COVID-19
អន្តរជាតិ
យុវជនប៉ាឡេស្ទីនម្នាក់ឡើងជញ្ជាំងពេទ្យទៅមើលម្តាយរាល់យប់ មុនម្តាយស្លាប់ដោយសារ COVID-19 រូបភាពបុរសជាកូនឈ្មោះ Jihad Al-Suwaiti មកពីក្រុង Beit Awa ក្នុងដែនដី West Bank អង្គុយយ៉ាងកណ្ដោចកណ្ដែងនៅក្បែរបង្អួចបន្ទប់សង្គ្រោះបន្ទាន់នៃមន្ទីរពេទ្យរដ្ឋមួយ
× បុរសប៉ាឡេស្ទីនម្នាក់ បានតោងឡើងទៅអង្គុយលើជញ្ជាំងអគារមន្ទីរពេទ្យមួយ ដើម្បីមើលម្ដាយលោកលើកចុងក្រោយ មុនពេលអ្នកស្រីបាត់បង់ជីវិតដោយសារជំងឺ COVID-19 ។
រូបភាពមួយដែលគេចែករំលែកព្រោងព្រាតលើបណ្ដាញសង្គមបង្ហាញបុរសជាកូនឈ្មោះ Jihad Al-Suwaiti មកពីក្រុង Beit Awa ក្នុងដែនដី West Bank អង្គុយយ៉ាងកណ្ដោចកណ្ដែងនៅក្បែរបង្អួចបន្ទប់សង្គ្រោះបន្ទាន់នៃមន្ទីរពេទ្យរដ្ឋមួយ។ នេះគឺជាកន្លែងដែលម្ដាយលោកសម្រាកព្យាបាល COVID-19 ។
យោងតាមការចុះផ្សាយរបស់សារព័ត៌មានក្នុងស្រុក Al Nas ដែលត្រូវបានផ្សាយបន្តដោយសារព័ត៌មាន NDTV ស្ត្រីជាម្ដាយអាយុ ៧៣ឆ្នាំ ឈ្មោះ Rasmi Suwaiti ទទួលមរណភាព កាលពីថ្ងៃទី ១៦ ខែកក្កដា ពោលគឺប៉ុន្មានម៉ោងប៉ុណ្ណោះបន្ទាប់ពីឃើញមុខកូនប្រុសលើកចុងក្រោយ។
រូបភាពបុរសជាកូនអង្គុយនៅមាត់បង្អូចមន្ទីរពេទ្យ ក៏ត្រូវបានចែករំលែកលើបណ្ដាញសង្គម Twitter ដោយលោក Mohamad Safa សកម្មជនសិទ្ធិមនុស្ស និងជាតំណាងម្នាក់របស់អង្គការសហប្រជាជាតិផងដែរ។
លោក Mohamad ដែលជាប្រធានអង្គការក្រៅរដ្ឋាភិបាលមួយ ឈ្មោះថា Patriotic Vision សរសេរលើរូបនោះដូច្នេះថា៖«កូនប្រុសរបស់ស្ត្រីប៉ាឡេស្ទីនឆ្លង COVID-19 ម្នាក់ បានឡើងតោងជញ្ជាំងទៅកាន់បន្ទប់មន្ទីរពេទ្យ អង្គុយមើលម្ដាយ រៀងរាល់យប់ រហូតដល់ម្ដាយទទួលមរណភាព»៕
Tag:
ប៉ាឡេស្ទីន
COVID-19
© រក្សាសិទ្ធិដោយ thmeythmey.com