រាជធានីភ្នំពេញ ថ្ងៃទី១០ ខែសីហា ឆ្នាំ២០២០៖ ថ្ងៃនេះ ធនាគារ ភីភីស៊ីប៊ែង (PPCBank) បានប្រកាសបើកសាខាពីរបន្ថែមទៀត ជាផ្លូវការ ដែលធ្វើឲ្យចំនួនសាខាសរុប កើនរហូតដល់ ២៣ ជាមួយនឹងទូATM ចំនួន ៦២នៅទូទាំងប្រទេស។
សាខាធនាគារ PPCBank ថ្មីទាំងពីរ បានត្រៀមខ្លួនរួចជាស្រេច ក្នុងការដំណើរការ និងបម្រើអតិថិជនរបស់ខ្លួន នៅលើមហាវិថីព្រះសីហនុ និងលើផ្លូវជាតិលេខ៦A។
នៅសាខាព្រះសីហនុ អតិថិជនអាចមកទទួលយកសេវាពីធនាគារ ដែលដំណើរការ ពីម៉ោង ៨ព្រឹក ដល់ម៉ោង៨យប់ ពីថ្ងៃចន្ទ ដល់ថ្ងៃសុក្រនិងពីម៉ោង៨ព្រឹក ដល់ម៉ោង៤ល្ងាច នៅរៀងរាល់ថ្ងៃសៅរ៍។ សាខានេះ ក៏ត្រូវបានបំពាក់ដោយ Gold Club ដែលជាមជ្ឈមណ្ឌលសម្រាប់បម្រើដល់អតិថិជន VIP ផងដែរ។
ចំណែក សាខាជ្រោយចង្វារ នៅលើផ្លូវជាតិលេខ៦Aវិញ ត្រូវបានបង្កើតឡើង នៅទីតាំងដែលអំណោយផល ដល់អតិថិជនទាំងតំបន់ជ្រោយចង្វារ និងឫស្សីកែវ ដែលជាកន្លែងប្រមូលផ្តុំទៅដោយ សហគ្រាសធនតូច និងមធ្យម។ ហេតុដូច្នេះហើយ ដើម្បីបំពេញតម្រូវការដល់អតិថិជននៅតំបន់ជ្រោយចង្វារ និងឫស្សីកែវ PPCBank សាខាជ្រោយចង្វារថ្មីនេះក៏បានបំពាក់ទៅដោយមជ្ឈមណ្ឌលសហគ្រាសធនតូច និងមធ្យម (SME) ដែលជាមជ្ឈមណ្ឌលផ្តល់ការប្រឹក្សាយោបល់ អំពីការស្នើសុំឥណទាន ដែលសមស្របសម្រាប់ជំនួញរបស់ពួកគេ។
សាខាធនាគារ PPCBank ទាំងពីរនេះ ក៏ត្រូវបានសាងសង់ឡើង ជាមួយនឹងការរចនាដែលមានលក្ខណៈស្តង់ដារ ទំនើប និងមានផាសុកភាពបំផុតសម្រាប់អតិថិជន។
បើទោះបីជាវិស័យសេដ្ឋកិច្ចនៅកម្ពុជា ហាក់បីដូចជាកំពុងដើរយឺត ដោយសារតែវិបត្តិនៃជំងឺផ្លូវដង្ហើមថ្មីក៏ដោយ ធនាគារ PPCBank មានការជឿជាក់ ចំពោះការត្រលប់មកស្ថានភាពដើមវិញ នៃវិស័យសេដ្ឋកិច្ច។ ធនាគារ នៅតែបន្តយន្តការក្នុងការក្លាយខ្លួន ជាធនាគារឈានមុខគេ តាមរយៈការបង្កើនសាខាពីរបន្ថែមទៀត។
លោក Shin Chang Moo ដែលជានាយកប្រតិបត្តិនៃធនាគារ PPCBank បានមានប្រសាសន៍ថា៖ «កាលពីខែមេសាកន្លងទៅនេះ ពួកយើងទាំងអស់គ្នា បានឆ្លងកាត់នូវស្ថានភាពមួយដ៏លំបាក ដែលគ្មាននរណាម្នាក់ដឹងច្បាស់ថា តើការងាររបស់យើង នឹងត្រលប់មកស្ថានភាពដើមនៅពេលណា ហើយពួកយើង ក៏បានផ្លាស់ប្តូររបៀបនៃការរស់នៅរបស់យើង ដោយការអនុវត្តន៍អនាម័យឲ្យបានខ្ជាប់ខ្ជួន និងញឹកញាប់បំផុត តាមដែលអាចធ្វើទៅបាន»។
លោកបានបន្តថា៖ «វិធានការការពារនានា ត្រូវបានដាក់ឲ្យអនុវត្ត ប្រកបដោយភាពជោគជ័យ នៅក្នុងប្រទេសកម្ពុជា ដែលយើងមើលឃើញថា ៤ខែក្រោយមក ពួកយើងក៏ទទួលបានការឈប់សម្រាកចូលឆ្នាំខ្មែរ ដែលត្រូវបានពន្យាពេលកាលពីខែមេសាកន្លងទៅនេះ។ សម្រាប់ពួកយើង វាជាសញ្ញាបញ្ជាក់ឲ្យឃើញថា សេដ្ឋកិច្ចបានដើរយឺត ប៉ុន្តែជាមួយនឹងការគ្រប់គ្រងស្ថានការណ៍ ប្រកបដោយប្រសិទ្ធភាព វានឹងត្រលប់មកសភាពដើមវិញ។ ហើយពួកយើងក៏នៅតែបន្តធ្វើ ឲ្យប្រាកដថា ធនាគារ PPCBank នៅតែផ្តល់សេវាធនាគារដែលងាយស្រួលដល់អតិថិជនរបស់យើង។ ហេតុដូច្នេះហើយ បានជាយើងបន្តបង្កើនសាខាបន្ថែមទៀត»។
លោក Shin បានមានប្រសាសន៍បន្ថែមថា៖ «ជំនួសមុខឲ្យធនាគារ PPCBank ទាំងមូល ខ្ញុំសូមថ្លែងអំណរគុណដល់អតិថិជនរបស់ពួកយើងទាំងអស់ ដែលតែងតែផ្តល់ការគាំទ្រដល់ពួកយើង ហើយនេះជាកត្តាជំរុញឲ្យយើង អាចបង្កើនសាខាពីរបន្ថែមទៀត»៕
(អត្ថបទពាណិជ្ជកម្ម)