ជាតិ
អភិបាលក្រុងព្រះសីហនុអនុញ្ញាតឲ្យលក់ដូរនៅទីសាធារណៈវិញហើយ តែមានលក្ខខណ្ឌ...
លោក អ៊ី សុខឡេង អភិបាលក្រុងព្រះសីហនុ ខេត្តព្រះសីហនុ
×![]()
ដោយ: ឡាយ សុភាវតី
លោក អ៊ី សុខឡេង អភិបាលក្រុងព្រះសីហនុ ខេត្តព្រះសីហនុ បានអនុញ្ញាតឲ្យអាជីវកម្មករលក់ដូរនៅទីសាធារណវិញហើយ ក្រោយមានការតវ៉ាពីក្រុមអាជីវករប្រមាណជាង១០០នាក់ កាលរសៀលថ្ងៃទី២២ ខែមិថុនា ឆ្នាំ២០២០នេះ។ 
ថ្លែងប្រាប់សារព័ត៌មានថ្មីៗតាមទូរសព្ទថា លោក អ៊ី សុខឡេង បានអះអាងពីការព្រមព្រៀងគ្នារវាងអាជ្ញាធរ និងអាជីវករជាពិសេសផ្ដោតលើអ្នកលក់តាមកង់ ម៉ូតូ និងរថយន្តចល័ត ដែលត្រូវបានអនុញ្ញាតឲ្យលក់លើឆ្នេរ ការដ្ឋាន និងទីសារធារណៈ ប៉ុន្តែសម្រាប់អ្នកលក់ដូរដែលគ្មានទីលំនៅច្បាស់លាស់ តម្រូវឲ្យមានផ្ទះ ឬផ្ទះជួល ពោលគឺមិនអនុញ្ញតឲ្យយកកន្លែងសាធារណៈធ្វើជាកន្លែងស្នាក់នៅអចិន្ត្រៃយ៍ឡើយ។
លោកអភិបាលក្រុងព្រះសីហនុ បានថ្លែងថា៖ «សម្រាប់អ្នកលក់តាមការដ្ឋានសំណង់ មិនត្រូវលក់នៅលើផ្លូវ និងចិញ្ចើមផ្លូវ ឬលើផ្លូវដែលមានចរាចរណ៍ច្រើនឡើយ។ ចំណែកអ្នកលក់តាមឆ្នេរ ត្រូវរក្សាសណ្ដាប់ធ្នាប់ មិនត្រូវរៀបចំកន្លែងអង្គុយសម្រាប់ភ្ញៀវឡើយ និងត្រូវឲ្យមានធុងសំរាមត្រឹមត្រូវ។ សម្រាប់អ្នកលក់ដូរតាមផ្ទះគឺមិនចោទជាបញ្ហាឡើយ ព្រោះបានដោះស្រាយតាំងពីការសាងសង់ផ្លូវទាំង៣៤ខ្សែមក»។
អាជីវករលក់ប្រហិតនៅឆ្នេរអូរឈើទាល លោក កែវ វណ្ណៈ បានសាទរចំណាត់ការរបស់អភិបាលក្រុងដែលអនុញ្ញាតឲ្យក្រុមរបស់ខ្លួនអាចបន្តរបរជាង១០ឆ្នាំកន្លងមក។ លោកបានបញ្ជាក់ប្រាប់ ThmeyThmey ថា៖ «ខ្ញុំយល់ស្របតាមអាជ្ញាធរ និងគោរពតាមគោលការណ៍អនាម័យ។ គាត់មិនឲ្យកន្លែងភ្ញៀវអង្គុយក៏មិនអីដែរ តែសុំត្រឹមមានកន្លែងលក់ អាចប្រកបរបរចិញ្ចឹមជីវិតបាន»។
អាជីវករម្នាក់ទៀតដែលស្ថិតក្នុងចំណោមអ្នកតវ៉ាជាង១០០នាក់ គឺលោក ឈិត សុខលី ក៏រីករាយផងដែរចំពោះការសម្រេចរបស់លោកអភិបាលក្រុង។ លោកបានបញ្ជាក់ថា លោកលែងលក់ដូរទាំងភ័យខ្លាចទៀតហើយ។ កន្លងមក ដោយសារការលក់រត់ៗ មិនមានទីតាំងច្បាស់លាស់នេះ ធ្វើឲ្យលោកធ្លាក់ចំណូលជាងពាក់កណ្ដាល។
«កាលពីជាងមួយខែមុន ខ្ញុំលក់បុកល្ហុង និងត្រូវបានអាជ្ញាធរចាប់ម្ដងហើយ បន្ទាប់មកខ្ញុំចេះតែភ័យ លក់រត់ៗ ឲ្យតែឃើញអាជ្ញាធរ។ បើនិយាយពីចំណូល ខ្ញុំបានបាត់ជាងពាក់កណ្ដាល ដោយសារគ្មានទីតាំងច្បាស់លាស់ រួមទាំងស្ថានភាពកូវីដ-១៩ ផង»។ នេះបើតាមការលើកឡើងរបស់លោក សុខលី ដោយបន្ថែមទៀតថា អាជ្ញាធរនៅពេលធ្វើអ្វីមួយ គួរមានដំណោះស្រាយតាំងពីដើម មិនគួរឲ្យពលរដ្ឋទាល់ច្រកឡើយ៕
ថ្លែងប្រាប់សារព័ត៌មានថ្មីៗតាមទូរសព្ទថា លោក អ៊ី សុខឡេង បានអះអាងពីការព្រមព្រៀងគ្នារវាងអាជ្ញាធរ និងអាជីវករជាពិសេសផ្ដោតលើអ្នកលក់តាមកង់ ម៉ូតូ និងរថយន្តចល័ត ដែលត្រូវបានអនុញ្ញាតឲ្យលក់លើឆ្នេរ ការដ្ឋាន និងទីសារធារណៈ ប៉ុន្តែសម្រាប់អ្នកលក់ដូរដែលគ្មានទីលំនៅច្បាស់លាស់ តម្រូវឲ្យមានផ្ទះ ឬផ្ទះជួល ពោលគឺមិនអនុញ្ញតឲ្យយកកន្លែងសាធារណៈធ្វើជាកន្លែងស្នាក់នៅអចិន្ត្រៃយ៍ឡើយ។
លោកអភិបាលក្រុងព្រះសីហនុ បានថ្លែងថា៖ «សម្រាប់អ្នកលក់តាមការដ្ឋានសំណង់ មិនត្រូវលក់នៅលើផ្លូវ និងចិញ្ចើមផ្លូវ ឬលើផ្លូវដែលមានចរាចរណ៍ច្រើនឡើយ។ ចំណែកអ្នកលក់តាមឆ្នេរ ត្រូវរក្សាសណ្ដាប់ធ្នាប់ មិនត្រូវរៀបចំកន្លែងអង្គុយសម្រាប់ភ្ញៀវឡើយ និងត្រូវឲ្យមានធុងសំរាមត្រឹមត្រូវ។ សម្រាប់អ្នកលក់ដូរតាមផ្ទះគឺមិនចោទជាបញ្ហាឡើយ ព្រោះបានដោះស្រាយតាំងពីការសាងសង់ផ្លូវទាំង៣៤ខ្សែមក»។
អាជីវករលក់ប្រហិតនៅឆ្នេរអូរឈើទាល លោក កែវ វណ្ណៈ បានសាទរចំណាត់ការរបស់អភិបាលក្រុងដែលអនុញ្ញាតឲ្យក្រុមរបស់ខ្លួនអាចបន្តរបរជាង១០ឆ្នាំកន្លងមក។ លោកបានបញ្ជាក់ប្រាប់ ThmeyThmey ថា៖ «ខ្ញុំយល់ស្របតាមអាជ្ញាធរ និងគោរពតាមគោលការណ៍អនាម័យ។ គាត់មិនឲ្យកន្លែងភ្ញៀវអង្គុយក៏មិនអីដែរ តែសុំត្រឹមមានកន្លែងលក់ អាចប្រកបរបរចិញ្ចឹមជីវិតបាន»។
អាជីវករម្នាក់ទៀតដែលស្ថិតក្នុងចំណោមអ្នកតវ៉ាជាង១០០នាក់ គឺលោក ឈិត សុខលី ក៏រីករាយផងដែរចំពោះការសម្រេចរបស់លោកអភិបាលក្រុង។ លោកបានបញ្ជាក់ថា លោកលែងលក់ដូរទាំងភ័យខ្លាចទៀតហើយ។ កន្លងមក ដោយសារការលក់រត់ៗ មិនមានទីតាំងច្បាស់លាស់នេះ ធ្វើឲ្យលោកធ្លាក់ចំណូលជាងពាក់កណ្ដាល។
«កាលពីជាងមួយខែមុន ខ្ញុំលក់បុកល្ហុង និងត្រូវបានអាជ្ញាធរចាប់ម្ដងហើយ បន្ទាប់មកខ្ញុំចេះតែភ័យ លក់រត់ៗ ឲ្យតែឃើញអាជ្ញាធរ។ បើនិយាយពីចំណូល ខ្ញុំបានបាត់ជាងពាក់កណ្ដាល ដោយសារគ្មានទីតាំងច្បាស់លាស់ រួមទាំងស្ថានភាពកូវីដ-១៩ ផង»។ នេះបើតាមការលើកឡើងរបស់លោក សុខលី ដោយបន្ថែមទៀតថា អាជ្ញាធរនៅពេលធ្វើអ្វីមួយ គួរមានដំណោះស្រាយតាំងពីដើម មិនគួរឲ្យពលរដ្ឋទាល់ច្រកឡើយ៕
Tag:
ព្រះសីហនុ
អ្នកលក់ដូរ
សាធារណៈ
© រក្សាសិទ្ធិដោយ thmeythmey.com
