កំណាព្យ ប៉ាកកាខ្មៅ បទ អើយរ៉ា
 

-ព្រលឹង  អើយរ៉ា វិលវិញមក

មកជ្រក អើយរ៉ា ជុំជិតកាយ

កុំទៅ អើយរ៉ា ទីណាឆ្ងាយ

ស្លាប់កាយ អើយរ៉ា បើគ្មានអ្នក។

 

-អង្វរ អើយរ៉ា ហៅព្រលឹង

រំពឹង អើយរ៉ា មកវិញជាក់

បន់ស្រន់ អើយរ៉ា អស់អារក្ខ

ពឹងពាក់ អើយរ៉ា ទាំងទេព្តា។

 

-ជាតិវិញ អើយរ៉ា ដូចកាយដែរ

ជាតិខ្មែរ អើយរ៉ា ពិតត្រូវការ

ព្រលឹង អើយរ៉ា កេរដូនតា

ហៅថា អើយរ៉ា វប្បធម៌។

 

-ជាតិបាត់ អើយរ៉ា ឬគង់បាន

គ្រប់បា្រណ អើយរ៉ា កុំភ្លេចពណ៌

ចាំជាតិ អើយរ៉ា សាច់ឈាមជ័រ

ចោលពណ៌ អើយរ៉ា ពិតជាតិបង់៕