ជាតិ
ផលនេសាទសមុទ្រ ពីតំបន់ពាមក្រសោបខេត្តកោះកុង មានចំនួន ១១ ៦៨០តោនកាលពីឆ្នាំ២០១៩
×![]()
ដោយ៖ Thmeythmey25
ខេត្តកោះកុង មានលទ្ធភាពផ្គត់ផ្គង់ផលវារីវប្បកម្ម ប្រមាណ ១៥ ១០០តោន ក្នុង១ឆ្នាំ។ នេះបើតាមលោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន ដែលបានធ្វើដំណើរទស្សនកិច្ច នៅសហគមន៍ពាមក្រសោប កាលពីថ្ងៃទី១៨ ខែមិថុនានេះ។ ទៅដល់តំបន់ពាមក្រសោប អ្នកនាំពាក្យក្រសួងបរិស្ថាន ក៏មិនភ្លេចលើកឡើងពីការរួមចំណែករបស់សហគមន៍មួយនេះ នៅក្នុងសេដ្ឋកិច្ច និងការកាត់បន្ថយភាពក្រីក្រនោះដែរ។ 
បើតាម លោក នេត្រ ភក្ត្រា រដ្ឋ តំបន់ពាមក្រសោប មានតួនាទីយ៉ាងសំខាន់ ក្នុងការរក្សាផលស្តុក ជាដែនជម្រក និងប្រភពមេពូជមច្ឆជាតិ ដែលជាប្រភពធនធានសមុទ្រសម្បូរបែប។ ជាក់ស្តែងកាលពីឆ្នាំ ២០១៩ ផលនេសាទសមុទ្រដូចជាបង្កង ក្តាម និងប្រភេទត្រីសមុទ្រ ពីតំបន់ពាមក្រសោបនេះ មានចំនួនប្រមាណ ១១ ៦៨០ តោនឯណោះ ឬជាង៧៧ភាគរយ បើធៀបនឹងផលវារីវប្បកម្មសរុបដែលខេត្តកោះកុងផលិតបានក្នុងឆ្នាំៗ។ លើសពីនេះ តំបន់ព្រៃកោងកាងជាប្រភពប្រាក់ចំណូលសម្រាប់សហគមន៍តាមតំបន់ឆ្នេរ ដូចជាការនេសាទ និងតំបន់អេកូទេសចរណ៍ផងដែរ។
នៅក្នុងដំណើរទស្សនកិច្ចនោះ រដ្ឋលេខាធិការក្រសួងបរិស្ថាន ក៏បានបានអំពាវនាវឱ្យប្រជាពលរដ្ឋនៅក្នុងតំបន់ការពារធម្មជាតិ ចូលរួមការពារ និងអភិរក្សដើមកោងកាង ក៏ដូចជាចូលរួមដាំដើមកោងកាងឲ្យបានច្រើនបន្ថែមទៀត ដើម្បីនិរន្តរភាពបរិស្ថាន និងជីវៈចម្រុះសមុទ្រ៕
© រក្សាសិទ្ធិដោយ thmeythmey.com
