន២នាក់ ជឿជាក់ថាពេលនេះដល់ពេលដែលអត្តពលិកដែលជាភេទទី៣គួរបង្ហាញភេទរបស់ពួកគេជាសារធារណឲ្យកាន់តែច្រើន ហើយរូបគេសង្កត់ធ្ងន់ ថាការមិនបង្ហាញចេញមកគឺជាបន្ទុកដ៏ធ្ងន់មួយទៅវិញទេ។
Deeney បានប្រាបើ BBC ថា៖«ខ្ញុំហ៊ានសន្មតថាប្រហែលជាមានភេទទី៣ម្នាក់ រឺ ពីរនាក់នៅក្នុងក្រុមបាល់ទាត់នីមួយៗ។ ពួកគេពិតជាមាននៅក្នុងក្រុម១០០ ភាគរយ។ ខ្ញុំគិតថាអ្នកស្រឡាញ់ភេទដូចគ្នា ឬមកពីសហគមន៍នោះពិតជាមានការព្រួយបារម្ភខ្លាំងក្នុងការសារភាពថាពួកគេជាភេទទី៣។ ប៉ុន្តែ ប្រសិនបើមានម្នាក់ចេញមកអះអាងដំបូងគេ ខ្ញុំជឿជាក់ថាយ៉ាងហោចណាស់ ១០០នាក់ក្នុងសប្តាហ៍នឹងចេញមុខតាមក្រោយ»៕
Tag:
Troy Deeney
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
