ពីនេះ ពីនោះ
សុខភាព
×![]()
ដោយ: សារព័ត៌មានថ្មីៗ
កង្វះអនាម័យមាត់ធ្មេញជាមូលហេតុចម្បងបំផុតមួយដែលបណ្ដាលឱ្យអណ្ដាតគ្មានសុខភាពល្អនិងគួរឱ្យខ្ពើម។ អ្វីដែលគួរឱ្យរំខានថែមទៀតនោះ គឺច្រាំងអណ្ដាតពណ៌សៗ ឬលឿងលើផ្ទៃអណ្ដាតអាចបង្កក្លិនខ្យល់ដង្ហើមមិនល្អថែមទៀតផង។ ទោះជាយ៉ាងណាកុំបារម្ភ! ថ្ងៃនេះវេបសាយ Health.com.kh នឹងបង្ហាញឱ្យដឹងពីគន្លឹះងាយៗជួយឱ្យអណ្ដាតមានសុខភាពល្អ ហើយពណ៌ផ្កាឈូកស្អាត ៖
១. ម្សៅ Baking Soda
អ្វីដែលអ្នកត្រូវធ្វើ គឺគ្រាន់តែរោយម្សៅ Baking soda ខ្លះលើច្រាសដុសធ្មេញដែលសើមនិងប្រើប្រាស់វាដុសសម្អាតអណ្ដាត។ អ្នកក៏អាចលាយទឹកក្រូចឆ្មារស្រស់ប៉ុន្មានដំណក់ជាមួយម្សៅ Baking soda ផងដែរដើម្បីបង្កើនប្រសិទ្ធភាពនៃការសម្អាត។ ចុងក្រោយខ្ពុរមាត់ចេញជាមួយទឹកធម្មតាជាការស្រេច។
២. អំបិលសមុទ្រ
រោយអំបិលលើច្រាសដុសធ្មេញសើមនិងប្រើប្រាស់វាដុសសម្អាតអណ្ដាត។ អ្នកក៏អាចអាចលាយអំបិល ១ ស្លាបព្រាកាហ្វេក្នុងទឹកក្ដៅឧណ្ហៗមួយកែវដើម្បីខ្ពុរមាត់សម្អាតអណ្ដាតផងដែរ។
៣. ប្រេងដូង
ជ្រលក់ច្រាស់ដុសធ្មេញក្នុងប្រេងដូង រួចប្រើវាដុសសម្អាតអណ្ដាតជាការស្រេច។ ខ្ពុរសម្អាតមាត់ចេញជាមួយទឹកធម្មតា។ អ្នកក៏អាចលាបប្រេងដូងលើអណ្ដាតដែលបានសម្អាតស្អាតរួច ហើយទុកចោលបែបនេះដើម្បីកាត់បន្ថយការរលាកនិងភាពស្ងួតនៃមាត់។
៤. ប្រទាលកន្ទុយក្រពើ
អ្វីដែលអ្នកត្រូវធ្វើ គឺខ្ពុរមាត់ជាមួយទឹកប្រទាលកន្ទុយក្រពើស្រស់ឱ្យបានរយៈពេលពី ២ ទៅ ៣ នាទីសិន សឹមខ្ជាក់ចេញ។
៥. រមៀត
លាយទឹកក្រូចឆ្មារស្រស់បន្តិចជាមួយម្សៅរមៀតរហូតក្លាយជាល្បាយខាប់ៗ។ ប្រើប្រាស់ល្បាយនេះដើម្បីស្អាតលើអណ្ដាត។ អ្នកក៏អាចលាយម្សៅរមៀតកន្លះស្លាបព្រាកាហ្វេក្នុងទឹកមួយកែវ រួចកូរឱ្យសព្វ ហើយប្រើប្រាស់ជាទឹកខ្ពុរមាត់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
