រថយន្ត PEUGEOT 404 នៅសល់តិចតួចណាស់នៅកម្ពុជា

ជាតិ

រថយន្ត

29, Jun 2020 , 8:39 pm

រូបភាព

PEUGEOT 404 ក៏ជាម៉ាកយានយន្តមួយដ៏ពេញនិយមសម្រាប់អ្នកវណ្ណៈខ្ពស់ អភិជន និងអ្នកមុខអ្នកការជាដើម។ សព្វថ្ងៃរថយន្តម៉ាកនេះ នៅមានសេសសល់តិចតួចប៉ុណ្ណោះ នៅកម្ពុជា។ នៅក្នុងកិច្ចសម្ភាសនេះ នាយ យ៉ាន បានជួបសម្ភាស លោក ច័ន្ទ ដាវុទ្ធ ជាអ្នកគ្រប់គ្រង់ផ្នែក A2Z នៅយានដ្ឋាន Asiauto ។ នៅយានដ្ឋាននេះ ទទួលជួសជុលឡានបុរាណ។ ក្រុមជាងនៅយានដ្ឋាននេះ កំពុងធ្វើ PEUGEOT 404 គូទវែង មួយគ្រឿង ឲ្យស្អាតដូចដើមវិញ។ បើតាម លោក ច័ន្ទ ដាវុទ្ធ ការជួសជុលរថយន្តបុរាណ គឺត្រូវការពេលយូរ ព្រោះត្រូវរង់ចាំគ្រឿងបន្លាស់ដែលបញ្ជាទិញពីក្រៅប្រទេស។

ដើម្បីជ្រាបច្បាស់សូមអញ្ជើញស្តាប់កិច្ចសម្ភាសរវាង នាយ យ៉ាន នៃសារព័ត៌មានថ្មីៗ និងលោក ច័ន្ទ ដាវុទ្ធ ដូចតទៅ៖

ក្រុមហ៊ុន PEUGEOT (ពើហ្សូ) ត្រូវបានបង្កើតនៅប្រទេសបារាំង ឆ្នាំ១៨១០។ ក្រុមហ៊ុននេះ ចាប់ផ្ដើមផលិតរថយន្ដនៅ ឆ្នាំ១៨៨៩។ មុននឹងរបបខ្មែរក្រហម នៅប្រទេសកម្ពុជាឡានម៉ាក PEUGEOT វាពេញនិយម ជាពិសេសប្រភេទ 404 ដែលត្រូវបានបង្កើត ឆ្នាំ១៩៦០។ ក៏ប៉ុន្តែដោយសារសង្គ្រាម រថយន្ដប្រភេទនេះ បានបាត់បង់អស់ច្រើនណាស់។ រហូតដល់សព្វថ្ងៃនេះ នៅសល់តែមួយចំនួនប៉ុណ្ណោះ៕