ភ្នំពេញ នឹងមានស្ពានអាកាសថ្មើរជើង ២៦កន្លែងទៀត

ជាតិ

ភ្នំពេញ នឹងមានស្ពានអាកាសថ្មើរជើង ២៦កន្លែងទៀត

25, Jul 2020 , 11:59 am

រូបភាព

លោកឃួងស្រេងក្នុងពិធីសម្ពោធស្ពានអាកាសថ្មើជើងផ្សារដើមគរ ថ្ងៃទី២៤ កក្កដា ២០២០

ដោយ:

រាជធានីភ្នំពេញ នឹងមានស្ពានអាកាសថ្មើរជើងបន្ថែម ២៦ កន្លែងទៀត ដើម្បីចូលរួមកាត់បន្ថយការកកស្ទះចរាចរណ៍។ លោក ឃួង ស្រេង អភិបាលរាជធានីភ្នំពេញ ថ្លែងដូច្នេះក្នុងពេលសម្ពោធដាក់ឲ្យប្រើប្រាស់ ស្ពានថ្មើរជើងផ្សារដើមគ កាលពីថ្ងៃទី២៤ ខែកក្កដា ឆ្នាំ២០២០។

ស្ពានអាកាសថ្មើររជើង នឹងត្រូវសង់ឡើងនៅកន្លែងដែលមានមនុស្សប្រមូលផ្តុំច្រើន ដូចជា សាលារៀន មន្ទីរពេទ្យ អគារពាណិជ្ជកម្ម ផ្សារ និងទីវត្តអារាមជាដើម។ នេះបើតាមលោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ ដែលបានប្រាប់សារព័ត៌មានថ្មីៗ នាពេលកន្លងមក។

បច្ចុប្បន្ន រាជធានីភ្នំពេញ មានស្ពានអាកាសថ្មើររជើង ៤ កន្លែង គឺ២កន្លែងជម្ពូវ័ន្ត, ១កន្លែងនៅភ្លើងស្តុបនាងគង្ហីង និង១កន្លែងនៅមុខផ្សារដើមគ។ ចំណែកស្ពានអាកាសថ្មើរជើងកំពុងសាងសង់មាន ១កន្លែង គឺនៅស្តុបសាលាបឋមសិក្សាសន្ធរម៉ុក៕