ជាតិ
បទយកការណ៍ / បទសម្ភាសន៍
×![]()
ភ្នំពេញ៖ លោក ប៉ា ចាន់រឿន និងបញ្ញវ័ន្តមួយក្រុម បាននាំគ្នាបង្កើតវិទ្យាស្ថានប្រជាធិបតេយ្យមួយនៅកម្ពុជា ក្រោយពីឃើញស្ថានភាពប្រជាធិបតេយ្យមានការធ្លាក់ចុះ។ បំណងរបស់ក្រុមលោក គឺចង់លើកស្ទួយ នឹងស្ដារប្រជាធិបតេយ្យឡើងវិញ។
នាយកប្រតិបត្តិវិទ្យាស្ថានប្រជាធិបតេយ្យកម្ពុជាលោក ប៉ា ចាន់រឿន មើលឃើញថា ប្រជាធិបតេយ្យនៅកម្ពុជាធ្លាក់ចុះ ភាគច្រើនដោយសាររឿងនយោបាយ ដែលបង្កឱ្យមានភាពអាក្រក់កើតឡើង តាមរយៈការចាប់និងឃុំខ្លួន អ្នកនយោបាយ សកម្មជន និងអ្នកប្រឆាំងរដ្ឋាភិបាលជាដើម ។ រូបភាពអាក្រក់នេះ បានធ្វើឱ្យអន្តរជាតិវាយតម្លៃបែបអវិជ្ជមានលើប្រជាធិបតេយ្យកម្ពុជាផងដែរ។
ដោយសារមើលឃើញបញ្ហានេះ ទើបលោក ប៉ា ចាន់រឿន និងក្រុមបញ្ញវ័ន្តផ្សេងទៀត នាំគ្នាបង្កើតវិទ្យាស្ថានប្រជាធិបតេយ្យកម្ពុជាឡើង ដើម្បីជាផ្នែកមួយ ជួយរុញច្រានប្រជាធិបតេយ្យកម្ពុជា ទៅរកភាពប្រសើរជាងនេះ។សម្រាប់លោក ប៉ា ចាន់រឿន ប្រជាធិបតេយ្យបែបសេរីនៅកម្ពុជា នៅមានភាពស្មុគស្មាញ ដែលទំនងជាមិនទាន់អនុវត្តតាមស្ដង់ដារនៅឡើយទេ។
សូមលោក-អ្នកនាង ស្ដាប់កិច្ចសម្ភាសរវាងលោក រំដួល ចិត្រា អ្នកសារព័ត៌មានថ្មីៗ និងលោក ប៉ា ចាន់រឿន នាយកប្រតិបត្តិវិទ្យាស្ថានប្រជាធិបតេយ្យកម្ពុជា ដូចតទៅ៖
ផ្ទុយពីការមើលឃើញរបស់លោក ប៉ា ចាន់រឿន លើប្រជាធិបតេយ្យនៅកម្ពុជានេះ រដ្ឋាភិបាលតែងតែអះអាងថា ប្រជាធិបតេយ្យនៅកម្ពុជា មានភាពល្អប្រសើរជាងប្រទេសដទៃ ។ ក្នុងន័យនេះ ប្រមុខរដ្ឋាភិបាល ធ្លាប់អះអាងថា ប្រជាធិបតេយ្យកម្ពុជា មិនមែនសម្រាប់ដោះដូរ ឬតម្រូវចិត្តអ្នកណាឡើយ។ មិនតែប៉ុណ្ណោះសម្ដេច ហ៊ុន សែន ធ្លាប់ទាំងអះអាងទៀតថា ពិភពលោកអនុវត្តប្រជាធិបតេយ្យស្ដង់ដារ២ រវាងប្រទេសមហាអំណាច និងប្រទេសកំពុងអភិវឌ្ឍ រួមទាំងប្រទេសក្រីក្រជាដើម។
ប្រជាធិបតេយ្យនៅលើពិភពលោក មានពីរប្រភេទ គឺប្រជាធិបតេយ្យបែបសេរី និងបែបកុម្មុយនីស្ត។ នេះបើតាមលោក ប៉ា ចាន់រឿន ដែលបានបន្ថែមថា អ្នកនយោបាយ និងមេដឹកនាំលើពិភពលោក ចូលចិត្តប្រើប្រាស់ពាក្យប្រជាធិបតេយ្យនេះ ដើម្បីដឹកនាំប្រទេស។ តួយ៉ាងដូចជា ចិន កូរ៉េខាងត្បូង ដែលជាប្រទេសកុម្មនីស្ត ក៏មានស្តង់ដារប្រជាធិបតេយ្យរបស់ពួកគេដែរ ក្រៅពីពួកប្រជាធិបតេយ្យបែបសេរី ដូចអាមេរិក៕
© រក្សាសិទ្ធិដោយ thmeythmey.com
