ក្រោយសម្រាលកូន, អ្នកម្តាយតមអាហារព្រោះខ្លាចទាស់ តែប្រឈមនឹងជំងឺខ្វះអាហាររូបត្ថម្ភ

ជាតិ

បទយកការណ៍ / បទសម្ភាសន៍

សុខភាព

ក្រោយសម្រាលកូន, អ្នកម្តាយតមអាហារព្រោះខ្លាចទាស់ តែប្រឈមនឹងជំងឺខ្វះអាហាររូបត្ថម្ភ

06, Dec 2020 , 2:03 pm

រូបភាព

ដោយ: អ៊ុត រស្មី (Uth Raksmey)

ភ្នំពេញ៖ ក្រោយសម្រាលកូនរួច ស្ត្រីមួយចំនួននៅតែមានជំនឿពីចាស់បុរាណមិនហ៊ានបរិភោគអាហារផ្ដេសផ្ដាស ឬបរិភោគតែអាហារក្រៀមក្រាំល ព្រោះខ្លាចទាស់។ លោកវេជ្ជបណ្ឌិត ប៉ិច សុធី បានអះអាងថា ការតមអាហារក្រោយពេលសម្រាលនេះ ជារឿងមិនត្រឹមត្រូវនោះទេ ហើយការតមអាហារពេក នឹងធ្វើឱ្យស្ត្រីខ្វះទឹកដោះបំបៅកូន និងអាចប្រឈមជំងឺខ្វះអាហាររូបត្ថម្ភ។

ដើម្បីជ្រាបច្បាស់សូមអញ្ជើញលោក-អ្នកនាងទស្សនាបទសម្ភាសរវាងកញ្ញា អ៊ុត រស្មី អ្នកសារព័ត៌មានថ្មីៗ ជាមួយសាស្ត្រាចារ្យវេជ្ជបណ្ឌិត ប៉ិច សុធី ប្រធានមន្ទីរពហុព្យាលសម្ភពសោភាមានជ័យ ដូចតទៅ៖

បើតាមលោកវេជ្ជបណ្ឌិត ប៉ិច សុធី បានលើកឡើងថា ក្រោយពេលសម្រាលកូន ស្ត្រីគួរតែបរិភោគប្រភេទអាហារបីក្រុម គឺប្រភេទអាហារថាមពលសម្បូរដោយជាតិសាច់, អាហារសាងសង់មានគ្រាប់ធញ្ញជាតិ និងអាហារការពារ មានបន្លែ និងផ្លែឈឺជាដើម។

លោកវេជ្ជបណ្ឌិតបានរៀបរាប់ដូច្នេះថា៖ «កាលណាគាត់(ស្ដ្រី)ញាំអាហារមានវីតាមីនគ្រប់គ្រាន់ នឹងជួយថាមពលរបស់គាត់ តែប្រសិនបើ គាត់តមពេក វាទៅជាខ្វះវីតាមីន មិនសូវសម្បូរទឹកដោះ ហើយខ្លួនគាត់ក៏ងាយប្រឈមនឹងជំងឺផ្សេងៗដែរ»។

អត្ថបទទាក់ទង

ស្ត្រីមានផ្ទៃពោះគួរត្រៀមចិត្តនិងកាយដូចម្តេច ដើម្បីឲ្យការសម្រាលកូនបែបធម្មជាតិមានសុវត្ថិភាព?

នៅពេលស្ត្រីបរិភោគអាហារមិនគ្រប់គ្រាន់ នឹងធ្វើឱ្យប្រឈមជំងឺខ្វះអាហាររូបត្ភម្ថ មានអាការៈ ដូចជា ស្រកគីឡូ,ឈឺឆ្អឹង, អស់កម្លាំង, គេងមិនលក់ និងខ្វះទឹកដោះបំបៅកូនជាដើម ។ អាការៈនេះ ចាស់ៗមួយចំនួនបែរថា ជាបញ្ហាទាស់សរសៃ ហើយឱ្យស្ត្រីប្រើថ្នាំបុរាណ ស្រាថ្នាំ ដែលធ្វើឱ្យសុខភាពស្ត្រីកាន់តែធ្ងន់ធ្ងរទៅវិញ។ នេះជាការបញ្ជាក់របស់លោកវេជ្ជបណ្ឌិត ប៉ិច សុធី៕