ជាតិ
រដ្ឋបាលខេត្តកំពង់ធំ បូមទឹកសង្គ្រោះស្រូវជាង ៣ពាន់ហិកតាដោយសាររាំងស្ងួត
ស្រូវកំពង់ធំ
×![]()
កសិករនៅក្នុងខេត្តកំពង់ធំ កំពុងជួបផលប៉ះពាល់ដោយខ្វះទឹកស្រោចស្រពដំណាំស្រូវចំនួន ៣ ៣០០ហិកតា។ រាជរដ្ឋភិបាលកម្ពុជា បានបើកយុទ្ធនាការបូមទឹកសង្គ្រោះស្រូវរបស់ពលរដ្ឋក្នុងស្រុក បារាយណ៍ និងស្រុកតាំងគោក ឲ្យបានទាន់ពេលវេលា។ នេះបើតាមរដ្ឋបាលខេត្តកំពង់ធំ កាលពីថ្ងៃទី២១ ខែកក្កដា ឆ្នាំ២០២០។
រូបភាពពីរដ្ឋបាលខេត្តកំពង់ធំ
លោក សុខ លូ អភិបាលខេត្តកំពង់ធំ បានលើកឡើងនាឱកាសចុះពិនិត្យស្ថានភាពស្រូវរបស់កសិករដូច្នេះ៖ «យើងខិតខំរួមគ្នាស្វែងរកប្រភពទឹក ដើម្បីរិះរកមធ្យោបាយគ្រប់បែបយ៉ាងឲ្យអស់លទ្ធភាពដោះស្រាយជូនប្រជាកសិករឲ្យបានទាន់ពេលវេលា ក្នុងករណីគ្មានភ្លៀងប៉ុន្មានថ្ងៃខាងមុខនេះ»។
ស្របពេលកូនរដូវប្រាំងកើតមាននៅក្នុងរដូវវស្សា បានធ្វើអោយប្រភពទឹក និងប្រឡាយទឹកមេមួយចំនួនត្រូវបានគោក ហួតហែង ដែលជាឧបសគ្គក្នុងការធ្វើអន្តរាគមន៍បូមទឹកជួយសង្គ្រោះស្រូវដែលនៅជាប់តំបន់នោះ។
ដោយឡែក នៅថ្ងៃទី ២៦ ខែកក្កដា ឆ្នាំ២០២០ ក្នុងឱកាសចូលរួមកម្មវិធី «បិទយុទ្ធនាការបូមទឹកជួយសង្គ្រោះស្រូវ ប្រជាពលរដ្ឋស្រុកបារាយណ៍ និងស្រុកតាំងគោក» លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានចុះជួយខេត្តកំពង់ធំ បានស្នើឱ្យក្រុមការងារទាំងអស់បន្តតាមដាន និងអន្តរាគមន៍ដោះស្រាយទឹក បូមទឹក ជូនប្រជាពលរដ្ឋឲ្យបានទាន់ពេលវេលា ពិសេសនៅតាមតំបន់ណាដែលខ្វះខាតទឹកខ្លាំង និងជួយសម្រួលស្តារប្រឡាយចាស់តូចៗ ដើម្បីនាំទឹកបញ្ចូលស្រែរបស់ប្រជាពលរដ្ឋ ជាការរួមចំណែកលើកស្ទួយជីវភាពពលរដ្ឋ តាមរយៈវិស័យកសិកម្មនៅក្នុងបរិបទនៃការរីករាលដាលនៃជំងឺកូវីដ-១៩៕
សកម្មភាពបូបទឹកសង្គ្រោះស្រូវក្នុងខេត្តកំពង់ធំ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
