COVID-19
អន្តរជាតិ
×![]()
ក្រសួងសុខាភិបាលវៀតណាម បានសម្រេចចុះឈ្មោះទិញវ៉ាក់សាំងរបស់រុស្ស៊ី ។ នេះបើតាមការចុះផ្សាយរបស់ទូរទស្សន៍រដ្ឋវៀតណាម នៅថ្ងៃទី ១៤ ខែសីហា ខណៈប្រទេសក្នុងតំបន់អាស៊ីអាគ្នេយ៍មួយនេះ កំពុងញាប់ដៃញាប់ជើងប្រយុទ្ធប្រឆាំងនឹងការផ្ទុះរាលដាល COVID-19 ថ្មី ក្រោយគ្មានករណីឆ្លងក្នុងសហគមន៍ច្រើនសប្តាហ៍។ 
រុស្ស៊ី នៅថ្ងៃ១២ ខែសីហា បានប្រកាសថា វ៉ាក់សាំងCOVID-19ដំបូងបង្អស់របស់ពិភពលោក នឹងត្រូវផលិតក្នុងរយៈពេល២សប្ដាហ៍ខាងមុខ។ ម្យ៉ាង រដ្ឋាភិបាលក្រុងមូស្គូ ក៏បានច្រានចោលកង្វល់ពាក់ព័ន្ធសុវត្ថិភាពនៃវ៉ាក់សាំងនេះដែលក្រុមអ្នកជំនាញខ្លះលើកឡើង ក្រោយរុស្ស៊ីប្រញាប់ប្រញាល់អនុម័តថ្នាំនេះពេក ដោយអះអាងថាការលើកឡើងទាំងនោះគ្មានមូលដ្ឋាន។
ទោះសម្រេចចិត្តទិញវ៉ាក់សាំងពីរុស្ស៊ីមែន ក្រសួងសុខាភិបាល នៅតែអះអាងថា៖«ក្នុងពេលនេះ វៀតណាម នឹងនៅតែបន្តអភិវឌ្ឍវ៉ាក់សាំង COVID-19 ផ្ទាល់ខ្លួនដដែល»។ នេះបើតាមការចុះផ្សាយរបស់ទូរទស្សន៍រដ្ឋវៀតណាម VTV ។
យ៉ាងណាមិញ ក្រសួងសុខាភិបាលវៀតណាម ពុំបានបញ្ជាក់ថាខ្លួនបានបញ្ជាទិញវ៉ាក់សាំងរុស្ស៊ីប៉ុន្មានដូសនោះទេ ឬក៏ពេលណាវៀតណាមរំពឹងនឹងទទួលបានពួកវាផងដែរ។ ក្រសួងសុខាភិបាលវៀតណាម កាលពីខែមុន បានអះអាងថា វ៉ាក់សាំងផលិតក្នុងស្រុករបស់ខ្លួន នឹងអាចប្រើប្រាស់បានត្រឹមចុងឆ្នាំ២០២១ ។
កន្លងទៅ វៀតណាម ត្រូវបានសាទរចំពោះការទប់ស្កាត់ជោគជ័យលើការផ្ទុះរាលដាល COVID-19 តាមរយៈការធ្វើតេស្ត តាមដាន និងធ្វើចត្តាឡីស័កយ៉ាងតឹងរ៉ឹង។ ក៏ប៉ុន្តែឥឡូវនេះប្រទេសដែលមានប្រជាជនជាង៩០លាននាក់នេះ កំពុងញាប់ដៃញាប់ជើងគ្រប់គ្រងការរាលដាលថ្មី ដែលផ្ដើមចេញពីទីក្រុង ដាណាង ទិសដៅទេសចរណ៍ដ៏ល្បីល្បាញមួយ កាលពីថ្ងៃទី២៥ កក្កដា។
ដោយមានករណីឆ្លងសរុប ៩១១ ករណី និងស្លាប់ ២១នាក់ហើយនោះ នាយករដ្ឋមន្ត្រីវៀតណាម លោក ង្វៀន ស៊ួនហ្វុក បានព្រមានថា ហានិភ័យរាលដាល COVID-19 គឺមានកម្រិតខ្ពស់ណាស់ ហើយប៉ុន្មានថ្ងៃខាងមុខ នឹងកាន់តែស្វិតស្វាញថែមទៀតក្នុងការប្រយុទ្ធប្រឆាំង COVID-19 ។
តាមការចុះផ្សាយរបស់ទីភ្នាក់ងារព័ត៌មាន Reuters ប្រធានក្រុមការងារប្រយុទ្ធ COVID-19របស់វៀតណាមលោកឧបនាយករដ្ឋមន្ត្រី Vu Duc Dam បញ្ជាក់នៅថ្ងៃទី ១៤ ខែសីហាថា បច្ចុប្បន្ន វៀតណាម គ្មានជម្រើសអ្វីផ្សេងក្រៅពីព្យាយាមរស់នៅដោយសុវត្ថិភាពជាមួយនឹងវីរុសនេះទេ។ ដកស្រង់ផ្សាយដោយប្រព័ន្ធផ្សព្វផ្សាយរដ្ឋវៀតណាម លោក Dam បន្តថា៖«យើងកំពុងអនុវត្តវិធានការប្រឆាំង COVID-19 ដូច្នេះមនុស្សរាល់គ្នា ត្រូវប្រុងប្រយ័ត្នជានិច្ច និងដឹងពីរបៀបការពារខ្លួនពួកគេ»។
សូមបញ្ជាក់ថា លោកប្រធានាធិបតីរុស្ស៊ី វ៉្លាឌីមៀ ពូទីន នៅដើមសប្តាហ៍នេះ បានប្រកាសថា រុស្ស៊ី បានចុះបញ្ជីវ៉ាក់សាំងប្រឆាំង COVID-19 មុនគេលើពិភពលោក។ លោកបញ្ជាក់ថា វ៉ាក់សាំងនេះ មានប្រសិទ្ធភាពក្នុងការបង្កើតភាពស៊ាំប្រឆាំងនឹងវីរុស៕
អត្ថបទទាក់ទង
រុស្ស៊ី នៅថ្ងៃ១២ ខែសីហា បានប្រកាសថា វ៉ាក់សាំងCOVID-19ដំបូងបង្អស់របស់ពិភពលោក នឹងត្រូវផលិតក្នុងរយៈពេល២សប្ដាហ៍ខាងមុខ។ ម្យ៉ាង រដ្ឋាភិបាលក្រុងមូស្គូ ក៏បានច្រានចោលកង្វល់ពាក់ព័ន្ធសុវត្ថិភាពនៃវ៉ាក់សាំងនេះដែលក្រុមអ្នកជំនាញខ្លះលើកឡើង ក្រោយរុស្ស៊ីប្រញាប់ប្រញាល់អនុម័តថ្នាំនេះពេក ដោយអះអាងថាការលើកឡើងទាំងនោះគ្មានមូលដ្ឋាន។
ទោះសម្រេចចិត្តទិញវ៉ាក់សាំងពីរុស្ស៊ីមែន ក្រសួងសុខាភិបាល នៅតែអះអាងថា៖«ក្នុងពេលនេះ វៀតណាម នឹងនៅតែបន្តអភិវឌ្ឍវ៉ាក់សាំង COVID-19 ផ្ទាល់ខ្លួនដដែល»។ នេះបើតាមការចុះផ្សាយរបស់ទូរទស្សន៍រដ្ឋវៀតណាម VTV ។
យ៉ាងណាមិញ ក្រសួងសុខាភិបាលវៀតណាម ពុំបានបញ្ជាក់ថាខ្លួនបានបញ្ជាទិញវ៉ាក់សាំងរុស្ស៊ីប៉ុន្មានដូសនោះទេ ឬក៏ពេលណាវៀតណាមរំពឹងនឹងទទួលបានពួកវាផងដែរ។ ក្រសួងសុខាភិបាលវៀតណាម កាលពីខែមុន បានអះអាងថា វ៉ាក់សាំងផលិតក្នុងស្រុករបស់ខ្លួន នឹងអាចប្រើប្រាស់បានត្រឹមចុងឆ្នាំ២០២១ ។
កន្លងទៅ វៀតណាម ត្រូវបានសាទរចំពោះការទប់ស្កាត់ជោគជ័យលើការផ្ទុះរាលដាល COVID-19 តាមរយៈការធ្វើតេស្ត តាមដាន និងធ្វើចត្តាឡីស័កយ៉ាងតឹងរ៉ឹង។ ក៏ប៉ុន្តែឥឡូវនេះប្រទេសដែលមានប្រជាជនជាង៩០លាននាក់នេះ កំពុងញាប់ដៃញាប់ជើងគ្រប់គ្រងការរាលដាលថ្មី ដែលផ្ដើមចេញពីទីក្រុង ដាណាង ទិសដៅទេសចរណ៍ដ៏ល្បីល្បាញមួយ កាលពីថ្ងៃទី២៥ កក្កដា។
ដោយមានករណីឆ្លងសរុប ៩១១ ករណី និងស្លាប់ ២១នាក់ហើយនោះ នាយករដ្ឋមន្ត្រីវៀតណាម លោក ង្វៀន ស៊ួនហ្វុក បានព្រមានថា ហានិភ័យរាលដាល COVID-19 គឺមានកម្រិតខ្ពស់ណាស់ ហើយប៉ុន្មានថ្ងៃខាងមុខ នឹងកាន់តែស្វិតស្វាញថែមទៀតក្នុងការប្រយុទ្ធប្រឆាំង COVID-19 ។
តាមការចុះផ្សាយរបស់ទីភ្នាក់ងារព័ត៌មាន Reuters ប្រធានក្រុមការងារប្រយុទ្ធ COVID-19របស់វៀតណាមលោកឧបនាយករដ្ឋមន្ត្រី Vu Duc Dam បញ្ជាក់នៅថ្ងៃទី ១៤ ខែសីហាថា បច្ចុប្បន្ន វៀតណាម គ្មានជម្រើសអ្វីផ្សេងក្រៅពីព្យាយាមរស់នៅដោយសុវត្ថិភាពជាមួយនឹងវីរុសនេះទេ។ ដកស្រង់ផ្សាយដោយប្រព័ន្ធផ្សព្វផ្សាយរដ្ឋវៀតណាម លោក Dam បន្តថា៖«យើងកំពុងអនុវត្តវិធានការប្រឆាំង COVID-19 ដូច្នេះមនុស្សរាល់គ្នា ត្រូវប្រុងប្រយ័ត្នជានិច្ច និងដឹងពីរបៀបការពារខ្លួនពួកគេ»។
សូមបញ្ជាក់ថា លោកប្រធានាធិបតីរុស្ស៊ី វ៉្លាឌីមៀ ពូទីន នៅដើមសប្តាហ៍នេះ បានប្រកាសថា រុស្ស៊ី បានចុះបញ្ជីវ៉ាក់សាំងប្រឆាំង COVID-19 មុនគេលើពិភពលោក។ លោកបញ្ជាក់ថា វ៉ាក់សាំងនេះ មានប្រសិទ្ធភាពក្នុងការបង្កើតភាពស៊ាំប្រឆាំងនឹងវីរុស៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
