អត្ថបទពាណិជ្ជកម្ម
ហេតុអ្វីសណ្ឋាគារស្អាតមួយនៅកណ្តាលក្រុងសៀមរាបចាប់យកភ្ញៀវខ្មែរជាទីផ្សារធំ?
× ឧស្សាហកម្មសណ្ឋាគារក្នុងខេត្តសៀមរាប មានការរីកចម្រើនយ៉ាងឆាប់រហ័ស។ សណ្ឋាគារមួយផ្នែកធំ ដាក់គោលដៅធំលើទីផ្សារបរទេស ដោយសារតែសណ្ឋាគារទាំងនោះយល់ថា ទីផ្សារបរទេសអាចលក់បានផលចំណេញច្រើនជាងទីផ្សារក្នុងស្រុក។ ខុសពីសណ្ឋាគារទាំងនោះ សណ្ឋាគារ Landing Gold Villa Hotel ដែលមានម្ចាស់ និងក្រុមប្រឹក្សាសេវាកម្មបដិសណ្ឋារកិច្ចជាជនជាតិខ្មែរ បានផ្តោតគោលដៅខ្លាំង លើទីផ្សារក្នុងស្រុកជាធំ? តើមានមូលហេតុអ្វីខ្លះ ?
សណ្ឋាគារ Landing Gold Villa Hotel បានបង្ហាញមោនកភាព ក្នុងនាមជាសណ្ឋាគារមួយ ដែលផ្តោតគោលដៅទីផ្សារខ្មែរជាធំ។ ទស្សនវិស័យរបស់សណ្ឋាគារនេះ គឺចង់ក្លាយជាយីហោខ្មែរមួយ ដែលផ្តល់សេវាកម្មសណ្ឋាគារ និងបដិសណ្ឋារកិច្ច តាមបែបបទខ្មែរសុទ្ធសាធ ដែលទទួលស្គាល់ក្នុងប្រទេស និងតំបន់។ ការផ្តោតលើទីផ្សារខ្មែរនេះ គឺដោយសារភ្ញៀវខ្មែរ មានភាពស្មោះត្រង់ចំពោះយីហោ (Brand loyalty) មិនដូចបរទេសទេ ដែលភាគច្រើន មកតែម្តងហើយមិនងាយត្រឡប់មកម្តងទៀតទេ។ ចំពោះភ្ញៀវខ្មែរយើងវិញ បើពួកគាត់មកម្តងល្អហើយ នោះ ពួកគាត់នឹងត្រលប់មកវិញម្តងទៀត ហើយមិនងាយនឹងផ្លាស់ប្តូរយីហោទេ។
បង្កើតនៅឆ្នាំ២០១៦ Landing Gold Villa Hotel មានការទទួលស្គាល់ខ្ពស់ ពីអតិថិជនក្នុងស្រុក ថា ជាសណ្ឋាគារប្រណិត និងមានការធ្វើបដិសណ្ឋារកិច្ចបែបខ្មែរ ក្នុងភាសាខ្មែរ។ អ្វីដែលអតិថិជនសមាជិក សរសើរបំផុតចំពោះសណ្ឋាគារនេះ គឺដោយសារសណ្ឋាគារមួយនេះ តែងតែរក្សាតម្លៃនៅថេរ (មិនឆ្លៀតឱកាសដំឡើងថ្លៃបន្ទប់) ក្នុងថ្ងៃពិធីបុណ្យជាតិ ឬថ្ងៃឈប់សម្រាកផ្សេងៗឡើយ។ នេះជាសកម្មភាពមួយ បង្ហាញពីជំហររឹងមាំ ក្នុងការចូលរួមដើម្បីកែប្រែទម្លាប់ឆ្លៀតឱកាសនិយមមួយនេះ អោយបាននាពេលអនាគតឆាប់ៗនេះ។
អ្វីដែលពិសេសនោះ ក្នុងវិស័យសណ្ឋាគារនេះ គឺអតិថជនខ្មែរយើង តែងតែមានការរពឹងទុកត្រឹមត្រូវ និងចេះលើកទឹកចិត្តច្រើនជាងភ្ញៀវបរទេសដទៃ។ បើគាត់មកផ្ទះសំណាក់នោះ គាត់មិនរំពឹងថា ផ្ទះសំណាក់ផ្តល់ផាសុកភាព និងសេវាកម្មល្អ ដូចសណ្ឋាគារផ្កាយ៣ ឬ ៤ ទេ ហើយពួកគាត់តែងតែលើកទឹកចិត្ត អធ្យាស្រ័យឱ្យជាមតិស្ថាបនា ដល់សណ្ឋាគារ ដើម្បីកែប្រែកាន់តែល្អ។
ដោយសារតែមានការគាំទ្រច្រើនយ៉ាងនេះហើយ ទើបមានភ្ញៀវជាច្រើន បានស្នើសុំកាតសមាជិកVIP ពីសណ្ឋាគារ Landing Gold Villa Hotel រហូតទៅដល់ ជិត១ម៉ឺននាក់ នារយៈពេល៣ឆ្នាំចុងក្រោយនេះ ដែលពួកគាត់បានទទួលការបញ្ចុះតម្លៃស្ទើរតែ ៥០ភាគរយ ក្នុងការស្នាក់នៅ។ មហិច្ឆតានៅថ្ងៃអនាគត សណ្ឋាគារ មានគម្រោង ពង្រីកខ្លួនឆាប់ៗនេះ ដើម្បីផ្គត់ផ្គង់តម្រូវការរបស់អតិថិជនសមាជិកខ្លួន ដែលរំពឹងថា នឹងកើនរហូតដល់ ៤ម៉ឺននាក់ នាចុងឆ្នាំ២០២១ និងហតុផលមួយទៀត គឺដោយសារតែមានការចាប់អារម្មណ៍ ពីការចង់ទិញស្លាកយីហោ ពីខេត្តទេសចរណ៍ផ្សេងៗទៀតផងដែរ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com