ជាតិ
ដើមចម្ប៉ា៣៣ដើម ត្រូវបានដាំនៅភូមិព្រះដាក់ ដែលជាផ្នែកមួយនៃការរៀបចំអត្តសញ្ញាណភូមិវិញ
× សៀមរាប៖ ដើមចម្ប៉ាជំទង់ចំនួន ៣៣ដើម ត្រូវបានដាំនៅភូមិព្រះដាក់ ស្រុកបន្ទាយស្រី ខេត្តសៀមរាប ដើម្បីជាផ្នែកមួយនៃការរៀបចំឡើងវិញ នូវអត្តសញ្ញាណចាស់នៃភូមិបុរាណមួយនេះ។ នេះបើតាមលោក ឃឹម ហ្វីណង់ អភិបាលស្រុកបន្ទាយស្រី។
លោកអភិបាលស្រុកបន្ទាយស្រី បន្ថែមថា ពលរដ្ឋព្រះដាក់ចង់បានផ្កាចម្ប៉ាដាំនៅក្នុងភូមិ ព្រោះរុក្ខជាតិនេះមានស្លឹកស្រស់ស្អាត ហើយមិនសូវចាក់ឫសជ្រៅ ព្រមទាំងផ្តល់ផ្កាក្រអូបទៀតផង។
រដ្ឋបាលស្រុកបន្ទាយស្រី នឹងប្រកាសដាក់ភូមិព្រះដាក់ ជាភូមិគោលដៅនៃការរៀបចំភូមិគំរូប្រចាំស្រុក ក្នុងពេលឆាប់ៗ។ លោក ហ្វីណង់បញ្ជាក់ដូច្នេះ រួចបន្តសំណូមពរឲ្យប្រជាពលរដ្ឋក្នុងភូមិព្រះដាក់ជួយថែររក្សាកិត្តិនាមនេះ ឲ្យបានជានិរន្តរន៍ផងដែរ៕
រូបភាពពីទំព័រហ្វេសប៊ុកលោក ឃឹម ហ្វីណង់៖
© រក្សាសិទ្ធិដោយ thmeythmey.com