ពីនេះ ពីនោះ
ប្រភេទត្រីទឹកសាបជាច្រើនបានធ្លាក់ចុះ ៧៦ ភាគរយ ក្នុងរយៈពេលតិចជាង ៥០ ឆ្នាំ (ត)
ស្តេឡេត ស្ទើចៀន stellate sturgeon គឺជាប្រភេទត្រីដែលកំពុងរងគ្រោះជិតផុតពូជ បានបាត់វត្តមានពីជួរកំណើតដើមរបស់ពួកវានៅក្នុងតំបន់ Caucasus ។ ត្រីស្ទើចៀន គឺជាប្រភេទត្រីដែលត្រូវបាននេសាទត្រីយ៉ាងច្រើនដើម្បីយកពងរបស់ពួកវា និងជាប្រភេទត្រីដែលបានទទួលរងគ្រោះពីសំណង់ទំនប់ ដែលរាំងផ្លូវពួកវាធ្វើចរាចរផ្លាស់ទី ហើយក៏ជាក្រុមត្រីដែលរងការគំរាមកំហែងខ្លាំងបំផុតក្នុងពិភពលោក។ រូបភាព៖ Joel Sartore ពី National Geographic Photo Ark
×![]()
ដោយ៖ STEFAN LOVGREN / National Geographic
ប្រភេទត្រីក្រៅស្រុក ជំងឺ ការបំពុល និងការនេសាទហួសកម្រិត សុទ្ធតែជាកត្តាជាគំរាមកំហែងចម្បង ចំពោះត្រីដែលធ្វើចរាចរផ្លាស់ទី។
ក្រុមអ្នកស្រាវជ្រាវក៏បានព្រមានផងដែរថា ការប្រែប្រួលអាកាសធាតុ នឹងបង្កផលប៉ះពាល់យ៉ាងខ្លាំង។ នៅប្រទេសអូស្ត្រាលី ភ្លើងឆេះព្រៃ ក្នុងឆ្នាំ ២០១៩-២០២០ បណ្តាលឲ្យមានផេះហូរចូលទៅក្នុងទន្លេមួយចំនួន និងបានសម្លាប់ត្រីយ៉ាងច្រើន។ ក្នុងនោះផងដែរ កាលពីឆ្នាំមុន មានត្រីរហូតដល់ទៅ ៣ លានក្បាល ប្រហែលជាបានងាប់ដោយសារគ្រោះរាំងស្ងួតដ៏ធ្ងន់ធ្ងរមួយ ដែលបានបណ្តាលឲ្យទន្លេដាលីង (Darling) រីងស្ងួតនោះ។
លោក Lee Baumgartner ជីវវិទូជលផលទឹកសាប នៃសាកលវិទ្យាល័យ ឆាលស្ទើត (Charles Sturt) ពីទីក្រុង អាល់ប៊ឺរី (Albury) ប្រទេសអូស្ត្រាលី លោកក៏បានចូលរួមចំណែកក្នុងរបាយការណ៍នេះដែរ បាននិយាយថា «អ្នកក្រឡេកមើលប្រព័ន្ធទន្លេទាំងនេះ ដែលមានការអភិវឌ្ឍខ្លាំងហួសណាស់ទៅហើយ បន្ទាប់មក អ្នកដាក់បញ្ហានៃការប្រែប្រួលអាកាសធាតុបន្ថែមពីលើទៀត នោះអ្នកនឹងទទួលបាននូវបញ្ហាដ៏ធំសម្បើមមួយ»។
ត្រីយក្ស
ផ្ទុយពីទ្វីបអឺរ៉ុប ការសិក្សាមួយបានបង្ហាញពីថា ការធ្លាក់ចុះនៃចំនួនត្រីធ្វើចរាចផ្លាស់ទីនៅអាមេរិកខាងជើង មានចំនួនតិចជាងនៅអឺរ៉ុប។ ការធ្លាក់ចុះកាលពីឆ្នាំ ១៩៧០ មានចំនួន ២៦ភាគរយ ប៉ុន្តែក្រុមអ្នកស្រាវជ្រាវនិយាយថា វាអាចមកពីចំនួនស្តុកត្រីជាច្រើននៅអាមេរិកខាងជើង បានធ្លាក់ចុះតាំងពីមុនមកម្ល៉េះ។
មួយផ្នែកធំដែលសេសសល់នៃពិភពលោក រួមមាន អាហ្វ្រិក អាមេរិកខាងត្បូង និងអាស៊ី បញ្ហាកង្វះព័ត៌មានធ្វើឱ្យមានការលំបាកក្នុងការថ្លឹងថ្លែងឱ្យបានជាក់លាក់ពីស្ថានភាពប្រភេទត្រីធ្វើចរាចរផ្លាស់ទី ។ លោក Wanningen និយាយថា៖ «ជាឧទាហរណ៍ យើងដឹងបានតិចតួចណាស់ អំពីប្រភេទត្រីធ្វើចរាចរផ្លាស់ទី បើប្រៀបធៀបទៅនឹងប្រភេទបក្សីដែលធ្វើចរាចរផ្លាស់ទី ។ «វាពិបាកនឹងដឹងថាមានអ្វីកំពុងកើតឡើងនៅក្រោមផ្ទៃទឹក»។ (សូមរង់ចាំអានវគ្គបន្ត)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
