​សៀមរាប​៖ រដ្ឋបាល​ខេត្តសៀមរាប បានរៀបចំ​ពិធីបួងសួង​សុំ​សេចក្ដីសុខ ក្នុង​ថ្ងៃ​ចាប់ផ្តើម​នៃ​ការ​ប្រារព្ធ​ពិធី​សម្រាក​សៀមរាប ដែល​កម្មវិធី​នេះ​ធ្វើឡើង​នៅ​ក្ដារបែន​ប្រាសាទអង្គរវត្ត នា​ព្រឹក​ថ្ងៃទី​១៧ សីហា​។ សម្ដេច ទៀ បាញ់ ជា​អធិបតីភាព​ក្នុង​ពិធី​នេះ​។ ក្រៅពីនេះ​មានដូចជា ប្រធាន​ក្រុមប្រឹក្សា​ខេត្ត អភិបាលខេត្ត​សៀមរាប លោក ទៀ សីហា ប្រធាន​សហភាព​សហព័ន្ធ​យុវជន​កម្ពុជា លោក ហ៊ុន ម៉ា​នី ថ្នាក់ដឹកនាំ​អាជ្ញាធរ​ជាតិ​អប្សរា ព្រមទាំង​ថ្នាក់ដឹកនាំ​ខេត្ត​និង​មន្ត្រីរាជការ​សរុប​ជាង​១០០​នាក់​៕

 

​