អាជ្ញាធរជាតិ ប្រារព្ធខួប៣ឆ្នាំ នៃការដាក់បញ្ជូលតំបន់ប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក

ជាតិ

អាជ្ញាធរជាតិ ប្រារព្ធខួប៣ឆ្នាំ នៃការដាក់បញ្ជូលតំបន់ប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក

08, Jul 2020 , 10:34 am

រូបភាព

ប្រាសាទសំបូរព្រៃគុក ត្រូវបានកសាងឡើងនៅក្នុងសតវត្សរ៍ទី ៧ ក្នុងរជ្ជកាលស្តេច ឥសានវរ្ម័ន ក្នុងសម័យចេនឡា (រូបពីហ្វេសប៊ុកអាជ្ញាធរជាតិសំបូរព្រៃគុក)

ដោយ: ថ្មីៗ

ភ្នំពេញ៖ ថ្ងៃនេះ គឺជាខួប៣ឆ្នាំ នៃការដាក់បញ្ជូលប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក។ អង្គការយូរណេស្កូ បានអនុម័តចុះបញ្ជីប្រាសាទសំបូរព្រៃគុក កាលពីថ្ងៃទី៨ កក្កដា ឆ្នាំ២០១៧។

ថ្នាក់ដឹកនាំ និងមន្ត្រីរាជការអាជ្ញាធរជាតិសំបូរព្រៃគុក នៅថ្ងៃទី៨ កក្កដានេះ បានរៀបចំពិធីក្រុងពាលី ដើម្បីប្រារព្ធខួបអបអរសាទរ៣ឆ្នាំ នៃការដាក់តំបន់ប្រាសាទសំបូរព្រៃគុកជាសម្បត្តិបេតិកភណ្ឌពិភពលោក ។

តំបន់ប្រាសាទសំបូរព្រៃគុកក្នុងបញ្ជីបេតិកភណ្ឌនេះ ត្រូវបានសម្រេចចុះបញ្ជីនៅក្នុងកិច្ចប្រជុំកំពូលលើកទី៤១ នៃគណៈកម្មាធិការបេតិកភណ្ឌពិភពលោកនៃអង្គការយូណេស្កូ នៅក្នុងទីក្រុង KRAKOW នៅក្នុងប្រទេសប៉ូឡូញ ដោយមានការគាំទ្រពីសមាជិក២១ ក្នុងចំណោមសមាជិក១៩៣ប្រទេសនៃគណៈកម្មាធិការអចិន្ត្រៃយ៍នេះ ។

ប្រាសាទសំបូរព្រៃគុក ត្រូវបានកសាងឡើងនៅក្នុងសតវត្សរ៍ទី ៧ ក្នុងរជ្ជកាលស្តេច ឥសានវរ្ម័ន ក្នុងសម័យចេនឡា។ បច្ចុប្បន្ន តំបន់ប្រាសាទនេះ ក្លាយជារមណីយដ្ឋានវប្បធម៌ ប្រវត្តិសាស្ត្រ ដែលស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ មានចម្ងាយប្រមាណ៣៧គីឡូម៉ែត្រ ពីទីរួមខេត្តកំពង់ធំ។ តំបន់ប្រាសាទសំបូរព្រៃគុក មានចំនួន២៩១ប្រាសាទ ដែលបែងចែងជាបីក្រុមសំខាន់ គឺក្រុមប្រាសាទកណ្ដាល , ក្រុមប្រាសាទខាងត្បូង និងក្រុមប្រាសាទខាងជើង៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

1 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម