ជាតិ
វីដេអូ
«ឆាយតាហ៊ីង» ស្ទឹងធម្មជាតិអមដោយព្រៃឈើដ៏ខៀវស្រងាត់នៅតំបន់អារ៉ែង
× កោះកុង៖ «ឆាយតាហ៊ីង» ជាតំបន់ទឹកស្ទឹងធម្មជាតិអមទៅដោយព្រៃឈើស្រស់បំព្រង និងមានទឹកហូរត្រជាក់កាយា។ ស្ទឹងនេះក៏ជាទីដ៏ពេញនិយមសម្រាប់ភ្ញៀវទសចរមកពីគ្រប់ទិសទី ដើម្បីលំហែកាយ នៅតំបន់ស្ទឹងអារ៉ែងដែរ។ ទឹកស្ទឹងដ៏ស្រស់ត្រកាលនេះ ស្ថិតនៅក្នុងឃុំជំនាប់ ស្រុកថ្មបាំង ខេត្តកោះកុង។
សូមទស្សនាវីដេអូទឹកស្ទឹងឆាយតាហ៊ីងដោយលោក សែម វណ្ណា អ្នកសារព័ត៌មានថ្មីៗ២៥ ដូចខាងក្រោម៖
លោក ហ៊ីង ពៅ អនុប្រធានសហគមន៍អេកូទេសចរណ៍ជនជាតិដើមភាគតិចជងនៅតំបន់អារ៉ែង បានប្រាប់សារព័ត៌មាន ThmeyThmey25 ដូច្នេះថា៖ «ភ្ញៀវមកពីភ្នំពេញ និងតាមបណ្ដាខេត្តផ្សេងៗ តែងតែមកលេងកម្សាន្តនៅឆាយតាហ៊ីង ព្រោះឡានអាចចូលមកដល់ ហើយភ្ញៀវទេសចរអាចមកតែមួយថ្ងៃបាន។ ភ្ញៀវទេសចរ អាចចុះងូតទឹក ស្ទួចត្រី និងបោះតង់ បាននៅឆាយតាហ៊ីងនេះ»។
ដើម្បីធ្វើដំណើរដល់ឆាយតាហ៊ីង ភ្ញៀវទេសចរ អាចជិះរថយន្តតាមផ្លូវពីសាលាស្រុកថ្មបាំងក្នុងចម្ងាយប្រមាណ ២.៥គីឡូម៉ែត្រ មុនមកដល់ស្នាក់ការសហគមន៍អេកូទេសចរណ៍តំបន់អារ៉ែង ដោយនៅខាងស្ដាំដៃ មានស្លាកសញ្ញាធ្វើពីថ្ម បន្ទាប់មកគ្រាន់តែបត់ស្តាំ និងធ្វើដំណើរចូលក្នុងប្រហែល ២០០ ម៉ែត្រ នឹងដល់ទឹកស្ទឹងឆាយតាហ៊ីង៕
Tag:
វីដេអូ
កោះកុង
ឆាយតាហ៊ីង
អារ៉ែង
© រក្សាសិទ្ធិដោយ thmeythmey.com