ពីនេះ ពីនោះ
សុខភាព
ជួយចែករំលែក! ដោះស្រាយបញ្ហាស្នាមអ៊ុចសៗលើស្បែក ជាមួយគន្លឹះងាយៗទាំងនេះ
× បញ្ហាឡើងស្នាមអ៊ុចសៗលើស្បែកមិនពិបាកនឹងដោះស្រាយឡើយ។ គួរធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដោះស្រាយបញ្ហាឡើងស្នាមអ៊ុចសៗលើស្បែក ៖
១. ត្រូវពន្លឺព្រះអាទិត្យឱ្យបានគ្រប់គ្រាន់
ពន្លឺព្រះអាទិត្យពិតជាអាចជួយដោះស្រាយបញ្ហាស្បែកនេះបានយ៉ាងងាយ។ អ្នកគួរព្យាយាមអនុញ្ញាតឱ្យស្បែកដែលមានបញ្ហាប៉ះត្រូវនឹងពន្លឺព្រះអាទិត្យខ្លះ ឬគ្រប់គ្រាន់ ប៉ុន្តែមិនមែនលើសកម្រិតពេកឡើយ។
២. ទឹកស្ពៃក្ដោបស្រស់
អ្វីដែលអ្នកត្រូវធ្វើ គឺគ្រាន់តែកិនកៀបយកទឹកស្ពៃក្ដោប រួចលាបផ្ដិតវាលើស្នាមអ៊ុចសៗទាំងនោះឱ្យបានទៀងទាត់ជាប្រចាំរហូតទទួលបានលទ្ធផលគាប់ចិត្ត។
៣. ទឹកខ្មេះផ្លែប៉ោម
អ្វីដែលអ្នកត្រូវធ្វើ គឺគ្រាន់តែលាបទឹកខ្មេះផ្លែប៉ោមលើស្នាមអ៊ុចសៗទាំងនោះជាការស្រេច។
៤. ខ្ញី
ក្រៅពីទទួលទាន អ្នកអាចយកខ្ញីស្រស់ ១ បន្ទះតូចដុសលើតំបន់ស្បែកដែលមានបញ្ហាថ្នមៗជាប្រចាំ។
៥. ទឹកឃ្មុំ
ពេលវេលាដ៏ល្អបំផុតក្នុងការលាបទឹកឃ្មុំលើស្បែកដែលមានបញ្ហានោះ គឺក្រោយពេលស្បែកត្រូវបានលាងសម្អាតស្អាតហើយ។ ដើម្បីទទួលបានលទ្ធផលប្រសើរអ្នកក៏ចាំបាច់ប្រើប្រាស់ទឹកឃ្មុំឆៅសរីរាង្គផងដែរ។
៦. រួមបញ្ចូលអាហារសម្បូរសារធាតុប្រឆាំងអុកស៊ីតកម្មក្នុងរបបអាហារប្រចាំថ្ងៃ
ប្រេងអូលីវ បន្លែបៃតង និងផ្លែឈើស្រស់ៗសុទ្ធតែជាប្រភពដ៏ប្រសើរនៃសារធាតុប្រឆាំងអុកស៊ីតកម្ម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com