ពីនេះ ពីនោះ
សុខភាព
×![]()
ដោយ: សារព័ត៌មានថ្មីៗ
បញ្ហាប្រព័ន្ធរំលាយអាហារមួយចំនួន អាចត្រូវបានដោះស្រាយយ៉ាងងាយ ជាមួយរូបមន្តបែបធម្មជាតិ។ តើរូបមន្តបែបធម្មជាតិអ្វីខ្លះ អាចព្យាបាលបញ្ហាប្រព័ន្ធរំលាយអាហារ? ខាងក្រោម វេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិ សម្រាប់ព្យាបាលបញ្ហាប្រព័ន្ធរំលាយអាហារមួយចំនួន ៖
១. ខ្ញី សម្រាប់ដោះស្រាយបញ្ហាពិបាករំលាយអាហារ
ខ្ញីអាចរំញោចការផលិតទឹកមាត់ ទឹកប្រមាត់ និងអាស៊ីតក្រពះ ដែលដើរតួនាទីយ៉ាងសំខាន់ ក្នុងដំណើការរំលាយអាហារ។ អ្វីដែលអ្នកត្រូវធ្វើ គឺគ្រាន់តែទទួលទានតែខ្ញី ឬរួមបញ្ចូលខ្ញីក្នុងរបបអាហារជាការស្រេច។
២. បឺរសណ្ដែកដី សម្រាប់ដោះស្រាយបញ្ហារាគ
ទោះបីត្រឹមជាអាហារសម្រន់ធម្មតា ប៉ុន្តែបឺរសណ្ដែកដី ពិតជាអាចជួយព្យាបាលបញ្ហារាគបានគួរឱ្យកត់សម្គាល់។
៣. ខ្ញី សម្រាប់ព្យាបាលរាគ
មិនត្រឹមតែជួយដោះស្រាយបញ្ហាពិបាករំលាយអាហារប៉ុណ្ណោះទេ ប៉ុន្តែភេសជ្ជៈនេះក៏ល្ អសម្រាប់បំបាត់អាការរាកបានយ៉ាងប្រសើរផងដែរ។ ការទទួលទានតែខ្ញី ១ ពែង អាចបន្ថយអាការឈឺចុករមួលក្នុងពោះ ដែលជាធម្មតាកើតអមមកជាមួយការរាគ។
៣. ទឹកខ្មេះផ្លែប៉ោម សម្រាប់បញ្ហាពិបាករំលាយអាហារ
អ្វីដែលអ្នកត្រូវធ្វើ គឺគ្រាន់តែបន្ថែមទឹកខ្មេះផ្លែប៉ោម ១ ស្លាបព្រាបាយក្នុងទឹក ១ ពែងនិងលាយទឹកឃ្មុំ ១ ស្លាបព្រាកាហ្វេចូល។ កូរឱ្យសព្វ សឹមទទួលទានឱ្យបានពី ២ ទៅ ៣ ដងក្នុងមួយថ្ងៃ។
៤. ទឹកក្រូចឆ្មារ សម្រាប់បញ្ហាពិបាករំលាយអាហារ
អ្វីដែលអ្នកត្រូវធ្វើ គឺគ្រាន់តែទទួលទានទឹកក្រូចឆ្មារក្ដៅឧណ្ហៗ ១ កែវពេលព្រឹក និងជាពិសេសនៅមុនពេលអាហារ។ វាបង្កើនការរំលាយអាហារដោយរញោចការផលិតទឹកប្រមាត់។ ទឹកក្រូចឆ្មារក្ដៅឧណ្ហៗ ក៏ជួយបំបាត់អាការផ្សេងទៀត នៃបញ្ហាពិបាករំលាយអាហារផងដែរ។
៥. តែផ្កា Chamomile
ការទទួលទានតែផ្កា Chamomile ជួយបំបាត់អាការពិបាករំលាយអាហារបានយ៉ាងប្រសើរ។ ដូច្នេះ ចូរព្យាយាមទទួលទានតែផ្កា Chamomile ឱ្យបាន ២ ទៅ ៣ ពែងរាល់ថ្ងៃ ដើម្បីបង្កើនសុខភាពប្រព័ន្ធរំលាយអាហារ។ អ្នកអាចរកទិញតែផ្កា Chamomile បាននៅតាមផ្សារទំនើប៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
