ស្ត្រីខ្មែរ-អាមេរិក ដែលលួចរត់ចេញពីកន្លែងចត្តាឡីស័កត្រូវពិន័យ១លានរៀល

COVID-19

ជាតិ

សង្គមជាតិ

ស្ត្រីខ្មែរ-អាមេរិក ដែលលួចរត់ចេញពីកន្លែងចត្តាឡីស័កត្រូវពិន័យ១លានរៀល

22, Jul 2020 , 10:45 am

រូបភាព

ស្រ្តីដែលរត់ចេញពីកន្លែងធ្វើចត្តាឡីស័ក ដែលសមត្ថកិច្ចបានរកឃើញនៅខេត្តកំពង់ចាម។ រូបភាព៖BTV

ដោយ: អ៊ូ សុខមាន (OU Sokmean)

ភ្នំពេញ៖ ស្ត្រីខ្មែរ-អាមេរិក ដែលបានលួចរត់ចេញពីកន្លែងធ្វើចត្តាឡីស័កកម្រិត២នៅសណ្ឋាគារមួយកន្លែងរាជធានីភ្នំពេញ កាលពីយប់ថ្ងៃទី១៧ ខែកក្កដា ត្រូវបានមន្ទីរសុខាភិបាលខេត្តកំពង់ចាមពិន័យប្រាក់១លានរៀល ជាមួយនឹងកិច្ចសន្យាមិនប្រព្រឹត្តទង្វើបែបនេះទៀត។

អត្ថបទទាក់ទង

មនុស្ស១០នាក់ ប៉ះពាល់ស្ត្រីខ្មែរ-អាមេរិក ដែលរត់ពីកន្លែងចត្តាឡីស័ក តេស្តឃើញអវិជ្ជមានកូវីដ-១៩

ស្ត្រីខ្មែរ-អាមេរិកដែលរត់ពីភ្នំពេញ ត្រូវបានរកឃើញនៅកំពង់ចាម ហើយបន្តធ្វើចត្ដាឡីស័កនៅទីនោះ

មន្ត្រីជំនាញកំពុងស្វែករកស្ត្រីជនជាតិខ្មែរ-អាមេរិកម្នាក់ ដែលបានរត់ចេញពីកន្លែងចត្តាឡីស័ក១៤ថ្ងៃ

យោងតាមកិច្ចសន្យានៅចំពោះមុខរដ្ឋបាលខេត្តកំពង់ចាម នាថ្ងៃទី២១ ខែកក្កដាម្សិលមិញ ក្រៅពីយល់ព្រមទទួលការពិន័យអន្តរការណ៍ជាប្រាក់១លានរៀល ស្ត្រីឈ្មោះ រ៉ូស វីរ៉ា ក៏បានទទួលកំហុសដែលខ្លួនរត់ចេញពីកន្លែងធ្វើចត្តាឡីស័ក ដោយមិនបានអនុវត្តតាមវិធានការសុខាភិបាលក្នុងការទប់ស្កាត់ការឆ្លងរាលដាលជាអន្តរជាតិនៃជំងឺកូវីដ-១៩។

អ្នកស្រី រ៉ូស វីរ៉ា សន្យាថា ខ្លួននឹងគោរពតាមការណែនាំរបស់ក្រសួងសុខាភិបាលយ៉ាងត្រឹមត្រូវក្នុងអំឡុងពេលអនុវត្តវិធានការសុខាភិបាល បន្តធ្វើចត្តាឡីស័ករយៈពេល១៤ថ្ងៃ នៅក្នុងបន្ទប់របស់សណ្ឋាគារមេគង្គ ក្រុងកំពង់ចាម ខេត្តកំពង់ចាម ដោយមិនគេចឬរត់ចេញពីបន្ទប់ទៀតឡើយ។

សូមបញ្ជាក់ថា ស្ត្រីខ្មែរ-អាមេរិក ដែលបានរត់ចេញពីមណ្ឌលចត្តាឡីស័កនៅរាជធានីភ្នំពេញរូបនេះ ត្រូវបានសមត្ថកិច្ចរកឃើញ នៅក្នុងផ្ទះសំណាក់មួយកន្លែង ក្នុងទីរួមខេត្តកំពង់ចាម កាលល្ងាចថ្ងៃទី១៨កក្កដា ដោយមានមនុស្ស១០នាក់ បានប៉ះពាល់នឹងស្ត្រីខ្មែរ-អាមេរិករូបនេះ។ អ្នកប៉ះពាល់ជាមួយស្ត្រីខ្មែរ-អាមេរិក ទាំង១០នោះ ត្រូវមន្ត្រីជំនាញរកឃើញ និងតេស្តរកមេរោគ កូវីដ-១៩ លទ្ធអវិជ្ជមានទាំងអស់ រួមទាំងស្ត្រីស្ត្រីខ្មែរ-អាមេរិក ផងដែរ៕