អត្ថបទពាណិជ្ជកម្ម
Vietjet បន្តប្រតិបត្តិការហោះហើរសម្រាប់ការធ្វើមាតុភូមិនិវត្តន៍ និងសម្រួលប្រតិបត្តិការហោះហើរអន្តរជាតិឡើងវិញ
×![]()
ដោយ: សារព័ត៌មានថ្មីៗ
ហូជីមិញ ថ្ងៃទី២០ ខែកក្កដា ឆ្នាំ២០២០៖ ដើម្បីឆ្លើយតប និងសំណូមពរ របស់ប្រជាពលរដ្ឋវៀតណាម និងការណែនាំពីរដ្ឋាភិបាលវៀតណាមផ្ទាល់ ក្រុមហ៊ុនអាកាសចរណ៍ Vietjet បានសហការជាមួយភ្នាក់ងារពាក់ព័ន្ធវៀតណាម នៅក្នុង និងក្រៅប្រទេស ដើម្បីនាំពលរដ្ឋវៀតណាម មកក្នុងប្រទេសវិញ។ រដ្ឋាភិបាល បានបញ្ជាក់ថា ខ្លួនមានលទ្ធភាពគ្រប់គ្រាន់ ក្នុងការចាត់វិធានការ នៃការធ្វើចត្តាឡីស័កពលរដ្ឋខ្លួន។
កាលពីថ្ងៃទី១៨ ខែកក្កដា ក្រុមហ៊ុន Vietjet បានធ្វើប្រតិបត្តិការជើងហោះហើរអន្តរជាតិមួយ ដែលបាននាំពលរដ្ឋវៀតណាមចំនួន ២៤០ នាក់ ពីប្រទេសហ្វីលីពីន ត្រលប់មកវៀតណាមវិញ ប្រកបដោយសុវត្ថិភាព។ ជើងហោះហើរអន្តរជាតិនេះ បានចាកចេញពីអាកាសយានដ្ឋានអន្តរជាតិ នីណូអាគីណូ (Ninoy Aquino) និងបានមកដល់អាកាសយានដ្ឋានអន្តរជាតិ ខាធថូ (Can Tho) នៅភាគខាងត្បូង ប្រទេសវៀតណាម ដើម្បីអនុវត្តវិធានការធ្វើចត្តាឡីស័ក រយៈពេល ១៤ ថ្ងៃ។
កាលពីខែកក្កដា ក្រុមហ៊ុន Vietjet ក៏បានធ្វើប្រតិបត្តិការហោះហើរ សម្រាប់ការធ្វើមាតុភូមិនិវត្តន៍ ចំនួន៣ខ្សែ ផ្សេងទៀត ពីប្រទេសសិង្ហបុរី តៃវ៉ាន់ ស្រីលង្កា និងបង់ក្លាដែស។ ក្រុមហ៊ុនក៏រំពឹងថា នឹងធ្វើប្រតិបត្តិការហោះហើរ ចំនួន៤ខ្សែទៀត ដើម្បីនាំពលរដ្ឋវៀតណាមបន្ថែមទៀត ពីប្រទេសហ្វីលីពីន រុស្ស៊ី ព្រុយណេ ឥណ្ឌូណេស៊ី និងមីយ៉ាន់ម៉ា នាពេលខាងមុខនេះ។
អ្នកដំណើរតាមជើងយន្តហោះ ក្នុងប្រតិបត្តិការធ្វើមាតុភូមិនិវត្តន៍ ត្រូវបានចាត់ថ្នាក់ជាក្រុមអាទិភាព ក្នុងនោះរួមមានកុមារអាយុក្រោម ១៨ ឆ្នាំ មនុស្សចាស់ជរា ស្ត្រីមានគភ៌ អ្នកមានបញ្ហាសុខភាព ពលករដែលមានកិច្ចសន្យាការងារផុតសុពលភាព និងពលករគ្មានកន្លែងស្នាក់នៅ សិស្សគ្មានទីលំនៅ ដោយសារការបិទកន្លែងស្នាក់នៅ និងអ្នកប្រទះកាលៈទេសៈពិបាកផ្សេងៗទៀត។
Vietjet រំពឹងថា នឹងនាំពលរដ្ឋវៀតណាមជិត ១ម៉ឺននាក់ ដែលកំពុងនៅក្រៅប្រទេស ឲ្យត្រឡប់មកវៀតណាមវិញ ត្រឹមចុងខែកក្កដានេះ ប្រកបដោយសុវត្ថិភាព ដោយគោរពតាមគោលការណ៍ ចេញ-ចូល ឲ្យបានខ្ជាប់ខ្ជួន និងវិធានការធ្វើចត្តាឡីស័ក នៅពេលមកដល់។ ជើងហោះហើររបស់ក្រុមហ៊ុនអាកាសចរណ៍ Vietjet ទាំងអស់ ត្រូវបានប្រតិបត្តិការស្របតាមស្តង់ដារអន្តរជាតិ និងធ្វើតាមអនុសាសន៍យ៉ាងតឹងរឹងបំផុត ពីមន្ត្រីអង្គការសុខភាពពិភពលោក (WHO) និងសមាគមដឹកជញ្ជូនតាមផ្លូវអាកាសអន្តរជាតិ (IATA) ដើម្បីធានាសុវត្ថិភាពដល់អ្នកដំណើរ និងក្រុមការងារអាកាសចរណ៍ទាំងអស់ មុនពេល ក្នុងអំឡុងពេល និងក្រោយពេល ប្រតិបត្តិការហោះហើររបស់ខ្លួន។
ក្នុងដំណាក់កាលដំបូង នៃការផ្ទុះឡើងនៃវីរុសកូវីដ ១៩ ក្រុមហ៊ុន Vietjet បានផ្តើមយុទ្ធនាការ យ៉ាងឆាប់រហ័សមួយ ដើម្បីធ្វើមាតុភូមិនិវត្តន៍អ្នកដំណើរក្រៅប្រទេស ជាមួយនឹងប្រតិបត្តិការជើងហោះហើរឥតគិតថ្លៃជាច្រើន និងជើងហោះហើរអាទិភាពតែមួយផ្លូវ ដើម្បីនាំពលរដ្ឋវៀតណាម និងជនបរទេស ត្រឡប់មកផ្ទះរបស់ពួកគេវិញ។ អ្នកដំណើរ បុគ្គលិកលើយន្តហោះ បុគ្គលិកផ្នែកយានយន្ត និងបុគ្គលិកអាកាសចរណ៍យន្ដហោះទាំងអស់ សុទ្ធតែមានសុវត្ថិភាព។
ក្រុមហ៊ុន Vietjet ក៏បានចូលរួមដឹកជញ្ជូនទំនិញសំខាន់ៗ រាប់ពាន់តោន រួមមានឧបករណ៍វេជ្ជសាស្ត្រ និងបានបរិច្ចាគម៉ាស់វេជ្ជសាស្ត្រជាង ២លាន ៥សែន ម៉ាស់ ដល់ប្រជាពលរដ្ឋអង់គ្លេស បារាំង អាល្លឺម៉ង់ និងអាមេរិកផងដែរ ដើម្បីជួយដល់បណ្តាប្រទេសទាំងអស់នោះ ក្នុងការការពារ និងប្រយុទ្ធប្រឆាំងការរាតត្បាតជាសកល នៃជំងឺកូវីដ-១៩។
ផ្អែកលើលទ្ធផល នៃប្រតិបត្តិការហោះហើរ សម្រាប់ការធ្វើមាតុភូមិនិវត្តន៍ ក្រុមហ៊ុន Vietjet នឹងបន្តធ្វើការយ៉ាងជិតស្និទ្ធ ជាមួយអាជ្ញាធរ និងមន្ត្រីរដ្ឋាភិបាល ដើម្បីកែសម្រួលជើងហោះហើរឲ្យកាន់តែញឹកញាប់ សម្រាប់តាមស្ថានការណ៍ជាក់ស្ដែង ចូលរួមបង្កើនជើងហោះហើរ សម្រាប់ការធ្វើមាតុភូមិនិវត្តន៍ និងជើងហោះហើរពាណិជ្ជកម្ម ដើម្បីនាំយកពលរដ្ឋវៀតណាមត្រឡប់មកក្នុងប្រទេសវិញ។ បច្ចុប្បន្ន ក្រុមហ៊ុនអាកាសចរណ៍ ត្រៀមខ្លួនរួចរាល់ ដើម្បីបន្តប្រតិបត្តិការហោះហើរអន្តរជាតិឡើងវិញ ហើយកំពុងរង់ចាំការយល់ព្រមជាផ្លូវការ ពីរដ្ឋាភិបាល៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
