អត្ថបទពាណិជ្ជកម្ម
ប្រញាប់ឡើង! ផ្សារទំនើបទី៣ Chipmong SenSok Mall ប្រកាសទទួលការកក់ទីតាំងពី ក្រុមហ៊ុនម៉ាកល្បីៗទាំងក្នុងនិងក្រៅស្រុកហើយ!
×![]()
ដោយ: សារព័ត៌មានថ្មីៗ
ភ្នំពេញ៖ លោក ម៉ៃឃើល វង្ស (Michael Vong) អគ្គនាយកផ្សារទំនើប ជីបម៉ុង ម៉ល បានប្រកាសស្វាគមន៍ម៉ាកផលិតផលល្បីៗ ភោជនីយដ្ឋាន ហាងកាហ្វេ ហាងលក់សម្ភារប្រើប្រាស់ និង សេវាកម្មកម្សាន្តផ្សេងៗ អាចចាប់ផ្តើមកក់ទីតាំង ក្នុងផ្សារទំនើបទី៣ ជីបម៉ុង សែនសុខ ម៉ល ពីពេលនេះ រហូតដល់ទីតាំងទាំងអស់ ត្រូវបានកក់។ នេះគឺជាផ្សារទំនើបទី៣ របស់ ជីបម៉ុង គ្រុប ខណៈផ្សារទំនើប២កន្លែងទៀត គឺ Chipmong Noromall និង Chipmong Baktouk Mall កំពុងដំណើរការយ៉ាងរលូន។
លោកបន្តទៀតថា ផ្សារទំនើបទី៣ នេះស្ថិតនៅលើដងវិថី ឧកញ្ញ៉ា ម៉ុងរិទ្ធី សាងសង់ឡើង កម្ពស់ ៤ជាន់ លំអរដោយរចនាបថទំនើបស៊ីវីល័យ ព្រមជាមួយសួនច្បារបៃតង ដ៏ស្រស់បំព្រង និងទំហំទីតាំងជួល ១៧, ០១៣ ម៉ែត្រការ៉េ។ បើគិតជាហាងមានចំនួនសរុប ៩០ធំៗ និងតូបចំនួន៣០បន្ថែមទៀត។ រីឯចំណតរថយន្ត អាចចតបានរហូតដល់ ៤៨០គ្រឿង និងម៉ូតូចំនួន ៤៥០គ្រៀងឯណោះ។
លោកក៏រម្លឹកដល់ម្ចាស់ម៉ាកផលិតផលល្បីៗ ភោជនីយដ្ឋាន ហាងកាហ្វេ ហាងលក់សម្ភារប្រើប្រាស់ និង សេវាកម្សាន្តផ្សេងៗ ឲ្យប្រញាប់កក់ទីតាំង ក្នុងផ្សារទំនើបទី៣នេះ ឲ្យបានឆាប់រហ័ស ខណៈដែលការបញ្ចុះតម្លៃជួល ៥០% សម្រាប់រយៈពេល៦ខែដំបូង រួមជាមួយនឹងអត្ថប្រយោជន៍ផ្សព្វផ្សាយដោយឥតគិតថ្លៃមួយចំនួនទៀតកំ ពុងផ្តល់ជូនសម្រាប់ដៃគូអាជីវកម្មទាំងអស់។
ដូច្នេះលោក លោកស្រី ដែលជាម្ចាស់អាជីវកម្ម ដែលមានចំណាប់អារម្មណ៍ពង្រីកសាខា ឬ ចាប់ផ្តើមអាជីវកម្មរបស់លោកអ្នក អាចទំនាក់ទំនងព័ត៌មានបន្ថែម ឬណាត់ជួប តាមរយៈលេខទូរស័ព្ទ 066/085/093 922 888 ឬអ៊ីម៉ែល៖ [email protected] ៕
(អត្ថបទពាណិជ្ជកម្ម)
Tag:
Khmer Beverages
© រក្សាសិទ្ធិដោយ thmeythmey.com
