ជាតិ
សង្គមជាតិ
រដ្ឋមន្ត្រីកសិកម្ម ប្រាប់ប្រធានមន្ទីរ ឲ្យបង្ក្រាបការកាប់ទន្ទ្រានព្រៃ ការឈូសឆាយដីរដ្ឋ និង បទល្មើសជលផល លោក វេង សាខុន រដ្ឋមន្រ្តីក្រសួងកសិកម្ម ចុះទៅបំពេញបេសកកម្មនៅខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង និង ខេត្តសៀមរាប ពីថ្ងៃទី១៣ ដល់ថ្ងៃទី១៥ ខែមិថុនា ឆ្នាំ២០២០ ដើម្បីពិនិត្យនិងវាយតម្លៃលើការងារបង្កបង្កើនផល ចិញ្ចឹមសត្វ ការងារសហគមន៍កសិកម្ម និង សហគមន៍ព្រៃឈើ ជាដើម ដែលស្ថិតក្នុងចង្កោមអាទិភាពនៃផែនការយុទ្ធសាស្រ្តអភិវឌ្ឍវិស័យកសិកម្មឆ្នាំ២០១៩-២០២៣ (រូបពីក្រសួងកសិកម្ម)។
× លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ បានសរសេរលិខិត ដាក់ទៅប្រធានមន្ទីររបស់លោក នៅតាមរាជធានី-ខេត្ត ដើម្បីណែនាំឲ្យចាត់វិធានការទប់ស្កាត់និងបង្ក្រាបបទល្មើសព្រៃឈើ ជលផល ការកាប់រាន ការដុត ការឈូសឆាយដីព្រៃ និង ព្រៃលិចទឹក គ្រប់រូបភាព។
តាមរយៈលិខិត ដែលធ្វើឡើងតាំងពីថ្ងៃទី១៩ ខែមិថុនា ឆ្នាំ២០២០ លោករដ្ឋមន្ត្រី ផ្តល់ព័តមានដល់ប្រធានមន្ទីរកសិកម្ម រុក្ខាប្រមាញ់ និង នេសាទ នៅគ្រប់រាជធានី-ខេត្ត ថា បទល្មើសពាក់ព័ន្ធនឹងការទេសាទ ការកាប់រានដីព្រៃ-ព្រៃលិចទឹក ការដឹកជញ្ជូនផល-អនុផលព្រៃឈើ និង ការឈូសឆាយដីរដ្ឋ ជាដើម នៅតែបន្តកើតមានគួរឲ្យកត់សម្គាល់។ ដូច្នេះហើយ ទើបជាលោក ស្នើឲ្យប្រធានមន្ទីរទាំអស់ ចាត់វិធានការទប់ស្កាត់និងបង្ក្រាបបទល្មើសទាំងនេះ ក្រោមយន្តការនៃគណៈបញ្ជាការឯកភាពរដ្ឋបាលរាជធានី-ខេត្ត៕
Tag:
វេង សាខុន
បទល្មើសព្រៃឈើ
បទល្មើសជលផល
© រក្សាសិទ្ធិដោយ thmeythmey.com