កញ្ញា អាត សុធាវី ឈ្នះពាន «ព័ត៌មាន និងទំនាក់ទំនង» ពីកម្មវិធីស្ត្រីឆ្នើមប្រចាំអាស៊ីអាគ្នេយ៍

ជាតិ

សង្គមជាតិ

កញ្ញា អាត សុធាវី ឈ្នះពាន «ព័ត៌មាន និងទំនាក់ទំនង» ពីកម្មវិធីស្ត្រីឆ្នើមប្រចាំអាស៊ីអាគ្នេយ៍

26, Jun 2020 , 11:45 am

រូបភាព

កញ្ញា អាត សុធាវី

ដោយ: រួបរួម

កញ្ញា អាត សុធាវី អ្នកគ្រប់គ្រងកម្មវិធីជាន់ខ្ពស់ផ្នែកនវានុវត្តន៍នៅអង្គការ DAI Globalរួមទាំងកម្មវិធី និងវគ្គបណ្តុះបណ្តាលគម្រោង USAID’s Development Innovation បានក្លាយជាម្ចាស់ពានផ្នែក «ព័ត៌មាន និងទំនាក់ទំនាក់» (Media & Communications) ពីការប្រកួតប្រជែង«ពានរង្វាន់ស្ត្រីនៃពេលអនាគតប្រចាំតំបន់អាស៊ីអាគ្នេយ៍» (Women of the Future Awards South East Asia)។ ជ័យលាភីត្រូវបានប្រកាសតាមរយៈការផ្សាយផ្ទាល់លើបណ្តាញសង្គម Youtube កាលពីល្ងាចថ្ងៃទី២៥ ខែមិថុនា ឆ្នាំ២០២០ ពីសណ្ឋាគារ Hilton Singapore ប្រទេសសិង្ហបុរី។

អត្ថបទទាក់ទង

ស្ត្រីខ្មែរកាន់តែច្រើន មានសក្តានុពលខ្ពស់សម្រាប់ការប្រជែងពានស្ត្រីឆ្នើមប្រចាំអាស៊ីអាគ្នេយ៍

កញ្ញា អាត សុធាវី បង្កើតយុទ្ធនាការ«Think Plastic»ដើម្បីជួយបង្កើនចំណេះដឹងអំពីប្លាស្ទិក

កញ្ញា អាត សុធាវី ដែលមានបទពិសោធន៍ជាច្រើនឆ្នាំលើការងារព័ត៌មាន និងទំនាក់ទំនង គឺជាសកម្មជនបរិស្ថានម្នាក់ដែលចូលរួមយ៉ាងសកម្មក្នុងការបញ្ជ្រាបការយល់ដឹងរបស់ពលរដ្ឋកម្ពុជាអំពីប្លាស្ទិក តាមរយៈយុទ្ធនាការ «Think Plastic»។ សម្រាប់ពានរង្វាន់ផ្នែក Media & Communications ក្នុងកម្មវិធី Women of the Future Awards South East Asia ស្ត្រីដែលមានកំណើតនៅខេត្តត្បូងឃ្មុំរូបនេះ មានសំឡេងគាំទ្រ លើស អ្នកកាសែតហ្វីលីពីន Angela Lagunzad, ការីនិពន្ធម៉ាឡេស៊ី Cynthia Ng និងមន្ត្រីអង្គការអុកស្វាមនៅមីយ៉ាន់ម៉ា Yee Mon Oo។

កម្មវិធីស្ត្រីនៃពេលអនាគត (The Women of the Future –WOF) ជាផ្នែកមួយក្នុងការលើកកម្ពស់ការប្រកួតប្រជែងផ្នែកសមត្ថភាព និងទេពកោសល្យរបស់ស្ត្រីនៅលើពិភពលោក។ ដោយឡែកនៅតំបន់អាស៊ីអាគ្នេយ៍ នារយៈពេល៣ឆ្នាំកន្លងមកនេះ ស្ត្រីខ្មែរយ៉ាងហោច២៥រូប ត្រូវបានជ្រើសរើសសម្រាប់ការប្រកួតប្រជែង រហូតទទួលបានកិត្តិយសដ៏គួរឲ្យកត់សម្គាល់ផងដែរសម្រាប់ «ពានរង្វាន់ស្ត្រីនៃពេលអនាគតប្រចាំតំបន់អាស៊ីអាគ្នេយ៍» ឬ «Women of the Future Awards South East Asia»។

កាលពីឆ្នាំ២០១៨ តារាចម្រៀងខ្មែរ-អាមេរិក ឡូរ៉ា ម៉ម បានក្លាយជាម្ចាស់ពានផ្នែក Arts & Culture ខណៈលោកស្រី យឹម រ៉ាដែត នាយិកាមជ្ឈមណ្ឌល Global Art Cambodia ទទួលបានការកោតសរសើរខ្ពស់ (Highly Commended) ផ្នែក Business និងលោកស្រី សូ គន្ធី នាយិកាគ្របគ្រង់ទូទៅ នៃសិប្បកម្មកែច្នៃម្រុំខ្មែរ បានការកោតសរសើរខ្ពស់ផ្នែក Social Entrepreneur។

នៅឆ្នាំ២០១៩ លោកស្រី ម៉ូវ គន្ធា សហស្ថាបនិក និងជាប្រធានគ្រប់គ្រងក្រុមហ៊ុនច្នៃម៉ូដកាត់ដេរ និងលក់សម្លៀកបំពាក់ «តស៊ូ» ក្នុងខេត្តកំពត ដែលឈ្នះពានរង្វាន់ «Social Entrepreneur» ខណៈកញ្ញា Catherine Harry បានការកោតសរសើរខ្ពស់ (Highly Commended) សម្រាប់ពាន Community Spirits and Public Service.

នៅឆ្នាំ២០២០នេះ ក្រៅពីអាត សុធាវី ម្ចាស់ពានផ្សេងទៀតជ័យលាភីផ្សេងទៀតរួមមាន Khin Thida Hnin (មីយ៉ាន់ម៉ា) ផ្នែក Business, Anita Takounsy (ឡាវ) ផ្នែក Entrepreneur, Gigi Morris (ហ្វីលីពីន) ផ្នែក Mentor, Lucille Dejito (ហ្វីលីពីន) ផ្នែក Professions, Rhonda Wong (សិង្ហបុរី) ផ្នែក Property, Infrastructure & Construction, Bee Lynn Chew (ម៉ាឡេស៊ី) ផ្នែក Science, Technology & Digital, Chit Thu (មីយ៉ាន់ម៉ា) ផ្នែក Social Entrepreneur និង Heidy Quah (ម៉ាឡេស៊ី) ផ្នែក Community Spirit & Public Service៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

7 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អត្ថបទពេញនិយមបន្ថែម