ជាតិ
ព្រះមហាក្សត្រផ្ញើព្រះរាជសារទៅលោក ត្រាំ ដើម្បីអបអរសាទរបុណ្យឯករាជ្យអាមេរិក
×![]()
ដោយ: ថ្មីៗ
ព្រះករុណា ព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី ព្រះអង្គសព្វព្រះរាជហឫទ័យប្រោសព្រះរាជទានព្រះរាជសារ ជូនប្រធានាធិបតីអាមេរិក ដូណាល់ ត្រាំ ដើម្បីអបអរខួបលើកទី២៤៤ នៃទិវាបុណ្យជាតិអាមេរិក ៤កក្កដា ឆ្នាំ២០២០។
ក្នុងព្រះរាជសារកាលពីថ្ងៃទី២ ខែកក្កដា ព្រះមហាក្សត្រខ្មែរ បានអបអរសាទរ និងជូនពរដល់ប្រជាពលរដ្ឋអាមេរិក រួមទាំងលោកប្រធានាធិបតី ដូណាល់ ត្រាំ ផ្ទាល់ ឲ្យប្រកបដោយសុខុមាលភាព និងភាពចម្រុងចម្រើន នាឱកាសនៃទិវាបុណ្យឯករាជ្យជាតិ។
«នេះគឺជាការបង្ហាញអំពីការពេញចិត្តទៅលើចំណងមិត្តភាព និងកិច្ចសហប្រតិបត្តិការ ត្រូវបានបង្កើតឡើងប្រកបដោយភាពសុខដុមរវាងព្រះរាជាណាចក្រកម្ពុជា និងសហរដ្ឋអាមេរិក ដែលបានរីកចម្រើនទៅមុខអស់រយៈពេលជាច្រើនឆ្នាំមកនេះ។
«នេះជាសេចក្តីសោមនស្សមួយចំពោះចំណងមិត្តភាព និងកិច្ចសហប្រតិបត្តិការដ៏យូរអង្វែង ហើយជាទំនាក់ទំនងដ៏រីករាយរវាងព្រះរាជាណាចក្រកម្ពុជា និងសហរដ្ឋអាមេរិក ដែលបន្តរីកចម្រើនអស់រយៈពេលជាច្រើនឆ្នាំកន្លងមក»។ នេះបើតាមព្រះរាជចំណាររបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ទៅកាន់លោកប្រធានាធិបីត ដូណាល់ ត្រាំ៕
Tag:
ព្រះមហាក្សត្រ
ដូណាល់ ត្រាំ
© រក្សាសិទ្ធិដោយ thmeythmey.com
