COVID-19
ជាតិ
ករណី COVID-19 នៅអាស៊ីអាគ្នេយ៍ឡើងជិត២០ម៉ឺននាក់ ខណៈឥណ្ឌូណេស៊ី និងហ្វីលីពីន មានអ្នកស្លាប់បន្ថែម លោកប្រធានាធិបតីឥណ្ឌូណេស៊ី Joko Widodo ពិនិត្យមើលស្ថានភាពនៅមន្ទីរចត្តាឡីស័កនៅហ្សាការតា។ រូបថត AFP
× COVID-19 បន្តរាលដាលនៅលើពិភពលោក ដោយមានអ្នកឆ្លងជាង១៣លាននាក់ ក្នុងនោះស្លាប់ជាង៥៧.៦ម៉ឺននាក់ និងសះស្បើយជាង៧.៧លាននាក់។ ដោយឡែកនៅអាស៊ីអាគ្នេយ៍ ករណីឆ្លងឡើងជិតដល់២០ម៉ឺននាក់ ក្នុងនោះស្លាប់ជាង៥៥០០នាក់ និងសះស្បើយជាង១១ម៉ឺននាក់។
គិតត្រឹមល្ងាចថ្ងៃទី១៤ ខែកក្កដា នេះ ឥណ្ឌូណេស៊ី មានករណីឆ្លង១៥៩១នាក់ និងស្លាប់៥៤នាក់បន្ថែមទៀត ដែលធ្វើឲ្យចំនួនសរុបឡើងដល់ជាង៧៨០០នាក់ (ស្លាប់៣៧១០នាក់ សះស្បើយជិត៣៨០០នាក់)។ ហ្វីលីពីន ដែលស្ថិតនៅលំដាប់ទីពីរ មានអ្នកឆ្លងបន្ថែម៦៣៤នាក់ និងស្លាប់បន្ថែម៦នាក់ ដោយសរុបមានជាង៥៧០០ករណី (ស្លាប់១៦០៣នាក់ សះស្បើយ ជាង២ម៉ឺននាក់)។
សិង្ហបុរី ស្ថិតនៅលេខរៀងទី៣ (សរុបជាង៤៦០០០ករណី ស្លាប់២៦នាក់ សះស្បើយជាង៤២០០០នាក់)។ ម៉ាឡេស៊ី សរុបជាង៨៧០០នាក់ (ស្លាប់១២២នាក់ សះស្បើយជាង៨៥០០នាក់)។ ថៃ សរុបជាង៣២០០នាក់ (ស្លាប់៥៨នាក់ និងសះស្បើយជាង៣០០០នាក់)។
វៀតណាម រួមជាមួយកម្ពុជា ទីម័រខាងកើត និងឡាវ គ្មានករណីស្លាប់ឡើយ ដោយវៀតណាម មាន៣៧៣ករណី (សះស្បើយ៣៥២ករណី)។ មីយ៉ាន់ម៉ា មាន៣៣៦ករណី ក្នុងនោះស្លាប់៦នាក់ និងសះស្បើយ២៦១នាក់។
កម្ពុជាមាន៩ករណីថ្មី នាំឲ្យចំនួនសរុបឡើងដល់១៦៥ ក្នុងនោះសះស្បើយ១៣៣នាក់។ ព្រុយណេ មាន១៤១ករណី ដោយស្លាប់៣នាក់ និងសះស្បើយ១៣៨នាក់។
ទីម័រខាងកើត ២៤ករណី និងឡាវ ១៩ករណី សុទ្ធតែព្យាបាលសះស្បើយ និងមិនទាន់រកឃើញករណីថ្មីឡើយ៕
© រក្សាសិទ្ធិដោយ thmeythmey.com