សែ​ល​កាត ផ្តល់​រង្វាន់​ដ៏​ធំ​អស្ចារ្យ រថយន្ត​ម៉ាក Mazda 2 ស៊េរី​ឆ្នាំ 2020 ជូន​ដល់​អតិថិជន​របស់​ក​ម្ម​វិធី កោស​ឈ្នះ​! ស្កេ​ន​ឈ្នះ​!
អត្ថបទពាណិជ្ជកម្ម
សែ​ល​កាត ផ្តល់​រង្វាន់​ដ៏​ធំ​អស្ចារ្យ រថយន្ត​ម៉ាក Mazda 2 ស៊េរី​ឆ្នាំ 2020 ជូន​ដល់​អតិថិជន​របស់​ក​ម្ម​វិធី កោស​ឈ្នះ​! ស្កេ​ន​ឈ្នះ​!
31, Jul 2020 , 4:57 pm        
រូបភាព
​កម្មវិធី​កោស​ឈ្នះ​! ស្កេ​ន​ឈ្នះ​! រដូវ​កាល​ទីមួយ ដែល​កំពុង​ពេញនិយម​បំផុត របស់​ក្រុមហ៊ុន សែ​ល​កាត បាន​ឈាន​មកដល់​ទីបញ្ចប់​ហើយ នា​ក្នុង​ថ្ងៃទី​29​កក្កដា ជាមួយនឹង​ការចាប់​រង្វាន់​ផ្ដាច់ព្រ័ត្រ​ដ៏​ធំ​អស្ចារ្យ ដែលជា​រថយន្ត​ម៉ាក Mazda 2 ស៊េរី​ឆ្នាំ 2020 ។​
 
​អតិថិជន​មហា​សំណាង​របស់ សែ​ល​កាត លោកពូ សុខ​ទៀន បានបង្ហាញ​នូវ​អារម្មណ៍​ត្រេកអរ​ឥតឧបមា  នៅពេល​គាត់​ទទួលបាន​នូវ​ដំណឹង ដ៏​គយរ​ឲ្យ​រំភើប​មិន​នឹកស្មាន​ដល់ នៃ​ការ​ឈ្នះ​រង្វាន់​ដ៏​អស្ចារ្យ​បំផុត​នេះ​។ លោក សុខ​ទៀន បាន​រៀបរាប់ថា រថយន្ត​ដ៏​ថ្មី​សន្លាង​នេះ នឹង​អាចជួយ​សម្រាល​បន្ទុករ​បស់​ក្រុមគ្រួសារ ដែល​កំពុង​រស់នៅក្នុង​ទីក្រុង​ភ្នំពេញ បាន​យ៉ាងច្រើន​ជាក់​ជាមិនខាន​។ 
 
​ទន្ទឹមនឹង​ការផ្តល់ជូន​រង្វាន់​ធំ​បំផុត ប្រចាំ​កម្មវិធី សែ​ល​កាត ក៏បាន​ប្រគល់ជូន​នូវ​រង្វាន់​ម៉ូតូ​ហុងដា Zoomer X សរុប​ចំនួន 53 គ្រឿង រួមទាំង​ទិន្នន័យ​អ៊ីនធឺណិត និង​រង្វាន់​ជា​សាច់ប្រាក់​សុទ្ធ ដែលមាន​សរុប​គិត​ជា​ទឹកប្រាក​ចំនួន​ជាង ៥០​ម៉ឺន​ដុល្លារ​ដល់​អតិថិជន​រប​ស់​ខ្លួន​ផងដែរ​។ ការផ្តល់​រង្វាន់​នេះ  បានបង្ហាញ​ឱ្យឃើញ​យ៉ាងច្បាស់​ថា កម្មវិធី​កោស​ឈ្នះ​! ស្កេ​ន​ឈ្នះ​! គឺជា​កម្មវិធី​ដ៏​ពេញនិយម និង​ជោគជ័យ​បំផុត​មួយ របស់​ក្រុមហ៊ុន សែ​ល​កាត មកទល់​បច្ចុប្បន្ននេះ​។​


 
​អតិថិជន​ទាំងអស់​របស់ សែ​ល​កាត អាច​បញ្ចូល​ទឹកប្រាក់​ដោយ​ប្រើប្រាស់​កាត​ប្រភេទ​ថ្មី 5,000 រៀល (1.25 ដុល្លារ​) និង 10,000 រៀល (2.50 ដុល្លារ​) បាន​ចាប់តាំងពី​ខែមករា ដើមឆ្នាំ 2020 នេះ​មកម្ល៉េះ​។ គួរបញ្ជាក់​ផងដែរ​ថា ការផ្តល់ជូន​នេះ គឺជា​ការឆ្លើយតប​រប​ស់ សែ​ល​កាត  ទៅនឹង​ការស្នើសុំ​របស់​អតិថិជន ក្នុងការ​ផ្តល់ជូន​នូវ​កាត​កោស​ដោយ​គិត តម្លៃ​ជា​រូបិយប័ណ្ណ​ក្នុងស្រុក​។​
 
​លោក អៀន វ៉ាត​សុន (Ian Watson) នាយក​ប្រតិបត្តិ​ក្រុមហ៊ុន សែ​ល​កាត បាន​មានប្រសាសន៍ថា​៖ “​ក្នុងនាម​ជា​ប្រតិបត្តិ​ករ​បណ្តាញទូរស័ព្ទ​ចល័ត ដែលជា​មោទកភាព​របស់​ជាតិខ្មែរ យើង​ពិត​ជាមាន​ក្តី​សោមនស្ស​បំផុត សម្រាប់​ឱកាស​ក្នុងការ​តបស្នង ទៅកាន់​សហគមន៍​វិញ ក៏ដូចជា​ការផ្តល់​រង្វាន់​ជូន ដល់​អតិថិជន​ដ៏​ស្មោះស្ម័គ្រ​របស់​យើង ដែល​ភាគច្រើន ពួកគាត់​កំពុង​ត្រូវការ​ការគាំទ្រ​បន្ថែម នៅក្នុង​ជីវភាព​ប្រចាំថ្ងៃ​”​។​
 
“​យើង​នឹង​បន្ត​កម្មវិធី​ផ្តល់រ​ង្វាន់ ជូន​ដល់​អតិថិជន​របស់​យើង រួមទាំង​ផ្តល់ជូន​នូវ​ផលិតផល និង​សេវាកម្ម​ប្រកបដោយ​ភាពបត់បែន​ខ្ពស់ និង​មាន​អត្ថប្រយោជន៍​ច្រើន​សម្បូរបែប​។ តួយ៉ាង​ដូចជា​គម្រោង Cellcard 4U នេះ​ជាដើម ដោយ​យើង​បានដាក់​ដំណើរការ ឱ្យ​អតិថិជន​ប្រើប្រាស់ ដើម្បី​ឆ្លើយតប​ទៅនឹង​វិបត្តិ​ជំងឺ​កូ​វីដ​-19”​។​


 
​រាល់​អតិថិជន​ដែលមាន​សំណាង ឈ្នះ​រង្វាន់​ពី​កម្មវិធី​កោស​ឈ្នះ​! ស្កេ​ន​ឈ្នះ​! នឹងត្រូវ​ប្រកាស​ឈ្មោះ ជូន​រៀងរាល់ថ្ងៃ​ពុធ វេលា​ម៉ោង 11 ព្រឹក នៅលើ​ទំព័រ​ហ្វេ​ស​ប៊ុ​ករ​បស់​សែ​ល​កាត​។​
 
​អ្វីដែល​កាន់តែ​ពិសេស​ទៀត​នោះ គឺ សែ​ល​កាត នឹង​រៀបចំ​កម្មវិធី​កោស​ឈ្នះ​! ស្កេ​ន​ឈ្នះ​!  រដូវ​កាល​ទី 2 ដោយ​នឹងដាក់​ដំណើរការ​រយៈពេល 6 ខែ​ពេញ រួមទាំង​ផ្តល់ជូន​នូវ​រង្វាន់​ថ្មីៗ​ដ៏​អស្ចារ្យ​ជាច្រើន​ទៀតផង​៕
 





(​អត្ថបទ​ពាណិជ្ជកម្ម​)
 

© រក្សាសិទ្ធិដោយ thmeythmey.com