ពីនេះ ពីនោះ
សុខភាព
×![]()
ដោយ: សារព័ត៌មានថ្មីៗ
គ្មាននរណាម្នាក់ចង់មានស្នាមសំលាកលើស្បែកឡើយ ដូច្នេះទើបអ្នកមួយចំនួនសុខចិត្តចំណាយប្រាក់មិនស្ដាយដើម្បីទទួលបានស្បែករលោងស្រស់ស្អាត។ ទោះជាយ៉ាងណាមិនចាំបាច់ចំណាយប្រាក់ក៏អ្នកអាចបំបាត់ស្នាមសំលាក ឬធ្វើឱ្យវាមើលលែងសូវឃើញផងដែរតាមរយៈការអនុវត្តរូបមន្តធម្មជាតិមួយចំនួន។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីវិធីងាយៗបំបាត់ស្នាមសំលាក ឬធ្វើឱ្យវាមើលលែងសូវឃើញដូចមុន ៖
១. ប្រទាលកន្ទុយក្រពើ
អ្វីដែលអ្នកត្រូវធ្វើ គឺលាបជែលប្រទាលកន្ទុយក្រពើស្រស់លើស្នាមសំលាកក្នុងចលនាបែបរង្វង់ថ្នមៗ។ ទុកចោលសម្រាប់រយៈពេលយ៉ាងហោចណាស់ ១ ម៉ោង សឹមលាងសម្អាតចេញជាមួយទឹកត្រជាក់។ អនុវត្តឱ្យបាន ២ ដងក្នុងមួយថ្ងៃ។
២. ទឹកខ្មេះផ្លែប៉ោម
លាយទឹកខ្មេះផ្លែប៉ោមចំនួន ២ ស្លាបព្រាបាយជាមួយទឹក ៤ ស្លាបព្រាបាយ។ កូរឱ្យសព្វ សឹមប្រើប្រាស់ដុំសំឡីជ្រលក់ក្នុងទឹកល្បាយលើផ្ដិតៗលើស្នាមសំលាកនិងទុកចោលរហូតដល់ស្ងួត។ អនុវត្តរាល់យប់មុនចូលគេង ហើយលាងសម្អាតចេញនៅពេលព្រឹក។
៣. ថ្នាំគ្រាប់អាស្ពីរីន
ដំថ្នាអាស្ពីរីន ២ គ្រាប់ឱ្យម៉ដ្ឋរួចបន្ថែមទឹកឱ្យក្លាយជាល្បាយខាប់ៗ។ លាបល្បាយលើស្នាមសំលាកទុកឱ្យស្ងួត សឹមលាងសម្អាតចេញ។
៤. ម្សៅ Baking soda
លាយម្សៅ Baking soda ជាមួយទឹកឱ្យក្លាយជាល្បាយខាប់ៗសឹមលាបលើស្នាមសំលាក។ ទុកចោលរហូតដល់ស្ងួតមុននឹងលាងសម្អាតចេញ។ អនុវត្តសារឡើងវិញឱ្យបាន ៣ ដងក្នុងមួយសប្តាហ៍។
៥. ប្រេងដូង
អ្វីដែលអ្នកត្រូវធ្វើ គឺគ្រាន់តែកម្ដៅប្រេងដូងពី ២ ទៅ ៣ ស្លាបព្រាបាយ រួចលាបម៉ាស្សាប្រេងដូងលើស្នាមសំលាកសម្រាប់រយៈពេលប្រហែល ១០ នាទី។ ទុករហូតដល់ស្បែកស្រូបយកជាតិប្រេងយ៉ាងហោចណាស់ ១ ម៉ោង។ អនុវត្តឱ្យបានពី ២ ទៅ ៤ ដងក្នុងមួយថ្ងៃ។
៦. ត្រសក់
អ្វីដែលអ្នកត្រូវធ្វើ គឺគ្រាន់តែលាបទឹកត្រសក់ស្រស់លើស្នាមសំលាកជាប្រចាំ។
៧. ទឹកឃ្មុំ
លាបម៉ាស្សាទឹកឃ្មុំឆៅលើស្នាមសំលាកសម្រាប់រយៈពេល ១០ នាទី។ ទុកចោលសម្រាប់រយៈពេល ១ ម៉ោងសឹមលាងសម្អាតចេញជាមួយទឹកក្ដៅឧណ្ហៗ។ អនុវត្តឱ្យបាន ២ ដងក្នុងមួយថ្ងៃ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
