COVID-19
កីឡាអន្តរជាតិ
អន្តរជាតិ
Djokovic សោកស្តាយដែលឆ្លង COVID-19 ពីកម្មវិធីប្រកួតរបស់ខ្លួន
×
Novak Djokovic កីឡាករវាយកូនបាល់លេខ ១ ពិភពលោកបានបង្ហាញការសោកស្តាយយ៉ាងខ្លាំងបន្ទាប់ពីក្លាយជាកីឡាករវាយកូនបាល់ចុងក្រោយដែលធ្វើតេស្តចេញលទ្ធផលវិជ្ជមានជំងឺ COVID-19។
ក្រៅពី Djokovic កីឡាករវាយកូនបាល់ដទៃទៀតដូចជា Grigor Dimitrov, Borna Coric និង Viktor Troicki សុទ្ធតែរកឃើញថាឆ្លងជំងឺរាតត្បាតសកលនេះ បន្ទាប់ពីចូលរួមការប្រកួតរួមគ្នាមួយក្នុងកម្មវិធី Adria Tour របស់ Djokovic ដែលធ្វើឡើងសម្រាប់ជំនួបទី១ក្នុងរដ្ឋធានី Belgrade។
Djokovic អ្នកវាយកូនបាល់សញ្ជាតិស៊ែប៊ី វ័យ៣៣ឆ្នាំបានបង្ហោះនៅលើបណ្តាញសង្គម Twitter ថាការឆ្លងនេះលឿនពេកហើយសម្រាប់ការរៀបចំការប្រកួតនេះ។
«ខ្ញុំពិតជាសោកស្តាយយ៉ាងខ្លាំងចំពោះការប្រកួតរបស់យើងដែលបានបង្កទៅជាអន្តរាយ»។ Djokovic បញ្ជាក់ដូច្នេះ ហើយលោកបន្ថែមថា ការប្រកួតបានរៀបចំឡើងដោយ បេះដូងបរិសុទ្ធ ក្នុងបំណងល្អ និងមានជំនឿថាពួកគេទាំងអស់គ្នាទទួលបានពិធីសារប្រកបដោយសុខភាព ប៉ុន្តែផ្ទុយទៅវិញអ្នកទាំងអស់គ្នាបានធ្វើខុសហើយ ដ្បិតថាវាកើតឡើងឆាប់ពេក។
បន្ទាប់ពីមានការឆ្លងនេះ ព្រឹត្តិការណ៍ Adria Tour ដែលនៅសេសសល់ការប្រកួតជាបន្តបន្ទាប់ ត្រូវបានលុបចោលវិញទាំងអស់តែម្តង។ នេះបើតាមលោក Djordje បងប្រុសរបស់ Djokovic ដែលជាអ្នករៀបចំដំណើរការប្រកួតខាងលើនេះ។
ដោយឡែក Andy Murray អ្នកវាយកូនបាល់របស់ចក្រភពអង់គ្លេសបាននិយាយថាការធ្វើតេស្តចេញលទ្ធផលវិជ្ជលើកីឡាករទាំងនេះ ជាមេរៀនសម្រាប់កីឡាករដទៃទៀត ខណៈដែលកីឡាករអូស្ត្រាលី Nick Kyrgios ហៅដំណើរការប្រកួតនេះថាជា ការសម្រេចចិត្តដ៏ប្រថុយប្រថាន។
គិតត្រឹមថ្ងៃទី២៥ ខែមិថុនានេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនដល់៩៥៥១៩០០ករណី ក្នុងនោះស្លាប់ជាង៤៨ម៉ឺននាក់ និងសះស្បើយចំនួនជាង ៥១៩០០០០ ករណី៕
Tag:
Novak Djokovic
COVID-19
© រក្សាសិទ្ធិដោយ thmeythmey.com