ជាតិ
អ្នកជំនាញ ជ្រើសយកការបង្ហាប់ដីបែបបុរាណ ក្នុងការងារជួសជុលស្ពានហាលខាងលិចប្រាសាទអង្គរវត្ត
× សៀមរាប៖ ការជួសជុលស្ពានហាលខាងលិចប្រាសាទអង្គរវត្ត នឹងបញ្ចប់ជាស្ថាពរនាពេលឆាប់ៗ។ បច្ចុប្បន្ន ក្រុមការងារកំពុងបង្ហាប់ដីលើផ្លូវដើរ នៃជ្រុងខាងជើង មុននឹងរៀបចំកម្រាលថ្មពីលើ ដើម្បីបញ្ចប់គម្រោង ក្រោយពីជួសជុលពង្រឹងជញ្ជាំងថ្មបាយក្រៀម ដោយការចាក់បេតុងជំនួយខាងក្នុងហើយនោះ។ អ្នកជំនាញ បានបញ្ជាក់ប្រាប់សារព័ត៌មានថ្មីៗថា ការជ្រើសរើសបច្ចេកទេសបង្ហាប់ដីបែបបុរាណ ជំនួសគ្រឿងចក្រនេះ គឺដើម្បីបញ្ចៀសហានិភ័យដល់រចនាសម្ព័ន្ធស្ពាន។ ម្យ៉ាងទោះជាបង្ហាប់ដីតាមបច្ចេកបុរាណ តែវានៅតែមានភាពរឹងមាំដូចការប្រើគ្រឿងយន្តដែរ។លោក អន សុភាព អ្នកគ្រប់គ្រងការដ្ឋានជួសជុលដែលជាកិច្ចសហប្រតិបត្តិការ រវាងអាជ្ញាធរជាតិអប្សរា និងសាកលវិទ្យាល័យ សូហ្វីយ៉ា ជប៉ុន ពន្យល់ដូច្នេះ៖«ការប្រើគ្រឿងចក្រពន្លឿនការងារនៅទីនេះក៏ពិតមែន តែរចនាសម្ព័ន្ធស្ពានហាល ក៏ប្រឈមនឹងភាពរង្គើ»។
សូមអញ្ជើញទស្សនា ការបង្ហាប់ដីបែបបុរាណ នៅស្ពានហាលខាងលិចប្រាសាទអង្គរវត្ត ដូចតទៅ៖
Tag:
ស្ពានហាល
អង្គរវត្ត
© រក្សាសិទ្ធិដោយ thmeythmey.com