បទយកការណ៍ / បទសម្ភាសន៍
ជាតិ
សង្គមជាតិ
ក្រុមហ៊ុនម៉េងលី ជេ. គួច អេឌ្យួខេសិន ជួយលើកមុខមាត់កម្ពុជាលើឆាកអន្តរជាតិ
លោកឧកញ៉ា វេជ្ជបណ្ឌិត គួច ម៉េងលី ជាមួយនឹងពានរង្វាន់អន្តរជាតិចំនួនបីដែលទទួលបាន
×![]()
×![]()
×![]()
×![]()
×![]()
×![]()
×![]()
×![]()
ដោយ: រួបរួម
ក្រុមហ៊ុនម៉េងលី ជេ.គួច អេឌ្យូខេសិន (Megnly J.Quach Education) ដែលមានវិទ្យាស្ថាន និងសាលារៀនអន្តរទ្វីបអាមេរិកាំង (Aii/AIS) ជាបុត្រសម្ព័ន្ធ កំពុងក្លាយសហគ្រាសឯកជនមួយដ៏សំខាន់ក្នុងការលើកមុខមាត់ប្រទេសកម្ពុជាលើឆាកអន្តរជាតិ។ បន្ទាប់ពីទទួលបានពានរង្វាន់ថ្នាក់តំបន់កាលពីឆ្នាំ២០១២ និងពានរង្វាន់ថ្នាក់អន្តរជាតិចំនួនពីរកាលពីពេលកន្លងមក ក្រុមហ៊ុនដែលបានដំណើរការចាប់តាំងពីឆ្នាំ២០០៥មកនេះ កំពុងត្រៀមខ្លួនទទួលពានរង្វាន់ថ្នាក់អន្តរជាតិចំនួន២ទៀត រួមទាំងវិញ្ញាបត្រកម្រិតអន្តរជាតិមួយទៀតនៅមុនដំណាច់ឆ្នាំ២០១៣ នេះ។
ពានរង្វាន់អន្តរជាតិចំនួន៣ហើយដែលក្រុមហ៊ុន MJQ Education ទទួលបាន
កាលពីឆ្នាំ២០១២ ក្រុមហ៊ុន MJQ Education បានពានរង្វាន់ថ្នាក់តំបន់អាស៊ី ដែលមានឈ្មោះថា «ពានរង្វាន់សហគ្រាសឆ្នើមក្រៅប្រទេស» នៃព្រឹត្តិការណ៍ SME One Asia Awards នៅប្រទេសសិង្ហបុរី។ កាលនោះ កម្ពុជាមានក្រុមហ៊ុនចំនួន៤ដែលទទួលបានពានរង្វាន់នេះ ខណៈព្រឹត្តិការណ៍ទាំងមូលមានការចូលរួមពីក្រុមហ៊ុនចំនួន៦៥នៅក្នុងតំបន់។
សម្រាប់ឆ្នាំ២០១៣នេះ ក្រុមហ៊ុន MJQ Education បានទទួលពានរង្វាន់អន្តរជាតិចំនួនពីររួចទៅហើយ។ កាលពីដើមខែកក្កដា កន្លងមក ក្រុមហ៊ុនដែលផ្តោតលើវិស័យអប់រំមួយនេះ បានទទួលពានរង្វាន់មាសអន្តរជាតិសម្រាប់ភាពជាអ្នកដឹកនាំលើគុណភាព ( The International Star for Leadership in Quality Award) នៅទីក្រុងប៉ារីស ប្រទេសបារាំង។ ពានរង្វាន់ត្រូវបានផ្តល់ដោយស្ថាប័ន Business Initiative Directions (B.I.D.) ដែលមានមូលដ្ឋាននៅក្នុងប្រទេសអេស្ប៉ាញ ដោយ MJQ Education គឺជាក្រុមហ៊ុនជ័យលាភីមួយក្នុងចំណោមក្រុមហ៊ុនមកពីប្រទេសចំនួន៥៤នៅទូទាំងពិភពលោក។
ពានរង្វាន់ប្រកបដោយកិត្យានុភាពមួយទៀតដែលក្រុមហ៊ុន MJQ Education ទទួលបាននោះ គឺពានរង្វាន់សហព័ន្ធអាជីវកម្មពិភពលោក (The BIZZ ARABIC 2013) លើគុណភាពវិញ្ញាបនបត្រទទួលខុសត្រូវក្នុងសង្គមពីសហព័ន្ធអាជីវកម្មពិភពលោក ( World Confederation of Business) ដែលមានមូលដ្ឋាននៅរដ្ឋបូស្តុន សហរដ្ឋអាមេរិក។ ពិធីប្រគល់ពានរង្វាន់នេះ ត្រូវបានប្រព្រឹត្តទៅកាលពីថ្ងៃទី២៩ ខែកញ្ញា ឆ្នាំ២០១៣ នៅទីក្រុងឌូបៃ ប្រទេសអារ៉ាប់រួម។
MJQ Education បានក្លាយជាក្រុមហ៊ុនមួយក្នុងចំណោមក្រុមហ៊ុនចំនួន១១៨មកពី៤១ប្រទេសដែលទទួលបានពានរង្វាន់ The BIZZ ARABIC 2013 ដោយឆ្លងកាត់ការវាយតម្លៃយ៉ាងល្អិតល្អន់ពីបុគ្គលិកគណៈកម្មការជាង៣០០០នាក់មកពី៧៥ប្រទេស តាមរយៈការជ្រើសរើសតាមសភាពាណិជ្ជកម្មជាង១០០ និងតាមស្ថិតិផ្សេងៗទៀត ជាពិសេសក្រុមហ៊ុន KOMPASS និង ZAWYA ដែលធ្វើការលើផ្នែកស្រាវជ្រាវអាជីវកម្មពិភពលោកនៅក្នុងទ្វីបអាហ្វ្រិក អាស៊ី និងអឺរ៉ុប។
ត្រៀមទទួលពានរង្វាន់អន្តរជាតិពីរ និងវិញ្ញាបនបត្រមួយទៀតមុនដំណាច់ឆ្នាំ
នាថ្ងៃទី១៨ ខែវិច្ឆិកា ឆ្នាំ២០១៣ ខាងមុខនេះ ក្រុមហ៊ុន MJQ Education នឹងទទួលបានពានរង្វាន់ថ្នាក់អន្តរជាតិមួយបន្ថែមទៀតដែលមានឈ្មោះថា «ពានរង្វាន់ប្រចាំទ្វីបទាំង៥អំពីគុណភាព និងឧត្តមភាព» (The Majestic Five Continents Award For Quality And Excellence)។
នាអំឡុងខែធ្នូ ក្រុមហ៊ុនដែលទទួលបានជោគជ័យលើការអភិវឌ្ឍន៍វិស័យអប់រំនៅកម្ពុជាមួយនេះ នឹងទទួលបានពានរង្វាន់សហគ្រាសឆ្នើមបំផុតក្នុងវិស័យអប់រំ (Best Enterprise in Educational Sphere) ដែលប្រគល់ជូនដោយសហពាណិជ្ជកម្មអឺរ៉ុបនៅទីក្រុង Oxford ចក្រភពអង់គ្លេស។
បន្ថែមពីលើនេះទៀត ក្រុមហ៊ុន MJQ Education ដែលមានវិទ្យាស្ថាន និងសាលារៀនអន្តរទ្វីបអាមេរិកាំង (Aii/AIS) ជាបុត្រសម្ព័ន្ធ នឹងក្លាយជាគ្រឹះស្ថានអប់រំឯកជនទីមួយដែលត្រូវទទួលបានវិញ្ញាបនបត្រជាលក្ខណៈអន្តរជាតិផ្នែកការទទួលខុសត្រូវក្នុងសង្គម ( Corporate Social Responsibility/ CSR Company)។
មោទនភាពសម្រាប់ប្រជាជាតិទាំងមូល មិនមែនសម្រាប់តែ MJQ Education ឡើយ
លោកឧកញ៉ា វេជ្ជបណ្ឌិត គួច ម៉េងលី ស្ថាបនិកក្រុមហ៊ុន MJQ Education ដែលជាប្រធាន និងជាប្រធានចាងហ្វាងវិទ្យាស្ថាន និងសាលារៀនអន្តរទ្វីបអាមេរិកកាំង បានចាត់ទុកថា ពានរង្វាន់អន្តរជាតិនានាដែលក្រុមហ៊ុនរបស់លោកទទួលបាននោះ គឺជាមោទនភាពរបស់ប្រជាជាតិខ្មែរទាំងមូល មិនមែនត្រឹមតែរូបលោកផ្ទាល់ ឬបុគ្គលិករបស់ក្រុមហ៊ុនលោកនោះឡើយ។
លោកបានមានប្រសាសន៍ថា ការបើកច្រកទ្វារទៅកាន់ពិភពលោករបស់កម្ពុជា គឺធ្វើឡើងតាមរយៈទំនាក់ទំនងការទូត ការប្រកួតប្រជែងនានា វិស័យទេសចរណ៍ និងកត្តាប្រវត្តិសាស្ត្រ ជាដើម បន្ថែមពីលើនេះ ការលេចធ្លោរផ្នែកអាជីវកម្មក៏បានរួមចំណែកធ្វើឲ្យគេស្គាល់កម្ពុជាផងដែរ។
បុរសសញ្ជាតិខ្មែរ-អាមេរិករូបនេះ បានលើកឡើងថា៖ «អ្នកចូលរួមតែងតែមានការភ្ញាក់ផ្អើលនៅពេលដែលពួកគេឮការប្រកាសថា ក្រុមហ៊ុនរបស់កម្ពុជាទទួលបានពានរង្វាន់ថ្នាក់អន្តរជាតិ ខណៈមនុស្សមួយចំនួនធំស្គាល់ប្រទេសជិតខាងយើង គឺថៃ និងវៀតណាម តែប៉ុណ្ណោះ»។
លោកបានបន្ថែមថា៖ «ខ្ញុំនឹងមានការសប្បាយចិត្តជាងនេះទៀត ប្រសិនបើក្រុមហ៊ុនផ្សេងៗទៀតដែលតំណាងឲ្យកម្ពុជាត្រូវបានទទួលស្គាល់ជាលក្ខណៈអន្តរជាតិ ពីព្រោះថា កូនខ្មែរទាំងអស់មានតួនាទីយ៉ាងសំខាន់ក្នុងការលើកស្ទួយមុខមាត់ប្រទេសជាតិ»។
តើកត្តាអ្វីដែលនាំឲ្យក្រុមហ៊ុនមានការទទួលស្គាល់ជាអន្តរជាតិ?
ក្រៅពីវិទ្យាស្ថាន និងសាលារៀនអន្តរទ្វីបជាបុត្រសម្ព័ន្ធ ក្រុមហ៊ុន MJQ Education មានក្រុមហ៊ុនសេវាកម្មមួយចំនួនទៀតដូចជា សេវាកម្មដឹកជញ្ជូនអន្តរទ្វីប មជ្ឈមណ្ឌលសុខភាពសិស្ស ម៉េងលី ជេ.គួច, Smart Mart, Intercon Supply and Bookstore, Café Chateau និង In & Out Food Court and Intercon Estate Development។
សាលារៀនអន្តរទ្វីប អាមេរិកាំង បំពេញនូវបេសកកម្មអប់រំតាមកម្មវិធីសិក្សាបែបអាមេរិក តាមរយៈការលើកកម្ពស់ និងលើកទឹកចិត្តចំពោះការស្រាវជ្រាវតាមប្រព័ន្ធអ៊ីនធឺណេត និងក្នុងបណ្ណាល័យដែលបំពាក់ដោយបច្ចេកវិទ្យា និងគ្រឿងបរិក្ខាទំនើបៗ ជាដើម។ ការផ្តោតលើការថៃទាំសុខភាពរបស់សិស្ស បុគ្គលិក ក៏ជាកម្មវិធីចំបងផងដែរ។
បន្ថែមពីលើនេះ បើគិតចាប់តាំងពីឆ្នាំ២០០៥ មក ក្រុមហ៊ុន MJQ Education បានចូលរួមវិភាគទានជាច្រើនសម្រាប់សង្គម ដែលក្នុងនោះមានដូចជា ការផ្តល់អាហារូបករណ៍ដល់សិស្សសេវាកម្មគ្លីនិចចល័ត និងសេវាកម្មមីក្រូហិរញ្ញវត្ថុសម្រាប់បុគ្គលិកដែលគ្មានការប្រាក់។
លោកឧកញ៉ា វេជ្ជបណ្ឌិត គួច ម៉េងលី បានបញ្ជាក់ផងដែរថា៖ «តាមរយៈមូលនិធិ ម៉េងលី ជេ. គួច យើងបានចូលរួមវិភាគទានដល់សង្គមអស់ជាង៥លានដុល្លារហើយ បើគិតចាប់តាំងពីឆ្នាំ២០០៥មក។ យើងមិនត្រឹមតែគិតគូដល់ការរស់នៅរបស់បុគ្គលិកនោះទេ ក្រុមការងារយើងតែងតែចុះជួយជាប្រចាំទៅទីជនបទ ដើម្បីផ្តល់សេវាកម្មព្យាបាលដោយឥតបង់ថ្លៃ រួមទាំងការជួយសាងសង់ផ្ទះសម្បែង អណ្តូងទឹក ផ្លូវ និងសាលារៀនជាដើម»។
បន្ថែមពីលើនេះ វិទ្យាស្ថាន និងសាលារៀន អន្តរទ្វីប អាមេរិកាំង បានបណ្តុះគំនិតសិស្សានុសិស្សឲ្យចេះរៀបចំកម្មវិធីសប្បុរសធម៌ផ្សេងៗ ដូច្នេះសិស្សដែលបានឆ្លងកាត់ការសិក្សានៅគ្រឹះស្ថានអប់រំឯកជននេះ មិនត្រឹមតែទទួលបានជោគជ័យលើការប្រកួតប្រជែងចំណេះដឹងនានាទាំងក្នុងកម្រិតជាតិ ទាំងក្នុងកម្រិតអន្តរជាតិនោះទេ ពួកគេម្នាក់សុទ្ធតែមានស្មារតីមនុស្សធម៌ សប្បុរសធម៌ក្នុងខ្លួន។
លោកឧកញ៉ា វេជ្ជបណ្ឌិត គួច ម៉េងលី បានបញ្ជាក់ផងដែរថា ចំពោះផ្នែកកីឡាវិញ វិទ្យាស្ថាន និងសាលារៀន អន្តរទ្វីប អាមេរិកាំងតែងតែទទួលបានចំណាត់ថ្នាក់ល្អជារៀងរាល់ឆ្នាំ តាមរយៈការបណ្តុះបណ្តាលធនធានផ្ទាល់ខ្លួន ដោយមិនចាំបាច់រើសអត្តពលិកពីខាងក្រៅនោះឡើយ៕
ពានរង្វាន់អន្តរជាតិចំនួន៣ហើយដែលក្រុមហ៊ុន MJQ Education ទទួលបាន
កាលពីឆ្នាំ២០១២ ក្រុមហ៊ុន MJQ Education បានពានរង្វាន់ថ្នាក់តំបន់អាស៊ី ដែលមានឈ្មោះថា «ពានរង្វាន់សហគ្រាសឆ្នើមក្រៅប្រទេស» នៃព្រឹត្តិការណ៍ SME One Asia Awards នៅប្រទេសសិង្ហបុរី។ កាលនោះ កម្ពុជាមានក្រុមហ៊ុនចំនួន៤ដែលទទួលបានពានរង្វាន់នេះ ខណៈព្រឹត្តិការណ៍ទាំងមូលមានការចូលរួមពីក្រុមហ៊ុនចំនួន៦៥នៅក្នុងតំបន់។
សម្រាប់ឆ្នាំ២០១៣នេះ ក្រុមហ៊ុន MJQ Education បានទទួលពានរង្វាន់អន្តរជាតិចំនួនពីររួចទៅហើយ។ កាលពីដើមខែកក្កដា កន្លងមក ក្រុមហ៊ុនដែលផ្តោតលើវិស័យអប់រំមួយនេះ បានទទួលពានរង្វាន់មាសអន្តរជាតិសម្រាប់ភាពជាអ្នកដឹកនាំលើគុណភាព ( The International Star for Leadership in Quality Award) នៅទីក្រុងប៉ារីស ប្រទេសបារាំង។ ពានរង្វាន់ត្រូវបានផ្តល់ដោយស្ថាប័ន Business Initiative Directions (B.I.D.) ដែលមានមូលដ្ឋាននៅក្នុងប្រទេសអេស្ប៉ាញ ដោយ MJQ Education គឺជាក្រុមហ៊ុនជ័យលាភីមួយក្នុងចំណោមក្រុមហ៊ុនមកពីប្រទេសចំនួន៥៤នៅទូទាំងពិភពលោក។
ពានរង្វាន់ប្រកបដោយកិត្យានុភាពមួយទៀតដែលក្រុមហ៊ុន MJQ Education ទទួលបាននោះ គឺពានរង្វាន់សហព័ន្ធអាជីវកម្មពិភពលោក (The BIZZ ARABIC 2013) លើគុណភាពវិញ្ញាបនបត្រទទួលខុសត្រូវក្នុងសង្គមពីសហព័ន្ធអាជីវកម្មពិភពលោក ( World Confederation of Business) ដែលមានមូលដ្ឋាននៅរដ្ឋបូស្តុន សហរដ្ឋអាមេរិក។ ពិធីប្រគល់ពានរង្វាន់នេះ ត្រូវបានប្រព្រឹត្តទៅកាលពីថ្ងៃទី២៩ ខែកញ្ញា ឆ្នាំ២០១៣ នៅទីក្រុងឌូបៃ ប្រទេសអារ៉ាប់រួម។
MJQ Education បានក្លាយជាក្រុមហ៊ុនមួយក្នុងចំណោមក្រុមហ៊ុនចំនួន១១៨មកពី៤១ប្រទេសដែលទទួលបានពានរង្វាន់ The BIZZ ARABIC 2013 ដោយឆ្លងកាត់ការវាយតម្លៃយ៉ាងល្អិតល្អន់ពីបុគ្គលិកគណៈកម្មការជាង៣០០០នាក់មកពី៧៥ប្រទេស តាមរយៈការជ្រើសរើសតាមសភាពាណិជ្ជកម្មជាង១០០ និងតាមស្ថិតិផ្សេងៗទៀត ជាពិសេសក្រុមហ៊ុន KOMPASS និង ZAWYA ដែលធ្វើការលើផ្នែកស្រាវជ្រាវអាជីវកម្មពិភពលោកនៅក្នុងទ្វីបអាហ្វ្រិក អាស៊ី និងអឺរ៉ុប។
ត្រៀមទទួលពានរង្វាន់អន្តរជាតិពីរ និងវិញ្ញាបនបត្រមួយទៀតមុនដំណាច់ឆ្នាំ
នាថ្ងៃទី១៨ ខែវិច្ឆិកា ឆ្នាំ២០១៣ ខាងមុខនេះ ក្រុមហ៊ុន MJQ Education នឹងទទួលបានពានរង្វាន់ថ្នាក់អន្តរជាតិមួយបន្ថែមទៀតដែលមានឈ្មោះថា «ពានរង្វាន់ប្រចាំទ្វីបទាំង៥អំពីគុណភាព និងឧត្តមភាព» (The Majestic Five Continents Award For Quality And Excellence)។
នាអំឡុងខែធ្នូ ក្រុមហ៊ុនដែលទទួលបានជោគជ័យលើការអភិវឌ្ឍន៍វិស័យអប់រំនៅកម្ពុជាមួយនេះ នឹងទទួលបានពានរង្វាន់សហគ្រាសឆ្នើមបំផុតក្នុងវិស័យអប់រំ (Best Enterprise in Educational Sphere) ដែលប្រគល់ជូនដោយសហពាណិជ្ជកម្មអឺរ៉ុបនៅទីក្រុង Oxford ចក្រភពអង់គ្លេស។
បន្ថែមពីលើនេះទៀត ក្រុមហ៊ុន MJQ Education ដែលមានវិទ្យាស្ថាន និងសាលារៀនអន្តរទ្វីបអាមេរិកាំង (Aii/AIS) ជាបុត្រសម្ព័ន្ធ នឹងក្លាយជាគ្រឹះស្ថានអប់រំឯកជនទីមួយដែលត្រូវទទួលបានវិញ្ញាបនបត្រជាលក្ខណៈអន្តរជាតិផ្នែកការទទួលខុសត្រូវក្នុងសង្គម ( Corporate Social Responsibility/ CSR Company)។
មោទនភាពសម្រាប់ប្រជាជាតិទាំងមូល មិនមែនសម្រាប់តែ MJQ Education ឡើយ
លោកឧកញ៉ា វេជ្ជបណ្ឌិត គួច ម៉េងលី ស្ថាបនិកក្រុមហ៊ុន MJQ Education ដែលជាប្រធាន និងជាប្រធានចាងហ្វាងវិទ្យាស្ថាន និងសាលារៀនអន្តរទ្វីបអាមេរិកកាំង បានចាត់ទុកថា ពានរង្វាន់អន្តរជាតិនានាដែលក្រុមហ៊ុនរបស់លោកទទួលបាននោះ គឺជាមោទនភាពរបស់ប្រជាជាតិខ្មែរទាំងមូល មិនមែនត្រឹមតែរូបលោកផ្ទាល់ ឬបុគ្គលិករបស់ក្រុមហ៊ុនលោកនោះឡើយ។
លោកបានមានប្រសាសន៍ថា ការបើកច្រកទ្វារទៅកាន់ពិភពលោករបស់កម្ពុជា គឺធ្វើឡើងតាមរយៈទំនាក់ទំនងការទូត ការប្រកួតប្រជែងនានា វិស័យទេសចរណ៍ និងកត្តាប្រវត្តិសាស្ត្រ ជាដើម បន្ថែមពីលើនេះ ការលេចធ្លោរផ្នែកអាជីវកម្មក៏បានរួមចំណែកធ្វើឲ្យគេស្គាល់កម្ពុជាផងដែរ។
បុរសសញ្ជាតិខ្មែរ-អាមេរិករូបនេះ បានលើកឡើងថា៖ «អ្នកចូលរួមតែងតែមានការភ្ញាក់ផ្អើលនៅពេលដែលពួកគេឮការប្រកាសថា ក្រុមហ៊ុនរបស់កម្ពុជាទទួលបានពានរង្វាន់ថ្នាក់អន្តរជាតិ ខណៈមនុស្សមួយចំនួនធំស្គាល់ប្រទេសជិតខាងយើង គឺថៃ និងវៀតណាម តែប៉ុណ្ណោះ»។
លោកបានបន្ថែមថា៖ «ខ្ញុំនឹងមានការសប្បាយចិត្តជាងនេះទៀត ប្រសិនបើក្រុមហ៊ុនផ្សេងៗទៀតដែលតំណាងឲ្យកម្ពុជាត្រូវបានទទួលស្គាល់ជាលក្ខណៈអន្តរជាតិ ពីព្រោះថា កូនខ្មែរទាំងអស់មានតួនាទីយ៉ាងសំខាន់ក្នុងការលើកស្ទួយមុខមាត់ប្រទេសជាតិ»។
តើកត្តាអ្វីដែលនាំឲ្យក្រុមហ៊ុនមានការទទួលស្គាល់ជាអន្តរជាតិ?
ក្រៅពីវិទ្យាស្ថាន និងសាលារៀនអន្តរទ្វីបជាបុត្រសម្ព័ន្ធ ក្រុមហ៊ុន MJQ Education មានក្រុមហ៊ុនសេវាកម្មមួយចំនួនទៀតដូចជា សេវាកម្មដឹកជញ្ជូនអន្តរទ្វីប មជ្ឈមណ្ឌលសុខភាពសិស្ស ម៉េងលី ជេ.គួច, Smart Mart, Intercon Supply and Bookstore, Café Chateau និង In & Out Food Court and Intercon Estate Development។
សាលារៀនអន្តរទ្វីប អាមេរិកាំង បំពេញនូវបេសកកម្មអប់រំតាមកម្មវិធីសិក្សាបែបអាមេរិក តាមរយៈការលើកកម្ពស់ និងលើកទឹកចិត្តចំពោះការស្រាវជ្រាវតាមប្រព័ន្ធអ៊ីនធឺណេត និងក្នុងបណ្ណាល័យដែលបំពាក់ដោយបច្ចេកវិទ្យា និងគ្រឿងបរិក្ខាទំនើបៗ ជាដើម។ ការផ្តោតលើការថៃទាំសុខភាពរបស់សិស្ស បុគ្គលិក ក៏ជាកម្មវិធីចំបងផងដែរ។
បន្ថែមពីលើនេះ បើគិតចាប់តាំងពីឆ្នាំ២០០៥ មក ក្រុមហ៊ុន MJQ Education បានចូលរួមវិភាគទានជាច្រើនសម្រាប់សង្គម ដែលក្នុងនោះមានដូចជា ការផ្តល់អាហារូបករណ៍ដល់សិស្សសេវាកម្មគ្លីនិចចល័ត និងសេវាកម្មមីក្រូហិរញ្ញវត្ថុសម្រាប់បុគ្គលិកដែលគ្មានការប្រាក់។
លោកឧកញ៉ា វេជ្ជបណ្ឌិត គួច ម៉េងលី បានបញ្ជាក់ផងដែរថា៖ «តាមរយៈមូលនិធិ ម៉េងលី ជេ. គួច យើងបានចូលរួមវិភាគទានដល់សង្គមអស់ជាង៥លានដុល្លារហើយ បើគិតចាប់តាំងពីឆ្នាំ២០០៥មក។ យើងមិនត្រឹមតែគិតគូដល់ការរស់នៅរបស់បុគ្គលិកនោះទេ ក្រុមការងារយើងតែងតែចុះជួយជាប្រចាំទៅទីជនបទ ដើម្បីផ្តល់សេវាកម្មព្យាបាលដោយឥតបង់ថ្លៃ រួមទាំងការជួយសាងសង់ផ្ទះសម្បែង អណ្តូងទឹក ផ្លូវ និងសាលារៀនជាដើម»។
បន្ថែមពីលើនេះ វិទ្យាស្ថាន និងសាលារៀន អន្តរទ្វីប អាមេរិកាំង បានបណ្តុះគំនិតសិស្សានុសិស្សឲ្យចេះរៀបចំកម្មវិធីសប្បុរសធម៌ផ្សេងៗ ដូច្នេះសិស្សដែលបានឆ្លងកាត់ការសិក្សានៅគ្រឹះស្ថានអប់រំឯកជននេះ មិនត្រឹមតែទទួលបានជោគជ័យលើការប្រកួតប្រជែងចំណេះដឹងនានាទាំងក្នុងកម្រិតជាតិ ទាំងក្នុងកម្រិតអន្តរជាតិនោះទេ ពួកគេម្នាក់សុទ្ធតែមានស្មារតីមនុស្សធម៌ សប្បុរសធម៌ក្នុងខ្លួន។
លោកឧកញ៉ា វេជ្ជបណ្ឌិត គួច ម៉េងលី បានបញ្ជាក់ផងដែរថា ចំពោះផ្នែកកីឡាវិញ វិទ្យាស្ថាន និងសាលារៀន អន្តរទ្វីប អាមេរិកាំងតែងតែទទួលបានចំណាត់ថ្នាក់ល្អជារៀងរាល់ឆ្នាំ តាមរយៈការបណ្តុះបណ្តាលធនធានផ្ទាល់ខ្លួន ដោយមិនចាំបាច់រើសអត្តពលិកពីខាងក្រៅនោះឡើយ៕
© រក្សាសិទ្ធិដោយ thmeythmey.com
