ពីនេះ ពីនោះ
រូបត្លុក
ចូរកុំកាងចិញ្ចើមផ្លូវអី លោកព្រះ!
× ក្លើ សំណាង និងសុធីរ មកដល់ហាងកាហ្វេទាំងព្រឹកព្រលឹម ព្រោះថ្ងៃនេះ ចប់ពីការជជែកគ្នាទៅ មិត្តទាំងពីរត្រូវទៅបំពេញកាតព្វកិច្ចដើម្បីចិញ្ចឹមក្រពះរៀងៗខ្លួន។ កាងចិញ្ចើមផ្លូវ ឬរំលោភចិញ្ចើមផ្លូវ គឺជាប្រធានបទដែលសំឡាញ់ទាំងពីរលើកមកជជែកនៅថ្ងៃនេះ។
សុធីរ៖ មានគេកាងចិញ្ចើមផ្លូវច្រើនណាស់សព្វថ្ងៃនេះ។
សំណាង៖ អ្ហា! កាងចិញ្ចើមផ្លូវម៉េចទៅ! អញមិនដែលលឺគេកាងចិញ្ចើមផ្លូវទេ។ អញធ្លាប់លឺតែគេកាងដី កាងរត់ការរកស៊ីនេះ ឬរកស៊ីនោះ។ អារឿងកាងចិញ្ចើមផ្លូវហ្នឹង អញអត់សូវយល់ទេវ៉ើយ អា សុធីរ។ អាហ្នឹងម៉េចវិញ?
សុធីរ៖ អានេះ វាចេះដឹងគ្រប់រឿង តែដល់រឿងកាងចិញ្ចើមផ្លូវ វាធ្វើជាមិនយល់។
សំណាង៖ និយាយមក កុំនៅសាំយូរពេកអ្ហា!
សុធីរ៖ កាងចិញ្ចើមផ្លូវ មានន័យថា គេយកចិញ្ចើមផ្លូវដែលជាទីតាំងសាធាណៈរបស់រដ្ឋទៅធ្វើអាជីវកម្មអ្វីមួយសម្រាប់ផលប្រយោជន៍ផ្ទាល់ខ្លួនរបស់គេ។ អ្នកខ្លះគិតថា ចិញ្ចើមផ្លូវនៅមុខផ្ទះជាកម្មសិទ្ធិរបស់ខ្លួនឯង។ តាមពិត វាមិនមែនដូច្នេះទេ។ ចិញ្ចើមផ្លូវជាកម្មសិទ្ធិរបស់រដ្ឋសម្រាប់អ្នកថ្មើរជើង។ អាទង្វើហ្នឹង គេហៅថា កាងចិញ្ចើមផ្លូវ អ្ហែងយល់អត់ អា សំណាង?
សំណាង៖ តាមពិតអញយល់ពេកទៅហើយ គ្រាន់តែអ្ហែងហាមាត់រៀបនិយាយ អញដឹងបាត់ទៅហើយ។ អញប្រាប់អ្ហែងពាក្យមួយទៀតក្រៅពីពាក្យ កាងចិញ្ចើមផ្លូវ។
សុធីរ៖ ពាក្យអីទៅ?
សំណាង៖ ក្រៅពីពាក្យកាងចិញ្ចើមផ្លូវ គេហៅម្យ៉ាងទៀតថា ក្រុមរំលោភចិញ្ចើមផ្លូវ ឬចិញ្ចើមផ្លូវត្រូវបានគេរំលោភ៕
© រក្សាសិទ្ធិដោយ thmeythmey.com