ពីនេះ ពីនោះ
សុខភាព
ជួយចែករំលែក! គន្លឹះងាយៗដោះស្រាយបញ្ហា “ត្របកភ្នែកធ្លាក់” បែបធម្មជាតិ
×![]()
ដោយ: សារព័ត៌មានថ្មីៗ
ត្របកភ្នែកយារធ្លាក់អាចជាបញ្ហាធ្ងន់ធ្ងរមួយ! វាមិនត្រឹមតែធ្វើឱ្យអ្នកមើលទៅចាស់ជាងវ័យប៉ុណ្ណោះទេ ប៉ុន្តែក៏អាចបណ្ដាលជាជំងឺភ្នែកនិងបញ្ហាពិបាកមើលឃើញផងដែរ។ ដើម្បីទប់ស្កាត់បញ្ហាភ្នែកផ្សេងៗដែលបង្កឡើងដោយបញ្ហាត្របកភ្នែកយារធ្លាក់វេបសាយសុខភាព Health.com.kh នឹងបង្ហាញឱ្យដឹងពីគន្លឹះបែបធម្មជាតិងាយៗដែលអ្នកគួរព្យាយាមអនុវត្ត ៖
១. ជែលប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាយជែលប្រទាលកន្ទុយក្រពើ ១ ស្លាបព្រាកាហ្វេជាមួយយ៉ាអួរសុទ្ធ ១ ស្លាបព្រាបាយ។ កូរឱ្យសព្វ សឹមលាបល្បាយលើត្របកភ្នែកសម្រាប់រយៈពេល ២០ នាទី។ លាងសម្អាតចេញជាមួយទឹកត្រជាក់។
២. ផ្នែកពណ៌សនៃស៊ុត
ផ្នែកពណ៌សនៃស៊ុតមានប្រសិទ្ធភាពធ្វើឱ្យស្បែកតឹងណែនឆាប់រហ័ស។ អ្វីដែលអ្នកត្រូវធ្វើ គឺគ្រាន់តែលាងសម្អាតត្របកភ្នែកឱ្យស្អាត និងជូតស្ងួតជាមុនសិន សឹមលាបផ្នែកពណ៌សនៃស៊ុតចំនួនសមល្មមលើត្របកភ្នែក ហើយទុកចោលរហូតដល់ស្ងួត។ លាងសម្អាតចេញជាមួយទឹកត្រជាក់។
៣. ត្រសក់
ត្រសក់មានផ្ទុកសម្បូរទៅដោយវីតាមីន C ដែលចាំបាច់សម្រាប់ការផលិតកូឡាជែន។ អ្វីដែលអ្នកត្រូវធ្វើ គឺគ្រាន់តែបិតបន្ទះត្រសក់លើត្របកភ្នែកជាប្រចាំ។
៤. ទឹកត្រជាក់
ទឹកត្រជាក់ជួយបន្តឹងស្បែក។ នេះហើយជាមូលហេតុដែលការលាងសម្អាតមុខជាមួយទឹកត្រជាក់អាចជួយដោះស្រាយបញ្ហាត្របកភ្នែកធ្លាក់គួរឱ្យកត់សម្គាល់។ អ្នកក៏អាចប្រើប្រាស់ដុំទឹកកកស្អំលើត្របកភ្នែកសម្រាប់រយៈពេល ១០ នាទី សឹមយកចេញ ហើយប្រើប្រាស់កន្សែងស្អាតជូតផ្ដិតៗដល់ស្ងួតជាការស្រេច។
៥. ទទួលទានអាហារមានផ្ទុកសម្បូរទៅដោយវីតាមីន C
ការទទួលទានអាហារមានផ្ទុកសម្បូរទៅដោយវីតាមីន C ជាប្រចាំក៏ចាំបាច់ដើម្បីដោះស្រាយបញ្ហាត្របកភ្នែកធ្លាក់។ នេះក៏ព្រោះតែវីតាមីន C ជួយបង្កើនការផលិតកូឡាជែននិងជាសារធាតុប្រឆាំងអុកស៊ីតកម្មអាចការពារកូឡាជែនដែលមានស្រាប់មិនឱ្យទទួលរងការបំផ្លាញពីសំណាក់រ៉ាឌីកាល់សេរី។
៦. គេងឱ្យបានគ្រប់គ្រាន់
ប្រសិនបើគេងមិនគ្រប់ អ្នកនឹងមានអារម្មណ៍តានតឹង ឬស្ត្រេស ហើយភ្នែកប្រាកដជានឿយហត់បង្កើនបញ្ហាយារធ្លាក់មិនខាន។ ដើម្បីចៀសផុតបញ្ហានេះចូរព្យាយាមគេងឱ្យបានគ្រប់គ្រាន់រាល់យប់។ ម្យ៉ាងវិញទៀតតាមរយៈការគេងបានគ្រប់គ្រាន់ គឺអ្នកកំពុងផ្ដល់ឱ្យរាងកាយនូវឱកាសដើម្បីព្យាបាលខ្លួនឯង ហើយពន្យឺតដំណើរការនៃភាពចាស់តាមវ័យ។
ប្រយ័ត្ន! ក្នុងករណីខ្លះត្របកភ្នែកអាចបណ្ដាលមកពីបញ្ហាសុខភាពណាមួយដូចជាការខូចខាតនៃសសៃប្រសាទក្នុងមុខ។ ជាពិសេសប្រសិនបើបញ្ហាធ្លាក់ត្របកភ្នែកនេះស្រាប់តែកើតឡើងភ្លាមៗ។ ចូរកុំស្ទាក់ស្ទើនឹងទៅជួបពិនិត្យពិគ្រោះជាមួយគ្រូពេទ្យជំនាញ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
