រដ្ឋាភិបាលផ្ដល់ស្បៀងអាហារ ថវិកា ម៉ាស់ និងអាល់កុល ដល់ពលរដ្ឋខ្មែរក្រៅប្រទេសជាង២ម៉ឺននាក់

COVID-19

ជាតិ

រដ្ឋាភិបាលផ្ដល់ស្បៀងអាហារ ថវិកា ម៉ាស់ និងអាល់កុល ដល់ពលរដ្ឋខ្មែរក្រៅប្រទេសជាង២ម៉ឺននាក់

17, Jun 2020 , 2:43 pm

រូបភាព

សកម្មភាពស្ថានទូតកម្ពុជាប្រចាំប្រទេសម៉ាឡេស៊ីបានផ្ដល់ស្បៀងអាហារដល់ពលរដ្ឋខ្មែរ (រូបពីទំព័រហ្វេសប៊ុករបស់ស្ថានទូតកម្ពុជាប្រចាំម៉ាឡេស៊ី)

ដោយ: ឡាយ សុភាវតី

ភ្នំពេញ៖ ស្ថានទូតកម្ពុជានៅក្រៅប្រទេសនានា បានឧបត្ថម្ភស្បៀងអាហារ ថវិកា ម៉ាស់ និងអាល់កុល ដល់ពលរដ្ឋខ្មែររស់នៅតំបន់ខ្លួន ជាង២ម៉ឺននាក់ នៅអំឡុងពេលរីករាលដាលជំងឺកូវីដ-១៩។ បើតាមលិខិតរបស់របស់នាយកដ្ឋានព័ត៌មាននៃក្រសួងការបរទេស និងសហប្រតិបត្តិការអន្តរជាតិ ។

ការផ្ដល់ជំនួយនេះ ធ្វើឡើយតាមរយៈស្ថានតូកម្ពុជានៅក្រៅប្រទេសដោយផ្ទាល់និងតាមរយៈការសហការជាមួយសប្បុរសជននានា ឲ្យដល់ពលករនិងនិត្សិតខ្មែរនៅបរទេសជាង២ម៉ឺននាក់។ គិតត្រឹមចុងខែឧសភា ពលរដ្ឋខ្មែរជាង២ម៉ឺននាក់ ដែលទទួលបានសម្ភារការពារជំងឺកូវីដ-១៩នេះ មននៅប្រទេសថៃជាង៥ពាន់នាក់, កូរ៉េជាង៥ពាន់នាក់, អេហ្ស៊ីប១១០នាក់, សិង្ហបុរី៥៤នាក់ វៀតណាមជាង៥០នាក់, ជប៉ុន១២៨៩គ្រួសារ, ម៉ាឡេស៊ី២១៤៥គ្រួសសារ និងប្រទេសដទៃផ្សេងទៀត។ នេះបើតាមក្រសួងការបរទស។

ទន្ទឹមនឹងនេះ ស្ថានទូតកម្ពុជាក៏បានអន្តរាគមន៍សង្គ្រោះពលរដ្ឋ ដែលរងគ្រោះដោយសារការជួយដូរមនុស្ស និងការរំលោភបំពានផ្សេងៗនៅបរទេស និងរៀបចំមាតុភូមិនិវត្តន៍ ៣៩២នាក់ មកពីប្រទេសថៃ វៀតណាម និងចិនផងដែរ៕